Elektron viza rejiminə keçid Azərbaycan turizminə həlledici təsir edə bilər

Tarix: 05.09.2015 / 02:13
Bölmə: İqtisadiyyat

Pərviz Musayev: "Başqa ölkələrdən Azərbaycana birbaşa uçuşların olması da əsas amillərdən biridir"

"Biz öz qonaqpərvərliyimizi elə təqdim etməliyik ki, onlar ikinci, üçüncü dəfə də ölkəmizə üz tutsunlar"

Məlum olduğu kimi, Azərbaycana gələn turistlərin viza almaq hüququ ilə bağlı qayda təsdiq olunub. Belə ki, Nazirlər Kabinetinin 29 iyun 2015-ci il tarixli, 247 nömrəli qərarı ilə "Turistlərə elektron viza almaq hüququnu əldə etmək üçün Azərbaycan Respublikasında fəaliyyət göstərən turizm şirkətlərinin akkreditasiyadan keçməsi Qaydası" təsdiq edilib.

Bu qayda Azərbaycan Respublikasının Miqrasiya Məcəlləsinin 38.7-ci maddəsinə uyğun olaraq hazırlanıb və turistlərə elektron viza hüququnu əldə etmək üçün Azərbaycanda fəaliyyət göstərən turizm şirkətlərinin Mədəniyyət və Turizm Nazirliyində akkreditasiyadan keçməsi qaydasını müəyyən edir.

Qeyd edək ki, "Azərbaycan Respublikasına gələn əcnəbilər və vətəndaşlığı olmayan şəxslərə viza rəsmiləşdirilməsi sahəsində təxirəsalınmaz tədbirlər haqqında" Azərbaycan Respublikası Prezidentinin 30 noyabr 2012-ci il tarixli, 2577 nömrəli Sərəncamının icrasının təmin edilməsi məqsədilə 2013-cü ilin 15 mart tarixindən Azərbaycana viza tələb olunan ölkələrdən turizm məqsədilə gələn xarici turistlərə elektron turist vizalarının verilməsi tətbiq edilir.

Qeyd edək ki, elektron turist vizaları müraciət edildikdən ən geci 10 gün müddətinə rəsmiləşdirilir. Prezident İlham Əliyevin müvafiq tapşırığına uyğun olaraq, Mədəniyyət və Turizm Nazirliyi və Xarici İşlər Nazirliyi tərəfindən viza verilməsi prosedurunun 10 gündən 5 günə salınması ilə bağlı birgə fəaliyyət həyata keçirilir.

Bütövlükdə, sözügedən dəyişikliklər Azərbaycanda turizmin inkişafına nə kimi müsbət təsir göstərəcək?

Turizm üzrə ekspert Pərviz Musayevin fikrincə, istirahət üçün Azərbaycana üz tutan turist sayı ildən-ilə artır: "Azərbaycanın xaricdən turist cəlb etmək üçün kifayət qədər potensialı var. Sadəcə, bu imkandan düzgün istifadə etmək lazımdır. Ölkəyə turist cəlb etmək, ilk növbədə, iqtisadi maraqlara xidmət edir. Artıq Avropa ölkələrindən, ərəb ölkələrindən Azərbaycana gələn turistlərin sayı artır. Bu sayı artırmaqda, ilk növbədə, viza rejiminin yüngülləşdirilməsi əsas rol oynayır. Azərbaycanda viza alınması elektron yolla həyata keçirilir. Hər bir turist asanlıqla elektron viza ala bilər. Bundan əlavə, başqa ölkələrdən Azərbaycana birbaşa uçuşların olması da əsas amillərdən biridir. Turistlər tranzit reyslərdən istifadə etmək istəmirlər və birbaşa uçuşlara üstünlük verirlər. Biz hansı ölkələrin vətəndaşlarının Azərbaycana turist kimi maraq göstərdiyini nəzərə alaraq, həmin ölkələrlə birbaşa reyslərin olmasına səy göstərməliyik. Hər bir əcnəbi turistin Azərbaycana gəlməsi ölkə büdcəsinə vəsait daxil olması deməkdir. Ərəb turistlər Azərbaycanda ov etməyə maraq göstərirlərsə, bizim iş adamlarımız yaxşı pul qazanmaq üçün bu ov heyvanlarının artırılmasında maraqlı olmalıdır. Bütün bunları nəzərə alaraq, biz öz qonaqpərvərliyimizi elə təqdim etməliyik ki, onlar ikinci, üçüncü dəfə də ölkəmizə üz tutsunlar. Azərbaycana ilk dəfə səfər edən xarici vətəndaşlar buradan müsbət təəssüratla ayrılarsa, bu onların növbəti dəfə də ölkəmizə turist qismində üz tutmasına imkan verəcək. Ona görə də hər bir Azərbaycan vətəndaşı xaricilərə vətənimizi layiqincə tanıtmağı bacarmalı və buna çalışmalıdır".

Vidadi ORDAHALLI

DİGƏR XƏBƏRLƏR

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...