Nizami rayonunun sosial-iqtisadi inkişafı: real vəziyyət və perspektivlər

Tarix: 06.01.2016 / 01:09
Bölmə: İqtisadiyyat

Fikirləşdim ki, sakini olduğum rayon haqda yazmaq mənə çox asan olacaq. Çünki müsabiqənin keçirilməsində başlıca məqsəd Nizami rayonunda olan inkişafı və çatışmazlıqları jurnalistlərin dilindən eşitməkdir. Ona görə asan olacağını zənn etdim ki, burada mən həm də bir vətəndaş, ən başlıcası isə, sakin mövqeyini ortaya qoymalıyam. Mən Nizami rayonunun ən böyük qəsəbəsi olan Keşlədə yaşayıram.

Daimi qeydiyyatım da buradır, hətta orta məktəbi də bu qəsəbədə oxumuşam. Nizami rayonunda yerləşən 201 saylı orta məktəbin məzunuyam. Bunları təsadüfən xatırlatmadım. Yəni demək istəyirəm ki, son illər ərzində rayonda və qəsəbədə baş verən yeniliklər mənim gözümün önündə olub. Təbiidir ki, Nizami rayonunda gedən inkişaf heç də hansısa azad iqtisadi zonada olan dəyişikliklər təsirini bağışlamır. Bu inkişaf ölkənin sürətli və dinamik tərəqqisinin bir parçasıdır. Ancaq buna baxmayaraq, rayonun inkişafında rəhbərlərin də böyük rolunun olduğunu danmaq olmaz. Hazırda Nizami rayonuna Arif Qasımov adlı şəxs rəhbərlik edir. Sözügedən dövlət məmuru Nizami rayonu üçün yad adam deyil. Vəzifəyə yeni təyin olunmasına baxmayaraq, Nizami rayonunun şinelindən çıxan bir məmurdur. Arif müəllim bir neçə ay əvvəl Siyəzən rayonunun icra başçısı vəzifəsindən bu rayona təqdimat alıb. A.Qasımovun Nizami rayonunda bundan əvvəl çalışdığı sahələr onu rayon barəsində ən məlumatlı adama çevirib. Çünki onun bundan əvvəl Keşlə qəsəbəsinin icra nümayəndəsi və Nizami Bələdiyyəsinin sədri olması bunun üçün tam kifayət edir. Artıq rayonda olan bəzi neqativliklərin aradan qaldırılması istiqamətində işlərə start verilib. Xüsusilə də rayon ərazisində olan qəsəbədaxili yolların təmirinə böyük diqqət var.

Son illər günbəgün müasirləşən, gözəlləşən Bakımızın yaraşıqlı guşələrindən birinə çevrilən Nizami rayonu ölkəmizin sosial-iqtisadi inkişafına mühüm töhfələr verir. Rayonun sosial-iqtisadi mənzərəsi günbəgün yaxşılaşır, abadlıq-quruculuq işləri getdikcə vüsət alır. Məhz bunun nəticəsidir ki, böyük mütəfəkkir şairimiz Nizami Gəncəvinin adını daşıyan bu rayonun siması günbəgün gözəlləşir, park və xiyabanlar, küçə və meydanlar zövq oxşayır.

Məlumat üçün qeyd edək ki, Nizami rayonu 1980-ci ilin noyabr ayında yaradılıb. Xatırladaq ki, Nizami rayonu vaxtilə iki rayonun - indiki Xətai və Nərimanov rayonları ərazisindən ayrılmaqla yaradılıb. Nizami rayonu Nərimanov, Sabunçu, Suraxanı və Xətai rayonlarının inzibati əraziləri ilə əhatə olunur. Rayonun ərazisi 19,6 kvadrat kilometr, əhalisi isə 183 mindən artıqdır. Nizami rayonu ərazisinin inzibati ərazi dairəsi ilə əhatə olunmayan hissəsində Nizami Rayon İcra Hakimiyyəti başçısının 1, 2 və 3 nömrəli sahə inzibati ərazi dairələri yaradılıb. Rayonda yerli özünüidarəetməni Nizami və Keşlə bələdiyyələri həyata keçirir.

Hazırda rayonda 22 orta ümumtəhsil məktəbi, "Zəngi" liseyi, Kimya-biologiya təmayüllü respublika liseyi, "Dədə Qorqud" özəl türk liseyi, uşaq-gənclər və texniki yaradıcılıq mərkəzləri, 20 uşaq bağçası, 1 uşaq evi, kar uşaqlar üçün respublika internat məktəbi, 2 peşə liseyi, 1 peşə məktəbi, 2 kollec və özəl ali təhsil ocağı olan "Xəzər" universiteti yerləşir. Rayon ərazisində 9 xəstəxana, 13 ambulator poliklinika fəaliyyət göstərir.

