Bəzi banklar əmanətlərini geri çəkmək istəyənlərə problem yaratmağa başlayıb

Tarix: 30.12.2015 / 02:01
Bölmə: İqtisadiyyat

Oqtay Haqverdiyev: "Hansısa bankın əmanətçinin depozitinigeri qaytarmaması müəmmalıdır"

Əkrəm Həsənov: "Bankların bu addımı vətəndaşların hüququnun pozulması deməkdir"

Dekabrın 21-dən sonra manatın "üzən məzənnə"yə keçməsi, dolların qiymətinin qalxması ən çox banklarla bağlı problemləri ortaya çıxardı. Devalvasiyadan sonra insanları düşündürən ən vacib məsələlərdən biri banklara qoyduğu əmanətlərin taleyidir.

Əksər əmanət sahibləri pullarının taleyindən narahat olaraq banklardan öz depozitlərini geri götürmək istəyir. Məlumatlara görə, son bir neçə gün ərzində banklardan çəkilən əmanətlərin sayı artıb. Təbii ki, bunun da səbəbi manatın "üzən məzənnə"yə keçməsidir.

Əmanətlərini geri götürmək istəyənlər heç də əllərində pulla geri qayıda bilmir. Əmanətlərini geri götürmək istəyən insanlara banklar "yox" cavabı verir. Bu isə vətəndaşlarla banklar arasında anlaşılmazlığa səbəb olub. Şikayətçi Eldar Məmmədzadə mətbuata açıqlamasında deyib ki, banklardan birinə yatırdığı əmanəti geri götürmək istəsə də, buna nail ola bilmir: "Mən 3 ildən çoxdur banka 23 min dollar (35742 AZN) pul qoymuşam. Amma bu il xəstəliyimlə bağlı əməliyyata girməli idim deyə, banka müraciət edib pulumu geri götürmək istədim. Amma mənə bu gün verərik, sabah verərik deyərək vaxtı uzatdılar. Dollar bahalaşandan sonra isə deyirlər ki, büdcəmizdə həmin məbləği qaytarmaq üçün kifayət qədər pul yoxdur".

İqtisadçı-ekspert Oqtay Haqverdiyev bizimlə söhbətində qeyd etdi ki, əmanətçilərin banklardan öz depozitlərini geri götürməsinin əsas səbəbi onların bank sisteminə etibar etməməsidir: "Devalvasiya ilə bağlı əhalinin xərcləri artdığı üçün insanlar banklardan pulları götürməyə məcburdur. O ki, qaldı hansısa bankın əmanətçinin depozitini geri qaytarmamasına, bu müəmmalıdır. Banklar əmanətçinin qoyduğu depoziti geri qaytarmalıdır. Əgər bank depoziti qaytarmaqdan yayınarsa, bu, həmin şəxsin hüquqlarının pozulması deməkdir. Bankın hansı səbəbdən depoziti geri qaytarmaması araşdırılmalıdır. Həmin bankın maliyyəsi bitibsə, o zaman bu məsələyə Mərkəzi Bank nəzarət etməlidir".

Bank məsələləri üzrə ekspert Əkrəm Həsənov bildirdi ki, Mülki Məcəlləyə əsasən, vətəndaş banka qoyduğu depoziti, qoyduğu müddətdən asılı olmayaraq, istənilən vaxt gedib geri götürə bilər. Bank əmanətin dörddə bir hissəsini dərhal, qalanını isə 5 iş günü müddətində geri qaytarmalıdır: "Bank pulu geri vermirsə, təbii ki, qanunu pozur. Büdcəsində pul yoxdursa, o, Mərkəzi Banka müraciət etməlidir. Mərkəzi Bank müraciət edən bankı etibarlı sayırsa, ona kredit verəcək, yox, etibarlı saymırsa, o zaman lisenziyasını ləğv edərək bankı bağlamalıdır ki, vətəndaşın pulu əmanətlərin sığortalanması fondu tərəfindən ödənilsin". Ekspertin sözlərinə görə, bankların bu addımı vətəndaşların hüququnun pozulması deməkdir

Günel CƏLİLOVA

DİGƏR XƏBƏRLƏR

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...