Büdcədə neftin 50 dollardan götürülməsinə ekspert rəyləri - əsasən optimal orta hədd...

Tarix: 16.09.2015 / 02:48
Bölmə: İqtisadiyyat

"Bütün təhlil və proqnozlar nəzərə alınıb"

Ruslan Atakişiyev: "Neftin qiymət dəyişkənliyi şəraitində maksimum orta səviyyənin nəzərə alınması daha uyğun bir addımdır"

Məlum olduğu kimi, artıq gələn ilin dövlət büdcəsinin layihəsi açıqlanıb. Gözlənildiyi kimi, 2016-cı ilin büdcəsində həm gəlirlər, həm də xərclər cari illə müqayisədə azalıb. Gələn ilin büdcə gəlirləri 14,56 milyard, xərcləri isə 16,26 milyard manat olacaq. Neft Fondundan transferlər isə cəmi 6 milyard manat təşkil edəcək.

Büdcənin bir qədər azalması isə neftin dünya bazarındakı qiyməti ilə bağlıdır. Məsələ ondadır ki, ötən ildən başlayaraq neftin dünya bazarında qiyməti iki dəfə aşağı düşüb. O üzdən, 2016-cı ilin dövlət büdcəsində neftin 1 barreli 50 dollardan hesablanacaq. Büdcənin əsas xərclərinə nəzər salanda məlum olur ki, təhsil və müdafiə xərcləri artıb. Əsas azalan xərclər isə sənaye və tikinti, dövlət əsaslı vəsait qoyuluşları, rabitə-nəqliyyat, həmçinin əsas bölmələrə aid edilməyən digər xərclərdir. Diqqətçəkən məqamlardan biri də ondan ibarətdir ki, gələn il ölkənin ümumi büdcəsində neft gəlirləri azalacaq, əvəzində qeyri-neft sektoru artaraq 46,5 faiz olacaq.

Hökumət neftin qiymətinin 40-60 dollar səviyyəsinə düşə biləcəyini nəzərə alaraq, 2016-2019-cu illər üçün dövlət və icmal büdcələrin əsas parametrləri və prioritet istiqamətləri üzrə 3 ssenari hazırlayıb.

Neftin qiyməti 60 dollar olacağı halda optimist, 50 dollar olarsa baza, 40 dollara düşərsə isə pessimist ssenari üzrə lazımi tədbirlər görüləcək. Hazırda qiymətindəki qeyri-müəyyənliyə görə büdcədə neftin barreli 50 dollardan götürülüb.

Hər halda görünən odur ki, hökumət dünya iqtisadiyyatında müşahidə olunan təbəddülatları nəzərə alaraq daha ehtiyatlı büdcə tərtib edib. Bu da indiki dövrdə kifayət qədər düşünülmüş bir addımdır.

Maraqlıdır, ekspertlər bunu necə dəyərləndirir?

Məsələyə münasibət bildirən İqtisadi Resursların Öyrənilməsi Mərkəzinin sədri Ruslan Atakişiyevin sözlərinə görə, büdcədə neftin 50 dollardan götürülməsi doğru addımdır: "Dövlət büdcəsi layihəsi hazırlanan zaman hökumət büdcədə neftin qiymətinin müəyyənləşdirilməsində ehtiyatlı davranıb. Xüsusən də növbəti illə bağlı bütün beynəlxalq maliyyə institutlarının təhlillərindən istifadə olunub. Yəni bütün bu təhlil və proqnozlar nəzərə alınıb. Ona görə də dövlət büdcəsi tərtib olunan zaman 3 məqam nəzərə alınıb. Bunlar optimist, normal və bədbin yanaşmalardan ibarətdir. Yəni neftin barreli 60 dollar olarsa optimist, 50 dollar olarsa normal, 40 dollar olarsa artıq bu, bədbin büdcə formasında olacaq. Hesab edirik ki, ümumiyyətlə, büdcənin tərtibi zamanı gözlənilən risqlərin nəzərə alınması çox mühümdür. Neftin qiymət dəyişkənliyi şəraitində maksimum orta səviyyənin nəzərə alınması daha uyğun bir addımdır. O baxımdan gələnilki büdcə layihəsinin müəyyən risqlərin nəzərə alınaraq hazırlanmasını müsbət dəyərləndirirəm".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...