Nizami rayonunun paytaxt rayonları içərisində ən gənc olmasına baxmayaraq, vaxtilə burada iqtisadi baxımdan çox önəmli olan sənaye müəssisələri fəaliyyət göstərib. Həmin müəssisələr nəinki Bakı şəhərinin, eləcə də respublikanın iqtisadi potensialının formalaşmasında önəmli rol oynayıb.

Son vaxtlar təkcə Nizami rayonunda deyil, bütövlüklə Bakı şəhərində daha çox narahatlıq yaradan hallardan biri də istilik təchizatı məsələsidir ki, rayonda bu istiqamətdə ciddi nailiyyətlər əldə edilib. Belə ki, Nizami rayonu ərazisində ayrı-ayrı ünvanlarda 840 p/m istismara yararsız müxtəlif diametrli boru dəyişdirilib, 190 saylı qazanxanada yenidənqurma işləri aparılıb, müasir tipli qazanlar quraşdırılıb və həmin qazanxanalardan qidalanan 14 binanın, 1 məktəbin məhəllədaxili istilik xətləri əsaslı təmir olunub. 60 və 66 nömrəli qazanxanalarda 4 ədəd qazan bərpa olunub, 6 ədəd nasos, 2 ədəd mühərrik, 2 ədəd siyirtmə quraşdırılıb, 33 qazanxanada və 1 istilik məntəqəsində əsaslı, 106 ədəd müxtəlif markalı qazanlarda, 160 ədəd nasoslarda, 18 ədəd istilik mübadiləedici avadanlıqlarda, 1281 ədəd müxtəlif ölçülü siyirtmələrdə təmir-bərpa işləri aparılıb. 64 yaşayış binasının aşağıpaylayıcı istilik xətləri əsaslı təmir olunub, 2 yeni qazanxana tikilib, avadanlıqlar quraşdırılıb. Həmin qazanxanalardan istilik alacaq binalara magistral və məhəllədaxili istilik xətləri çəkilib, 48 binanın aşağıpaylayıcı xətləri dəyişdirilib. 189 saylı qazanxanada yenidənqurma işlərinə başlanıb, İ.Müzəffəroğlu küçəsi 7 və Q.Qarayev prospekti 59 ünvanlarında yeni qazanxanaların tikintisi planlaşdırılır. Bununla da Nizami rayonu istilik təchizatına görə Bakı rayonları arasında birincilər sırasında qərar tutub.

Nizami rayonunda aparılan tikinti-quruculuq işlərinin geniş vüsət almasını rayonun əsas mərkəzi küçələrinin də simasında aydın görmək olar. Belə ki, sivil şəhərsalma qayda-qanunlarına uyğun olaraq aparılan abadlıq və quruculuq işləri rayonun Heydər Əliyev, Qara Qarayev və Babək prospektlərini beynəlxalq tələblərə cavab verən nəqliyyat qovşaqlarına çevirib. Bu müstəvidə də yaxın bir neçə ildə inşa olunan və minlərlə nəqliyyat vasitəsi və piyadaların gediş-gəlişinə imkan verən müasir yol ötürücüləri Nizami rayonunun abadlıq və quruculuq simvollarından birinə çevrilib.

Xüsusilə metronun "Koroğlu" stansiyası yaxınlığında Prezident İlham Əliyevin təşəbbüsü ilə dünya standartlarına uyğun şəkildə inşa edilən müasir körpü kompleksi Nizami rayonunun simasını daha da gözəlləşdirib. Bu körpü kompleksinin inşası həm də rayon ərazisində dünyanın bütün iri şəhərləri üçün problemə çevrilən tıxacların aradan qaldırılmasına, əhalinin rahatlığına gətirib çıxarıb. Xüsusilə "Koroğlu" metrostansiyasında aparılan tikinti-təmir işlərindən sonra o gözəl memarlıq kompleksi kimi insanı özünə valeh edir. Onu da deyək ki, rayon ərazisindəki Heydər Əliyev adına parklarda və digər istirahət məkanlarında aparılan tikinti-abadlıq və quruculuq işləri nəticəsində Nizami rayonu qonşu rayonların əhalisinin də sevimli istirahət yerlərindən birinə çevrilib.

Son zamanlar Nizami rayonunda həlli vacib olan məsələlərdən biri də su-kanalizasiya təsərrüfatı ilə bağlı olub ki, artıq bu sahədə mövcud olan çatışmazlıqlar və nöqsanlar aradan qaldırılıb. Nizami rayon Sukanal İdarəsi tərəfindən ayrı-ayrı ünvanlarda müxtəlif diametrli 3444 p/m su borusu, 1437 p/m kanalizasiya xətti dəyişdirilib, 2735 ədəd sayğac quraşdırılıb. Əhalini fasiləsiz su ilə təmin etmək məqsədilə mövcud xətlər 94602 p/m yenilənib, 25 ədəd su anbarı yuyulub, 9 ədəd anbar, 24 ədəd nasos stansiyası təmir edilib, 21470 p/m kanalizasiya xətti yuyulub, 17 dəst yağış barmaqlığı, 66 ədəd lyuk quraşdırılıb.

