Sığorta şirkətləri müştərilərə ödənişlərin artırılması barədə düşünürmü?

Tarix: 09.01.2016 / 01:59
Bölmə: İqtisadiyyat

"Ata Sığorta" - Yusif Ağayev: "Sığorta ödənişi real qiymətlə hesablanır"

"Amrah Sığorta" - Rəşid Salıfov: "Ödənişlərin artması 10-20 faiz civarında ola bilər"

Xəyal Məmmədxanlı: "Sığorta ödənişləri artarsa, sığorta haqqı artmalıdır"

Dolların məzənnəsinin milli valyutaya nisbətən bahalaşması bütün sahələrə təsir göstərib. Bu baxımdan sığorta bazarı da istisna deyil. Bu sahəyə əsas təsir ölkəyə xaricdən gətirilən avtomobil ehtiyat hissələrinin qiymətinin artması ilə bağlıdır. Belə olan halda sığorta şirkətlərinin xərcləri də artır.

Qəza hadisəsi baş verən zaman sığorta şirkəti vətəndaşa dəymiş ziyanın məbləğini hesablayır. Müəyyən olunan məbləğ sığorta şirkəti tərəfindən vətəndaşa ödənilir.

Sığorta şirkətləri baş verən hər hansı bir hadisəyə görə zərərçəkən tərəfə sığorta ödənişini artırmaq barədə düşünürmü?

"Ata Sığorta" şirkətinin marketinq şöbəsinin müdiri Yusif Ağayev "Bakı-Xəbər"ə açıqlamasında qeyd etdi ki, baş verən qəza hadisəsi ilə bağlı şirkət zərərçəkənə hesablanan məbləği ödəyir: "Həmin məbləğ hazırkı məzənnə ilə hesablanır. Yəni yol-qəza hadisəsi baş verərsə, maşının ehtiyat hissələrinin hazırkı qiyməti hesablanır. Bəlli məsələdir ki, avtomobil ehtiyat hissələri xaricdən dollarla alındığına görə qiyməti yüksək olur. Sığorta ödənişi real qiymətlə hesablanır".

"Amrah Sığorta" şirkətinin idarə heyətinin sədr müavini Rəşid Salıfovun sözlərinə görə, əvvəlki devalvasiyadan fərqli olaraq budəfəki bahalaşmaya sığorta şirkətləri daha hazırlıqlı idi:

"Avtomobillərin ehtiyat hissələrinin qiymətlərinin artması fonunda sığorta şirkətlərinin təmir xərclərinin artacağı gözlənir. Belə ki, xaricdən gətirilən ehtiyat hissələri bahalaşacaq. Bundan əlavə, avtomobilin təmiri üçün usta xərcləri də arta bilər. Ödənişlərin artması 10-20 faiz civarında ola bilər".

Sığorta sahəsi üzrə ekspert Xəyal Məmmədxanlı qəzetimizə açıqlamasında qeyd etdi ki, sığorta şirkətləri nağd ödənişlə işləmədiyinə görə onlarda məzənnə problemi yaşanmır: "Avtomobil zərər çəkir və sürücü idarə etdiyi minik vasitəsini servisə verir ki, maşını bərpa olunsun. Bəllidir ki, avtomobilin təmiri üçün lazım olan məbləği sığorta şirkəti ödəməlidir. Bu gün avtomobil ehtiyat hissələrinin qiyməti dolların məzənnəsi yüksək olduğu üçün yüksəkdir. Bu da o deməkdir ki, sığorta ödənişlərinin məbləği artacaq. Sığorta ödənişlərinin məbləği artarsa, təbii ki, sığorta şirkəti də sığorta haqlarını artırmalıdır.

Daha öncə zərərliliklə bağlı 100 manat sığorta haqqı toplanırdı. Həmin məbləğin 70 manatı ödəniş kimi verilirdi, yerdə qalanı isə özlərinə gəlir kimi qalırdı.

Ancaq bu gün isə sığorta şirkətləri eyni məbləğlə işləməyə davam etsələr, onlar zərərə uğrayacaq. Bu səbəbdən də sığorta şirkətləri ya ödənişin məbləğini azaltmalıdır, ya da sığorta haqqını qaldırmalıdır".

Günel CƏLİLOVA

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...