Nəsimi bələdiyyəsi əmlak vergi toplantısını necə qurub...

Tarix: 04.09.2015 / 02:24
Bölmə: İqtisadiyyat

Abil Bayramov: "Nəsimi bələdiyyəsi vergi işini digər bələdiyyələrlə müqayisədə daha yaxşı təşkil edib"

"Sözügedən rayonun ərazisində qeydiyyatsız mənzillər azdır"

Bakıda "Əmlak vergisi: yeniliklər və problemlərin həlli yolları" mövzusunda seminar təşkil edilib. Seminar Ədliyyə Nazirliyinin Bələdiyyələrlə İş Mərkəzi, Nəsimi rayon bələdiyyəsi, "Bələdiyyə həyatı" qəzeti və Almaniya Beynəlxalq Əməkdaşlıq Təşkilatı (GİZ) tərəfindən keçirilib.

Tədbirin məqsədi əmlak vergisinin yığımı ilə bağlı Vergi Məcəlləsinə edilən dəyişikliklər ətrafında fikir və təcrübə mübadiləsi aparmaq, bu istiqamətdə tətbiq edilən yeniliklər barədə məlumat vermək və mövcud problemlərin həlli yollarını müzakirə etmək olub.

Seminarda Ədliyyə Nazirliyinin Bələdiyyələrlə İş Mərkəzinin rəisi Mehdi Səlimzadə "Azərbaycanda əksmərkəzləşdirmə siyasətinin və yerli özünüidarəetmənin təkmilləşdirilməsinin başlıca istiqamətləri" mövzusunda çıxış edərək bildirib ki, bu gün bələdiyyələrin qarşılaşdığı problemlərin həllinə diqqətlə yanaşılmalı və onların sürətlə həllinə çalışmaq lazımdır. Belə problemlərdən biri də bələdiyyələrin əmlak vergisi ilə bağlıdır.

Tədbirdə Nəsimi rayon bələdiyyəsinin sədri Nazim Qaraxanov çıxış edərək əmlak vergisinin yığımında bələdiyyənin qarşılaşdığı problemlərə toxunaraq, bu məqsədlə bələdiyyə tərəfindən yeni layihələrin həyata keçirildiyini qeyd edib. O bildirib ki, Nəsimi bələdiyyəsinin internet resursu təkmilləşdirilib və əmlak vergisinin ödənişini həyata keçirmək üçün onlayn ödəmə həyata keçirilib: "Bu gün artıq bələdiyyəmiz nağdsız ödəmədə ilk olaraq onlayn ödəməyə keçidi reallaşdırıb. Bundan əlavə, "E-manat" sistemində ilk olaraq Nəsimi bələdiyyəsinin ödənişini həyata keçirmək mümkün olacaq. Bunlar bələdiyyənin daxili imkanları hesabına mümkün olub".

O də məlumdur ki, Bakıda 500 mindən çox sənədsiz ev olduğundan, bələdiyyə həmin mənzillərdən vergi yığa bilmir. Bu da təxminən ildə 1,2 milyon manat vəsait deməkdir. Bütövlükdə, Nəsimi bələdiyyəsi əmlak vergisi sahəsində uğurlara necə nail olub? Necə etmək olar ki, bunu digər rayon bələdiyyələri də qura bilsin?

Məsələ ilə əlaqədar Nəsimi rayon bələdiyyəsinin fikirlərini öyrənmək istəsək də, bu mümkün olmadı.

Məsələyə münasibət bildirən bələdiyyələr üzrə ekspert Abil Bayramovun sözlərinə görə, Nəsimi bələdiyyəsinin əmlak vergisi sahəsində uğur əldə etməsinin kökündə iki faktor dayanır: "Birinci faktor Nəsimi bələdiyyəsində işin yaxşı təşkil olunması ilə bağlıdır.

Nəsimi bələdiyyəsi vergi işini digər bələdiyyələrlə müqayisədə daha yaxşı təşkil edib. İkinci faktor onunla bağlıdır ki, digər rayonlarla müqayisədə Nəsimi rayonu ərazisində qeydiyyatsız mənzillər azdır. Bu da imkan verir ki, əmlak vergisini toplamaq mümkün olsun. Ona görə də Nəsimi bələdiyyəsinin mövcud qanunvericiliyin müddəalarını tətbiq etmək imkanları Binəqədi bələdiyyəsi ilə müqayisədə daha çoxdur. Əldə olunan nailiyyətlərin kökündə məhz bu amillər dayanır".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...