Ölkə Prezidenti cənab İlham Əliyev tərəfindən imzalanmış "2011-2013-cü illərdə Bakı şəhərinin və ətraf qəsəbələrinin sosial-iqtisadi inkişafına dair Dövlət Proqramı"na uyğun olaraq rayonun 110, 125, 172, 175, 190 və 309 nömrəli uşaq bağçaları əsaslı təmir edilib, 175 saylı uşaq bağçasında 8 qruplu əlavə korpus istifadəyə verilib. Həmçinin bu proqrama uyğun olaraq tikintisi, yenidən qurulması və həmçinin əsaslı təmirinə 2013-cü ildə başlanmış 12, 32, 238 və 272 nömrəli məktəblərdə işlər başa çatdırılıb. Prezident cənab İlham Əliyev Bakı şəhərinin və paytaxt qəsəbələrinin sosial-iqtisadi inkişafının daha da sürətləndirilməsi ilə bağlı deyib: "Şəhərimizdə bütün işlər yüksək səviyyədə görülməlidir, sakinlərin rahatlığı üçün bütün şərait yaradılmalıdır, yaradılacaqdır. ...Bütün dövlət qurumları, yerlərdəki nümayəndələr bu proqramın icrasında fəal iştirak etməlidirlər".

Eyni zamanda, "2014-2016-cı illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı"na əsasən, rayondakı 214 nömrəli orta məktəb də əsaslı təmir olunub. Bakı Texniki Kollecində isə əsaslı təmir və yenidənqurma işləri davam etdirilir.

Ötən ilin sentyabr ayının 10-da ölkə Prezidenti cənab İlham Əliyev 32 və 12 nömrəli orta məktəblərdə əsaslı təmirdən sonra yaradılan şəraitlə və Bakı İstedadlar Təhsil Kompleksinin binası ilə tanış olub.

Bu gün Nizami rayonu inkişafın yüksək mərhələsindədir. Ən əsas cəhət odur ki, bu rayonda sağlam mənəvi-psixoloji mühit mövcuddur. Rayon rəhbərliyinin tələbkarlığı, idarəçilik təcrübəsi bu rayonun uğurlu gələcəyindən xəbər verir.

Nizami rayonunu fərqləndirən bir mühüm amil də burada inşa edilən yeni idman obyektlərinin sayının ildən-ilə artmasıdır. Bu da Nizami rayonunun tədricən Bakının, eləcə də respublikamızın idman mərkəzinə çevrilməsi ilə müşahidə olunmaqdadır. Bunu hazırda rayon ərazisində 5 stadion, 6 idman-sağlamlıq kompleksi, İxtisaslaşdırılmış Olimpiya Ehtiyatları Uşaq-Gənclər İdman Məktəbinin fəaliyyət göstərməsi də sübut edir. 2015-ci ildə Azərbaycanın ev sahibliyi etdiyi I Avropa Oyunları çərçivəsində keçirilən idman yarışlarının əsas mərkəzlərindən biri də Nizami rayonu oldu. Belə ki, I Avropa Oyunlarının keçirilməsinə hazırlıq çərçivəsində Nizami rayonu ərazisində, "Koroğlu" metrostansiyası ətrafında "Olimpiya kəndi" salınıb, "Şəfa" stadionu əsaslı təmir edilib, Bədii Gimnastika Kompleksi tikilib.

Rayonda hər il yeni idman sağlamlıq mərkəzlərinin və müxtəlif təyinatlı idman obyektlərinin inşa edilməsi, öz növbəsində, yetişməkdə olan gənc nəslin sağlam ruhda böyüməsinə önəmli şəkildə təsir göstərməkdədir.

Bütün bunlar isə Nizami rayonunun sürətli inkişafının nümayişinə çevrilib. Bu müstəvidə də həyata keçirilən uğurlu tədbirlərin davam etməsi Nizami rayonunun gələcəyinə ümidlə baxmağa imkan verir.

Məhəmmədəli QƏRİBLİ

Yazı Nizami Rayon İcra Hakimiyyəti və Azərbaycan Respublikasının Prezidenti Yanında Kütləvi İnformasiya Vasitələrinin İnkişafına Dövlət Dəstəyi Fondunun birgə keçirdiyi müsabiqəyə təqdim olunur.

DİGƏR XƏBƏRLƏR

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...