Ətin bahalaşmasının iqtisadi əsasları, ya spekulyasiya məqsədləri...

Tarix: 29.12.2015 / 02:04
Bölmə: İqtisadiyyat

Oqtay Haqverdiyev: "Yemin qiymətinin qalxması, birbaşa olaraq, ətin qiymətinə öz təsirini göstərir"

"Bayramdan sonra bazarda indiki qiymətlər ortalama 10-20 faiz aşağı düşəcək"

Yayılan məlumatlara görə, Bakıdakı ət satışı mağazalarında qəssablar qiyməti qaldırıb. Belə ki, mal və qoyun ətinin qiyməti, satış yerindən asılı olaraq, 1-2 manat qalxıb. Qəssablar ətin qiymətindəki artımı ölkə boyu yaşanan bahalaşma dalğası ilə əlaqələndirib.

Eyni zamanda bildiriblər ki, ətin bahalaşmasının bundan sonra da davam edəcəyi istisna deyil. Hazırda Bakıda, satış yerindən asılı olaraq, mal əti 7-8 manata, qoyun əti isə 9-11 manata satılır.

Bu arada İqtisadiyyat və Sənayə Nazirliyi ətin qiymətinin bahalaşması ilə bağlı yayılan xəbərlərə münasibət bildirib.

Nazirliyin İctimaiyyətlə əlaqələr şöbəsinin rəhbəri Abbas Əliyev mətbuata açıqlamasında bu cür məlumatların heç bir əsasının olmadığını qeyd edib: "Hazırda ətin qiymətində heç bir bahalaşma yoxdur. Hətta ötən ilin müvafiq dövründə olan qiymətlərə nəzər yetirsək görərik ki, ötən il pərakəndə satış yerlərində mal ətinin kilosu 7-8 manat arasında dəyişirdi. Bu il isə qiymət 6.50-8 manat təşkil edir. Qoyun ətinin qiyməti isə ötən il pərakəndə satış yerlərində 9-11 manat idisə, bu il isə 7-10 manat arasında dəyişir.

Bir neçə gündür Yeni illə əlaqədar paytaxtda kənd təsərrüfatı mallarının yarmarkası keçirilir. Hazırda həmin yarmarkalarda ətin qiyməti 5.50-6 manata satılır. Digər pərakəndə satış məntəqələrində də apardığımız monitorinqlər zamanı məlum oldu ki, qiymət artımı yoxdur. Son məlumata görə, regionlardakı ət satışı yerlərində qiymətlər paytaxtdakından da ucuzdur".

Müşahidələr göstərir ki, bəzi işbazlar devalvasiyadan sui-istifadə edərək hər fürsətdə qiymətləri artırmağa çalışır. Halbuki, elə məhsullar var ki, onlar ölkə daxilində istehsal olunur. O cümlədən ətə olan tələbatın böyük hissəsi daxili istehsal hesabına təmin olunur. Belə olan halda, ətin qiymətinin artırılmasının iqtisadi əsası varmı?

Məsələyə münasibət bildirən iqtisadçı-ekspert Oqtay Haqverdiyevin sözlərinə görə, ətin qiymətində bahalaşma yem məhsullarının qiymətinin qalxması ilə bağlı ola bilər: "Müəyyən istehlak mallarının qiyməti qalxırsa, bu digər məhsulların qiymətinə də təsir edir. Fərqi yoxdur, həmin məhsula olan tələbat idxal hesabına təmin olunur, yaxud da daxili istehsal hesabına. Yağın, çayın və digər məhsulların qiyməti qalxıbsa, bu, ət satanın da büdcəsinə təsirsiz ötüşmür. O da çalışır ki, məhsulu bir qədər baha satıb tələbatını ödəsin. Bir şeyi nəzərə almaq lazımdır ki, ilin-günün bu vaxtında yem bahalaşır. Bu, birbaşa olaraq, ətin qiymətinə öz təsirini göstərir. Belə olan halda, əlbəttə ki, ətin bahalaşmasının iqtisadi əsasları var. Ancaq bazarda ət satışı ilə bağlı təklif çox olarsa, o zaman qiymətlər əvvəlki səviyyədə qalacaq. Ətin qiyməti ilə bağlı söz-söhbətlər bayramla əlaqədardır. Bəzi yerlərdə ət baha satılsa da, elə yerlər var ki, orada qiymətlər əvvəlki kimi qalıb. Ümumən bayramdan sonra bazarda indiki qiymətlər ortalama 10-20 faiz aşağı düşəcək. Bəziləri 20, digərləri 5 faiz ucuzlaşa bilər. Devalvasiya bayram ərəfəsinə düşdüyü üçün qiymətlər bu cür xaotik səviyyədə bahalaşıb. Bayramdan sonra vəziyyət nisbətən sabitləşə bilər".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...