Banklar avtomobil kreditləşməsini niyə dayandırıblar?

Tarix: 29.12.2015 / 01:46
Bölmə: İqtisadiyyat

Rəşad Həsənov: "Banklar tək avtomobil üzrə deyil, digər sahələrdə də kreditləşməni dayandırmağı planlaşdırır"

"Bankların avtomobil kreditini dayandırması alıcılıq qabiliyyətinin daha da düşməsinə səbəb olacaq"

Azərbaycan Mərkəzi Bankının (AMB) İdarə Heyətinin dekabrın 21-də "üzən məzənnə" rejiminə keçidlə bağlı qəbul etdiyi qərar bir çox sahələrə öz təsirini göstərib. Artıq avtomobil bazarında durğunluq hökm sürür.

Avtomobil salonlarından əldə etdiyimiz məlumata görə, devalvasiyadan sonra maşınların satışı, demək olar ki, dayandırılıb. Bu faktı eyni zamanda satıcılar da təsdiqləyir. Səbəb kimi bankların avtomobil kreditini dayandırması bildirilir.

Ekspertlərin fikrincə, belə bir qərarın verilməsinin əsas səbəbi problemli kreditlərin məbləğinin artmamasına nail olmaqdır. Bunun bəzi müsbət tərəfləri də var.

İqtisadçı Rəşad Həsənov "Bakı-Xəbər"ə açıqlamasında qeyd etdi ki, 2014-cü ilin əvvəlindən etibarən Mərkəzi Bank istehlak və avtomobil kreditləri ilə bağlı müəyyən addımlar atdı: "Bu olay nəticəsində avtokreditlərin həcmində sürətlə azalma baş verdi. Hazırda Azərbaycanda avtosənayə zəif inkişaf edib. Ölkədə istehlak olunan avtomobillərin böyük bir qismi xarici ölkələrdən idxal olunur. Minik vasitələri idxal olunduğuna görə də bu, avtomobillərin qiymətinin kəskin bahalaşmasına da kəskin təsir edib. İlin əvvəlindən etibarən təxminən 38 faiz qiymət artımı baş verib. Qiymətlərin bahalaşmasını nəzərə alan banklar bu istiqamətdə kreditləşdirməni dayandırıb. Ümumiyyətlə, banklar tək avtomobil üzrə deyil, digər sahələrdə də kreditləşməni dayandırmağı planlaşdırır".

Həmsöhbətimizin fikrincə, bankların avtomobil kreditini dayandırmasının bir səbəbi də avtobazarda yaşanan qeyri-müəyyənlikdir: "Məlumdur ki, avtomobillərin satış qiymətinin

bir günün içində 50 faiz bahalaşması qeydə alınıb. Avto dillerlər və bazar iştirakçıları maşınların satışını həyata keçirməkdə çətinlik çəkir. Məhz bu səbəbdən də avtokreditlər dayandırılıb".

R.Həsənov hesab edir ki, avtomobil kreditinin dayandırılması ölkəyə minik vasitələrinin idxalının azalmasına səbəb olacaq: "Xatırladım ki, 2013-cü ildə Azərbaycana 97 min avtomobil gətirilibsə, bu ilin 11 ayı ərzində bu rəqəm 70 faiz azalaraq 27 min təşkil edib. Proses davam edəcək.

Ümumiyyətlə, yaranan iqtisadi vəziyyət, imkanların məhdudlaşdırılması ölkədə avtoparkın köhnəlməsinə səbəb olacaq".

İqtisadçının sözlərinə görə, bankların avtomobil kreditini dayandırması alıcılıq qabiliyyətinin daha da düşməsinə səbəb olacaq. Nəzərə almaq lazımdır ki, 1 ilə yaxındır avtomobil kreditləşməsində şərtlərin sərtləşdirilməsi onsuz da ölkəyə avtomobil idxalının azaldılmasına səbəb olub.

Ekspert hesab edir ki, bu addım problemli kreditlərin həcminin artmasının qarşısını alacaq: "Bu həm vətəndaşları, həm də bankları əlavə risqlərdən azad edir. Çünki adətən kreditlə alınan avtomobillərin özləri girov qoyulur. Ödəmədə problem yarananda avtomobil müsadirə edilir. Avtomobil artıq işlənmiş olduğu üçün dəyəri xeyli düşmüş olur. Nəticədə müştəri avtomobilini, bank isə vəsaitini itirmiş olur. Kreditlərin dayandırılması yeni avtomobillərin qiymətinə də təsir edə bilər. Çünki alıcılıq qabiliyyətinin azalması şirkətləri məcbur edəcək ki, gəlirlərini minimuma endirsinlər".

Günel CƏLİLOVA

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...