Azərbaycanda otel sahiblərindən anlaşılmaz "özünəqəsd" addımı...

Tarix: 07.01.2016 / 01:40
Bölmə: İqtisadiyyat

Anar Həsənov: "Hələ biz həyəcan təbili çalırdıq ki, köhnə qiymətlər çox bahadır"

"Belə qiymət siyasəti ilə, çətin ki, bunu bacaraq"

Manatın ucuzlaşması Bakı otellərindəki qiymətlərə də təsir edib. Paytaxtın onsuz da bahalığı ilə məşhur olan otelləri devalvasiyanı bəhanə edərək qiymətləri daha da artırıblar. Məşhur otellərin bəzilərində artıq qiymətlər artırılıb, bəzilərində isə qiymət artımına hazırlıq gedir.

Fins.az Bakı otellərinin devalvasiyadan sonrakı qiymətlərini araşdırıb.

1. "Ramada Hotel & Suites Baku"

"Ramada Hotel & Suites Baku" otelində standart otaqda səhər yeməyi də daxil olmaqla bir nəfərlik qiymət 85 manat, iki nəfərin gecələməsi isə 95 manatdır. Bura hovuz və fitnes də daxildir. Qeyd edək ki, oteldə daha geniş və qiyməti daha yüksək otaqlar da var. Oteldən verilən məlumata əsasən, hələ ki, cüzi bahalaşma müşahidə olunur, qiymətlər də kəskin artım olmayıb.

2. "Qafqaz Point Hotel"

Qiymətlərdə hələ ki, heç bir artım yoxdur, amma bahalaşmanın olacağı gözlənir. Adi müştərilər üçün standart otağın gecəsi 145 avroyadır. Korporativ müştərilər üçün isə bir nəfərlik qiymət 109 manat, iki nəfərlik isə 128 manat olacaq. Qiymətə səhər yeməyi, sauna, trenajor zalı və hovuz daxildir.

3. "Jumeirah Bilgah Beach Hotel"

Bakının ən dəbdəbəli otelində hələlik qiymətlər artmayıb. Oteldən bildirilib ki, hələlik iki nəfərin bir gecə oteldə qalmaq qiyməti 138 manatdır. Eyvanlı otaqlarda isə qiymət 197 manatdır. Yeri gəlmişkən, hələlik oteldə boş nömrə yoxdur.

4. "Fairmont Baku at the Flame Towers"

"Fairmont Baku at the Flame Towers"də qiymətlər devalvasiyadan sonra 15-20% yüksəlib. Hazırda səhər yeməyi daxil olmadan iki nəfərin qalması üçün otaqlar 193 manatdır. Bir nəfərlik isə təxminən 15-10 manat fərqlə ucuz olur.

5. "JW Marriott Absheron Baku"

"JW Marriott Absheron Baku"da hələlik qiymətlər artmayıb. Menecment bu barədə yenilik olmadığını bildirib. Xatırladaq ki, bu oteldə standart səhər yeməyi daxil olmayan iki nəfərlik otaqların qiyməti 342 manatdır. Otağın sahəsi 42 kvadart metrdir, pəncərəsindən "Port Baku" mənzərəsini görə bilərsiniz. Səhər yeməyi daxil olan iki nəfərlik otağın qiyməti isə 374 manatdır.

6. "Kempinski Hotel Badamdar Baku"

"Kempinski Hotel Badamdar Baku" otelində də qiymətlərdə hələlik artım yoxdur. Oteldə səhər yeməyi daxil olmaqla bir nəfərin gecələməsi isə 190 manata başa gələcək. Səhər yeməyi ilə birlikdə iki nəfərlik qiymət isə 227 manatdır.

7. "Excelsior Hotel & SPA Baku"

"Excelsior Hotel & SPA Baku" oteli müştərilərini hələ yanvarın axırınadək indiki qiymətlərlə qəbul edəcək. Bu qiymətlərə görə, bir nəfərin gecələməsi üçün məbləğ səhər yeməyi daxil olmaqla 114 manatdır. İki nəfərlik qiymət isə 138 manatdır. Fevralın əvvəllərinə kimi bu qiymətlər olacaq, daha sonra isə artım gözlənir.

8. "Hyatt Regency Baku"

Bakının ən tanınmış 5 ulduz otellərindən olan "Hyatt Regency Baku"da qiymətlər son devalvasiyadan sonra 15-20 manat artıb. Burada həftə içi səhər yeməyi daxil olmadan bir nəfərin gecələməsi 215 manata başa gələcək.

9. "Hilton Baku Hotel"

"Hilton Baku Hotel"də devalvasiya nəticəsində qiymətlər 15-20% artıb. Hazırda yeni qiymətlərlə səhər yeməyi daxil iki nəfərlik otaq 351 manatdır.

10. "Boulevard Hotel"

"Boulevard Hotel"də qiymətlər yanvarın 18-dən sonra artacaq. Oteldən bildirilib ki, həmin vaxtadək müştərilər qüvvədə olan qiymətlərdən istifadə edə bilərlər. Qüvvədə olan qiymət standart otaqda iki nəfərlik səhər yeməyi daxil olmaqla 120 manat təşkil edir. Bu isə qısamüddətli kampaniyadır. Yanvarın 18-dək bu qiymətlərlə oteldə qala bilərsiniz. Ondan sonra isə qiymətlər bahalanacaq. Kimsə tək qalmaq istəyirsə belə, eyni məbləğ ödənilməlidir.

Rəqəmlərdən görünür ki, qiymətlər astronomikdir. Belə qiymət artımı bizə nə vəd edir?

Turizm üzrə mütəxəsis Anar Həsənov qəzetimizə açıqlamasında bildirdi ki, Azərbaycanın turist cəlb etmək üçün gözəl şəraiti var: "Allah bizə hər nə lazımdırsa bəxş edib. Gözəl təbiət, dəniz, meşə, isti iqlim. Bir sözlə, turizmin inkişafı üçün nə lazımdırsa varımızdır. Amma gəlin fikir verək, biz lazım olan səviyyədə turist cəlb edə bilirikmi? Təbii ki, yox. Hamısı qiymətlərin baha olması ilə bağlıdır. Vəziyyət o həddə çatıb ki, bizim öz vətəndaşlarımız istirahətə xarici ölkələrə üz tutur ki, tətil ona ucuz başa gəlsin. Devalvasiyanı bəhanə edib qiymətləri qaldırmaq doğru deyil. Burda da nəsə dollarla alınmır ki. Bina qalıb yerində. Kommunal xidmətlərin qiyməti artmayıb, əvvəlki kimidir. Məndə olan dəqiq məlumata görə, həmin otellərin heç biri işçi personalının əmək haqqını artırmayıb. Onda belə artım nəyə lazımdır? Hələ biz həyəcan təbili çalırdıq ki, köhnə qiymətlər çox bahadır.

Bunlar isə qiyməti qaldırır. Bilirsiniz ki, Türkiyə türizmlə böyük pullar qazanır. Onların əsas turist potensialını isə ruslar təşkil edirdi. İndi iki ölkə arasında ciddi qarşıdurma yaşanır. Aydındır ki, bu yay rus turistləri Türkiyəyə getməyəcək. Biz qonşu ölkədən olan turistləri qəbul edə bilərik. Bu, külli miqdarda vəsaitin dövlət büdcəsinə axması deməkdir. Belə qiymət siyasəti ilə isə, çətin ki, bunu bacaraq".

Məhəmmədəli QƏRİBLİ

DİGƏR XƏBƏRLƏR

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...