Azərbaycan "DESFA iddiasından" çəkilməyəcək...

Tarix: 16.09.2015 / 03:17
Bölmə: İqtisadiyyat

Danışıqlar yalnız sentyabradək dondurulub

Qərbin alternativ mənbədən enerji ilə təminatında mühüm rol oynayan Azərbaycanın maraq dairəsində olan məsələlərdən biri də öz karbohidrogen ehtiyatlarını etibarlı şəkildə Avropa bazarlarına çatdırmaqdır. Bu məqsədlə Azərbaycanın xüsusi diqqət mərkəzində olan məsələlərdən biri də Yunanıstanın qaz kəmərləri sistemi operatoru DESFA-nın səhmlərinin alınması ilə bağlıdır.

Xatırladaq ki, 2013-cü ilin dekabrında SOCAR DESFA-nın səhmlərinin 66%-nin satışı üzrə tenderdə qalib gəlib. Lakin Yunanıstanda hakimiyyət dəyişiklyindən sonra rəsmi Afina şirkətin daha az, yəni 49 faiz səhmini Azərbaycana sata biləcəyini açıqlamışdı.

Bir müddət əvvəl isə bəlli olmuşdu ki, Hollandiya, Belçika və İtaliya şirkətləri DESFA şirkətinin səhmlərinin 17 faizinə iddia edir. Söhbət SOCAR-ın bu şirkətdən aldığı səhm paketinin 17 faizindən gedir. İddiaçılar arasında Belçikanın "Fluxys", Hollandiyanın "Gasunie", İtaliyanın "İnfrastrutture Trasporto Gas" və "Snam Rete Gas" şirkətləri var. Lakin Dövlət Neft Şirkətinin (SOCAR) prezidenti Rövnəq Abdullayevin son açıqlamaları Azərbaycanın bu məsələdə mövqeyindən geri çəkilmək niyyətində olmadığıın göstərir. Onun sözlərinə görə, SOCAR yenə də Yunanıstanın DESFA qaz nəqli operatorunun səhmlər paketinin 66 faizini əldə etməyə ümid edir. Rövnəq Abdullayev bildirir ki, Azərbaycan tərəfi Yunanıstanda növbədənkənar parlament seçkilərinin keçirilməsini gözləyir: "Bildiyimiz kimi, Yunanıstanda seçki gözlənir. Orada seçiləcək yeni hökumətlə DESFA ilə bağlı danışıqlarımızı davam etdirəcəyik. Sentyabr ayına qədər biz bu danışıqları dondurmuşuq". Rövnəq Abdullayev bir daha qeyd edib ki, SOCAR əldə edilən payın həcmində dəyişiklik gözləmir: "Biz səhmlərin 66 faizinin əldə edilməsinə ümid edirik".

Qeyd edək ki, avqustun 26-da SOCAR-ın nümayəndə heyəti Yunanıstanın paytaxtı Afinada bu ölkənin Dövlət Əmlakının İdarə Edilməsi Fondunun və "Hellenic Petroleum S.A." şirkətinin rəhbərləri ilə görüşüb. Tərəflər SOCAR tərəfindən DESFA-nın özəlləşdirilməsi məsələsini müzakirə edib. Bütün tərəflər DESFA-nın SOCAR tərəfindən özəlləşdirilməsində maraqlı olduqlarını bir daha təsdiqləyib. Tərəflər arasında əldə olunan razılığa əsasən, DESFA-nın SOCAR tərəfindən özəlləşdirilməsi ilə bağlı əməliyyatın müddəti cari il dekabrın 21-dək uzadılıb. Proseslərin real gedişi Azərbaycanın DESFA-dakı payından vaz keçmək niyyətində olmadığını aydın nümayiş etdirir. SOCAR DESFA-nın səhmlərinin 31%-ni Yunanıstan hökumətindən, 35%-ni "Hellenic Petroleum SA" şirkətindən alır. DESFA üzərində nəzarətin SOCAR şirkətinə verilməsinə qədər Yunanıstan şirkətinin səhmlər paketinə Yunanıstanın Dövlət Əmlakının İdarə Edilməsi Fondu tərəfindən nəzarət edilir. Avropa Komissiyasının Rəqabət üzrə Baş Direktorluğu məsələnin baxılmasını xeyli uzadır. İndiyədək Avropa Komissiyası sövdələşməni təsdiqləməyib. DESFA şirkətini almaqda məqsəd təkcə Yunanıstanın energetika sektoruna investisiya qoymaq deyil. SOCAR üçün əsas məsələ, daha çox, şirkətin nəzarət səhm paketini əldə edərək Cənub Qaz Dəhlizində öz mövqelərini möhkəmləndirmək istəyidir. Avropa Komissiyası isə hesab edir ki, DESFA-nın səhmlərinin üçdə ikisinin SOCAR-a satılması antiinhisar qaydalarının pozulmasına gətirib çıxara bilər. Lakin Azərbaycan tərəfi bu ittihamları rədd edir.

Özü də bütün bunlar o zaman baş verir ki, Rusiya "Türk axını" layihəsinin təxirə salındığını açıqlayıb. Bundan əvvəl Türkiyə rəsmiləri "Türk Axını" danışıqlarının dondurulduğunu bildirmişdi. "Qazprom" şirkəti də "Türk axını" layihəsinin başlanğıc tarixinin təxirə salındığını açıqlayıb. Deməli, Avropa üçün Azərbaycan qazının əhəmiyyəti artır. Amma Azərbaycan qazını almaq üçün Avropa DESFA-nın səhmlərinin alınması ilə bağlı məsələnin həllini tezləşdirməlidir.

Xatırladaq ki, "Türk axını" marşrutunun bir hissəsi Azərbaycan qazının Avropaya nəqli üçün nəzərdə tutulan Cənub Qaz Dəhlizini təkrarlayır. Kəmər Türkiyənin Yunanıstanla sərhədinə TANAP kəməri ilə eyni məntəqədə çıxmalıdır. Lakin onun reallaşması sual altındadır. Bu şəraitdə Azərbaycan Avropa üçün əsas yeni enerji mənbəyi olaraq qalır və Avropa da bunun fərqində olmalıdır.

Nahid SALAYEV

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...