İcbari sığortaya görə Azərbaycanın dövlət büdcəsi ağır yük təhlükəsi qarşısında...

Tarix: 09.09.2015 / 04:18
Bölmə: İqtisadiyyat

Zəlzələ sığorta məsələsini yenidən gündəmə gətirdi

Bir neçə gün əvvəl Şəkidə baş verən və ölkənin digər rayonlarında da hiss edilən zəlzələ mənzillərin icbari sığorta məsələsini yenidən aktuallaşdırdı. Bəlli oldu ki, mənzillərin sığortalanması icbari xarakter daşısa da, heç də hamının evi sığortalı deyil. Özü də nəzərə alaq ki, sözügedən təbii fəlakət zamanı xəsarət alan evlərin sayı az olmayıb. Lakin onlardan indi çox azının sığortalı olduğu üzə çıxır.

Məsələyə münasibət bildirən baş nazirin müavini Abid Şərifov deyir: "Şəkidə 7 bal gücündə zəlzələ baş verən qəsəbədə 90-a yaxın ailə yaşayır, 90 ev var. Qəsəbə bələdiyyəsinin, icra nümayəndəsinin də yerləşdiyi uşaq bağçası və 4 ev uçub, digər evlərdə də böyük çatlar yaranıb".

A.Şərifovun sözlərinə görə, Şəkinin digər kəndlərində də evlərdə çatlar əmələ gəlib, Şəkinin özündə isə bir yaşayış binasının divarı uçub: "Hələ araşdırmalar gedir. Bununla belə, dövlət başçısının göstərişi, Nazirlər Kabinetinin sərəncamı ilə zəlzələnin nəticələrinin aradan qaldırılması üçün ilkin olaraq 2 milyon manat ayrılıb. Yüksək ballıq zəlzələ olmasına baxmayaraq, şükür ki, insan tələfatı, xəsarət alanlar yoxdur". Beləliklə, bəlli olur ki, vətəndaşlara dəyən zərərin aradan qalxmasında yenə əsas maliyyə yükü dövlətin üzərinə düşəcək. Düzdür, sığora olunan evlər də var və artıq dəyən zərərin ödənilməsi üçün şirkətlərə müraciətlər də qeydə alınır. Bir daha xatırladaq ki, zəlzələ nəticəsində Şəki, Oğuz, Qəbələ, İsmayıllı, Ağdaş rayonlarında evlərdə, mağaza və bəzi iaşə obyektlərində çatlar əmələ gəlib. Sığorta şirkətlərindən verilən məlumata görə, zəlzələ ilə bağlı hazırda 70-ə yaxın müraciət daxil olub. Məsələn, "Atəşgah sığorta" şirkətinə Ağdaşda 2, İsmayıllı rayonunun Hacıhəsənli kəndində 1 evə ziyan dəyməsinə görə müraciət edilib. Şirkətdən "fins" portalına verilən məlumata görə, evlərdə irili-xırdalı çatlar əmələ gəlib. Ağdaşdakı iki evə icbari sığortası üzrə ümumilikdə 500-600 manat, İsmayıllı rayonundakı evə isə könüllü sığortası üzrə 500 manata yaxın ziyan dəyib. "Azsığorta" şirkəti Fövqəladə Hallar Nazirliyi ilə birlikdə zəlzələ nəticələri ilə iş üzrə operativ qərargah açıb. Qəza ekspertləri zərərləri qiymətləndirmək üçün ətraf rayonlara baş çəkiblər. İndiyə kimi sığorta şirkətinə Şəki, Qəbələ, İsmayıllı və Oğuz rayonlarından 60-dan çox müraciət daxil olub. Müraciətlərdən 10-u fərdi yaşayış evləri, 50-si isə mağazalara və digər daşınmaz əmlaka dəyən zərərlərlə bağlıdır. Sığorta şirkəti zəlzələ nəticəsində dəyən zərərləri hesablayır. "AXA MBASK" sığorta şirkətinə indiyə kimi Şəki şəhərində 4 evə dəyən zərərlə bağlı müraciət edilib. Şirkətdən bildirilib ki, sığorta ödənişlərinin verilməsi istiqamətində iş aparılır: "Hər şey vətəndaşların sənədləri operativ təqdim etməsindən asılıdır. Sənədlər göndəriləndən bir həftə ərzində ödənişləri təqdim edəcəyik".

Amma yuxarıda qeyd olunduğu kimi, heç də bütün evlər, obyektlər sığortalı deyil və onlar dəyən zərərin dövlət tərəfindən qarşılanmasında maraqlıdır. Halbuki, evlər sığortalı olsaydı, zərəri də qısa müddətdə sığorta şirkətləri qarşılayardı. Özü də regionlarda icbari sığorta haqları paytaxtla müqayisədə daha azdır. Xatırladaq ki, yaşayış evləri və mənzillər üçün sığorta tarifi sığorta məbləğinin 0,2%-i həcmində müəyyən edilib. Qeyd edək ki, sığorta məbləği Bakı şəhərində yerləşən daşınmaz əmlak üzrə 25 min manat, Gəncə, Sumqayıt və Naxçıvan şəhərlərindəki əmlak üzrə 20 min manat, digər yaşayış məntəqələrində yerləşən daşınmaz əmlak üzrə isə 15 min manat nəzərdə tutulub. Nəticədə Bakıda yaşayış evləri və mənzillərin icbari sığortası 50 manata, Gəncə, Sumqayıt və Naxçıvanda 40 manata, digər yaşayış məntəqələrində isə 30 manata başa gəlir.

Daşınmaz əmlakın icbari sığortası əmlakı yanğın, ildırım düşməsi, məişətdə və istehsalatda istifadə olunan qazın partlayışı, elektrik naqillərində baş verən qısa qapanma, buxar qazanları, qaz anbarları, qaz kəmərləri, maşınların, aparatların və digər oxşar qurğuların və ya cihazların partlayışı, yerüstü nəqliyyat vasitəsinin dəyməsi, təbii fəlakətlər - zəlzələ, vulkan, fırtına, qasırğa, tufan, dolu, sel, daşqın, leysan, yer sürüşməsi və sair risqlərdən sığortalayır.

Yaşayış evləri və mənzillərin icbari sığortası bu hadisələr nəticəsində mənzil sahiblərinə sığorta məbləğləri çərçivəsində sığorta ödənişlərinin verilməsini təmin edir. Dəyən zərərin həcmi bu məbləğdən artıq olanda əlavə kompensasiya dövlət tərəfindən ödənilir.

Bütün bunlar fonunda ekspertlər hesab edir ki, istər Bakıda, istərsə də regionlarda evlərin, obyektlərin icbari sığortasına nəzarətin gücləndirilməsinə ehtiyac var. Əks təqdirdə təbii fəlakətlər zamanı dövlət büdcəsi ziyana düşməkdə davam edəcək.

Tahir TAĞIYEV

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...