...Mərkəzi Bankın...qeyri-dəqiq yol tutduğunu...

Tarix: 09.01.2016 / 02:07
Bölmə: İqtisadiyyat

7 milyard dollar kredit, 4 milyard manat kredit...

Bu qədər dollarlaşma nəyə lazım idi?

Manat və onun məzənnəsi ətrafında gedən proseslər bu məsələni gündəmin ən aktual mövzusu kimi saxlamaqda davam edir. Mərkəzi Bankın banklara nağd xarici valyutanın alış və satış məzənnələrini bundan sonra müstəqil müəyyən etmək səlahiyyətini verməsi isə mövzunu daha da dərinləşdirdi. İndi hamını əsasən bu suallar maraqlandırır: əslində nə baş verir? Mərkəzi Bank nəyə nail olmaq istəyir?

Mərkəzi Bank üç gün əvvəl 500 ABŞ dollarından artıq məbləğdə aparılan əməliyyatların şəxsiyyət vəsiqəsi ilə həyata keçirilməsi qaydasını tətbiq etdi. Bununla yanaşı isə banklara xarici valyutaların alış və satış məzənnələrini sərbəst müəyyən etmək imkanı yaratdı. Hesab edirik ki, burada Mərkəzi Bankın əsl məqsədi manatın məzənnəsinin real bazar tələbləri çərçivəsində müəyyən olunmasına nail olmaqdan ibarətdir. Bu yaxşı haldır. Çünki vəziyyəti daim diqqət mərkəzində saxlamaqla və bazara aramsız müdaxilələr etməklə Mərkəzi Bank manatın məzənnəsi ətrafında ciddi bir narahatlığın olduğunu təsdiq etmiş olur. Buna isə ehtiyac yoxdur. Mərkəzi Bank son addımları ilə doğrudan da dediyimiz məqsədləri öz qarşısına qoyubsa, bu, müsbət hal kimi qiymətləndirilə bilər. Heç kəsə sirr deyil ki, keçən ilin fevral və dekabr aylarının 21-də - 10 aylıq fasilə ilə manatın kəskin devalvasiyası dünya bazarlarında neftin qiymətlərinin aşağı düşməsi ilə nə qədər bağlı olsa da, bu prosesdə yaranmış vəziyyətdən sui istifadə halları da kifayət qədər rol oynaya bildi. Bu baxımdan, Mərkəzi Bankın atdığı addım çox önəmlidir. İndi valyutadəyişmə məntəqələri vasitəsilə spekulyativ valyuta əməliyyatlarını həyata keçirmək bir o qədər də asan olmayacaq. Hesab edirik ki, Mərkəzi Bank bu addımı keçən ilin fevral ayında baş vermiş devalvasiyadan sonra atsaydı, bu daha yaxşı olardı.

Lakin məsələnin həlli bununla da bitmir. Hesab edirik ki, yeni qaydalarda vətəndaşın gün ərzində neçə dəfə 500 dollardan artıq valyuta dəyişə bilməsi mütləq müəyyən edilməlidir. Əks halda qara bazardakı dəllallar aktiv fəaliyyətə keçərək müştəri üçün valyutadəyişmə məntəqələrindən "valyuta almaqla" məşğul olacaqlar. Bu da qara bazarı bir qədər də canlandıracaq. Ona görə də məhdudiyyət lazımı qaydada işləməlidir. Digər tərəfdən hesab edirik ki, yeni qaydalarla valyutadəyişmə məntəqələrinin sayı minimuma endirilməli və ümumiyyətlə bu işin daha çox bankların özləri tərəfindən həyata keçirilməsinə üstünlük verilməlidir. Burada digər vacib sayıla biləcək məsələ isə 500 dollardan artıq valyuta dəyişənlərin üzərində mərkəzləşdirilmiş (bəlkə də avtomatlaşdırılmış qaydada belə informasiyaların bir mərkəzə ötürülməsi yolu ilə) nəzarət mexanizminin qurulmasıdır. Eyni zamanda, qanunsuz valyuta alqı-satqısı ilə məşğul olanlar barəsində isə ən sərt tədbirlərin görülməsi nəzərdə tutulmalıdır. Bu tədbirlərin sərtliyi o səviyyədə olmalıdır ki, belə qanunsuz fəaliyyət heç kim üçün maraqlı olmasın.

