Dərmanlara vahid qiymət siyasəti hansı problemləri aradan qaldıracaq...

Tarix: 09.09.2015 / 03:35
Bölmə: İqtisadiyyat

Rəsul Cahangirli: "Bu, həkimlərlə apteklər arasında mövcud olan sövdələşmələrə ciddi zərbə vuracaq"

"Sözügedən qərar imkan verəcək ki, apteklər əhaliyə göstərilən xidmət səviyyəsinin keyfiyyətini artırsın"

"Artıq bir çox şirkətlər dərmanların qiymətlərinin dövlət tərəfindən tənzimlənməsi ilə bağlı qərarın icra vaxtını gözləmədən Tarif (qiymət) Şurasının təsdiqlədiyi ucuz qiymətlərlə dərmanlarını satışa buraxıblar. Lakin qərar sentyabrın 15-dən qüvvəyə minəcəyindən, biz də nəzarət tədbirlərinə həmin vaxtdan başlayacağıq".

Bunu mətbuata açıqlamasında Səhiyyə Nazirliyinin Analitik Ekspertiza Mərkəzinin Dərmanların Keyfiyyətinə Nəzarət İnspeksiyasının rəisi Pərviz Əzizbəyov deyib.

P.Əzizbəyov bildirib ki, "Dərman haqqında" Qanuna edilən dəyişikliklərdən sonra dərman vasitələri dövlət tərəfindən tənzimlənən mallar siyahsına daxil edilib: "Şirkətlər tərəfindən ilkin olaraq 25 təsiredici maddə üzrə dərman vasitələrinin qiymətləri tənzimlənəcək. Dərman vasitələrinin qiymətlərinin tənzimlənməsi ilə bağlı şirkətlərə müraciət edilib, ilkin olaraq 1057 adda dərman vasitəsinin qiyməti Tariş Şurası tərəfindən müəyyən edilərək təsdiqlənib. Sentyabrın 15-dən bu qərar artıq qüvvəyə minəcək. Sentyabrın 15-də qüvvəyə mindikdən sonra 1057 adda dərman bütün ölkə ərazisində təsdiqlənmiş vahid qiymətlə satılacaq".

P.Əzizbəyov deyib ki, bu qərarın tətbiqindən sonra ölkənin dərman bazarına daha keyfiyyətsiz dərmanların yol açması barədə səslənən fikirlər də düzgün deyil. Onun sözlərinə görə, əgər dərman vasitələri dövlət qeydiyyatına alınırsa, bu halda həmin dərman vasitələrinin qiymətlərinin tənzimlənməsi ölkəyə keyfiyyətsiz deyil, daha keyfiyyətli və daha ucuz dərmanların gətirilməsinə yol açacaq. İnspeksiya rəisi onu da əlavə edib ki, yeni qərarın tətbiqi həm də həkimlə dərman şirkətləri arasında olan sövdələşmələrlə mübarizə sahəsində Səhiyyə Nazirliyinə əlavə imkanlar yaradacaq.

O da məlumdur ki, Prezident İlham Əliyev ötən müşavirələrin birində dərmanların qiymətlərində müşahidə olunan bahalığı kəskin tənqid etmişdi. Məhz dövlət başçısının təşəbbüsü sayəsində qiymətlərin tənzimlənməsinə qərar verildi. Bütün hallarda, dərman qiymətlərinin tənzimlənməsi keyfiyyətsiz dərmanların, həkimlə apteklar arasında olan sövdələşmələrin qarşısının alınmasında və əhalinin ucuz dərmanla təminatında nə kimi rol oynayacaq?

Məsələyə münasibət bildirən ekspert Rəsul Cahangirlinin sözlərinə görə, sözügedən qərar bu sahədə mövcud olan əksər problemlərin həllinə öz müsbət təsirini göstərəcək: "Xüsusən də həkimlərlə apteklər arasında mövcud olan sövdələşmələrə ciddi zərbə vuracaq. Belə ki, illərdir pasiyentlər bundan çox əziyyət çəkirdi. Bəzi həkimlər resept yazaraq xəstəni ancaq bəlli apteklərdən dərman almağa yönəldirdi. Bunun qarşılığında da həkimlər apteklərdən müəyyən faiz alırdı. Təbii ki, bütün bunlar qeyri-rəsmi şəkildə həyata keçirilirdi. Ancaq məlum qərardan sonra həkimlərin bu kimi vasitələrdən istifadə etmək imkanları olmayacaq. Digər tərəfdən bu, dərman bazarında keyfiyyətsiz məhsulları sıxışdırıb çıxaracaq. Çünki əvvəllər dərmanların fərqli qiymətə olmasını işbazlar əsasən onun keyfiyyəti ilə əlaqələndirməyə çalışırdı. Çox vaxt Qərb ölkələrində istehsal olunub deməklə, dərmanları baha qiymətə təklif edirdilər. Reallıqda isə həmin dərmanlar Asiya ölkələrinin istehsalı idi. Yəni bu sahədə çoxsaylı neqativ hal var idi. Bunun da kökündə qiymətlərin müxtəlif olması dayanırdı. Ən nəhayət, sözügedən qərar imkan verəcək ki, apteklər əhaliyə göstərilən xidmət səviyyəsinin keyfiyyətini artırsın. Bu da onlar arasında rəqabəti artıracaq".

Vidadi ORDAHALLI

DİGƏR XƏBƏRLƏR

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...