Gəlin, məsələyə başqa bir rakursdan da baxaq. Belədə ortaya başqa suallar da çıxır: ölkə daxilində bu qədər valyuta alışı kimə lazımdır? Yəni doğrudanmı bütün valyuta alanlar mütəmadi olaraq xaricə gedib alış-veriş edənlərdi? Yaxud sadə vətəndaş nə üçün özünün son manatını da aparıb xarici valyutaya dəyişməlidir? Bax, Mərkəzi Bankın bu məsələdə əzəldən qeyri-dəqiq yol tutduğunu xüsusi qeyd etmək lazımdır. Mərkəzi Bank müvəkkil bankların xarici valyuta ilə kredit ayırmağa daha çox meyllənməsinə qarşı ciddi tədbirlər görməyib və ya bu, simvolik xarakter daşıyıb. Sual olunur: ölkə vətəndaşı adi bir məişət problemini həll etmək üçün banka nə üçün yalvarmalıdır ki, mənə manatla kredit verin? Nə üçün biz öz milli valyutamızı bu qədər hörmətsiz bir vəziyyətə salmışıq? Rəsmi məlumatlara görə, hazırda ölkə üzrə dollarla götürülmüş kreditlərin həcmi 7 milyardan artıqdır. Manatla götürülmüş kreditlər isə 4 milyard. Bu mənzərənin yaranmasına əvvəlcədən imkan verilməməli idi. Manatın ətrafında yaranmış bugünkü durumun, onun bu qədər "hörmətsiz" bir vəziyyətə düşməsinin səbəbi ölkənin bank sisteminin qeyri-dəqiq mexanizmlərə söykənməsidir. Manatı zamanı ilə yersiz möhkəmlətmək, sonradan onu ciddi əsaslar olmadan 10 ay ərzində 2 dəfəyə qədər ucuzlaşdırmaq da bu yanlış fəaliyyət mexanizminin məhsuludur. Sözsüz, manatın dəyərdən düşməsini başlıca səbəbi neftin dünya bazarlarında qiymətinin kəskin ucuzlaşmasından dolayı gəlirlərimizin azalmasıdır. Bizim narahatlığımız ölkənin bank sisteminin belə fors-major situasiyalara hazır olmamasından irəli gəlir.

Hesab edirik ki, bundan sonra ölkə daxilində xarici valyuta ilə ticarətin bütün formalarına qadağa qoyulmalı, belə ticarətin həyata keçirilməsi halı aşkar olunduqda satılan mal tam şəkildə dövlətin xeyrinə müsadirə olunmalıdır. Banklara ölkə daxilində istifadə üçün xarici valyutada kreditlər vermək, bir qayda olaraq, qadağan edilməli, xarici valyuta gəliri olmayanlara xarici valyutada kredit verən banklar dərhal bağlanmalıdır. Xarici ticarət əlaqələri həyata keçirən hüquqi və fiziki şəxslər üçün isə valyuta alışının xüsusi qaydaları müəyyən edilməlidir.

Onu da unutmamalıyıq ki, yaranmış vəziyyətdən sui-istifadə etməyə çalışan qüvvələr var və indi onlar manat ətrafında baş verənləri xüsusi bir həvəslə dövlətə qarşı yönəltməyə cəhd edirlər.

Ölkə vətəndaşları belə təxribat xarakterli çağırışlara, əsası olmayan qərəzli çıxışlara uymamalıdır.

Fikrət Yusifov,

"Ekonomiks" Beynəlxalq İqtisadi Araşdırmalar

Birliyinin sədri, iqtisad elmləri doktoru, professor

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...