Marşrut avtobuslarda xüsusi təyinatlı qurğuların quraşdırılması təklifi var

Tarix: 01.09.2015 / 02:25
Bölmə: İqtisadiyyat

Şahin Camalov: "Belə cihazların quraşdırılması sərnişin avtobuslarının hərəkətinin tənzimlənməsində faydalı rol oynaya bilər"

"Düşünürəm ki, bununla bağlı geniş və mükəmməl səviyyəli bir mexanizm yaradılmalıdır"

Azərbaycanda sərnişin avtobuslarında sürücülərin işləmə vaxtını və sürət həddini müəyyən edən xüsusi cihazların quraşdırılması təklif edilir. Bununla bağlı Milli Məclisin payız sessiyasında təşəbbüs irəli sürüləcəyi gözlənir.

Qeyd edək ki, bir sıra ölkələrdə sərnişin avtobuslarının sürücülərinin hər birinin kartı var və bu kartla sürücü 8 saatdan artıq işləyə bilməz. Avtobuslarda sürət həddinə nəzarət edən cihazlar da var və sürücü sürət həddini aşarsa, qısa xəbərdarlıqdan sonra həmin cihaz avtomobilin mühərrikini dayandırır.

Məsələyə münasibət bildirən millət vəkili Rəfael Cəbrayılov da bu qaydanın vacib olduğunu qeyd edib. O deyib ki, sürücülərin 8 saatdan artıq işləməsi düzgün deyil: "Azərbaycanda sürücülər gün ərzində 12-13 saat işləyir. Nəzərə alsaq ki, avtomobil özü yüksək təhlükə mənbəyidir və onun sükanı arxasında artıq yorulmuş olan bir insanın olması bu təhlükə mənbəyinin təhlükəlilik dərəcəsini daha da artırır. Onu da nəzərə alsaq ki, söhbət kütləvi şəkildə insanların daşınmasından gedir, doğrudan da bu çox məsuliyyət yaradır".

Avtobus sürücülərinin həm də sürət həddini aşaraq təhlükəli şərait yaratdığını deyən R.Cəbrayılov bu məsələlərin texnoloji yeniliklərdən istifadə edərək qarşısının alınmasının tərəfdarı olduğunu bildirib: "Hər bir sürücünün yanına bir nəzarətçi qoymaq çətin məsələdir. Ancaq texnoloji yeniliklərdən istifadə etməklə bu halların qarşısını almaq olar. Bu baxımdan mən Azərbaycanda da sürücülərin fəaliyyətinə nəzarət edən cihazların tətbiq edilməsinin tam tərəfdarıyam".

Maraqlıdır, bununla bağlı ekspertlərin münasibəti necədir və əlavə nə təklif edirlər?

Məsələyə münasibət bildirən "Təhlükəsiz Yol" Alyansının koordinatoru Şahin Camalov bunun tərəfdarı olduğunu bildirdi: "Təbii ki, belə cihazların quraşdırılması sərnişin avtobuslarının hərəkətinin tənzimlənməsində faydalı rol oynaya bilər. Xüsusən də sözügedən nəqliyyat vasitələrini idarə edən sürücülərlə bağlı bir sıra təkliflər var. Bu da məqbul təkliflərdən biridir. O baxımdan hesab edirəm ki, analoji sistemi tətbiq etmək olar. Ancaq bu məsələdə bir şeyi də nəzərə almaq lazımdır ki, sadəcə registrator qoymaqla bu məsələləri həll etmək olmur. Sözügedən məsələdə həm də bu işə nəzarət edən şəxslərin işinin nə dərəcədə şəffaf olması da vacib amillərdən biridir. Düşünürəm ki, bununla bağlı geniş və mükəmməl səviyyəli bir mexanizm yaradılmalıdır. Ondan sonra bunun tətbiqini həyata keçirmək mümkün olacaq. Reallıq ondan ibarətdir ki, sərnişin avtobuslarının idarə olunması ilə bağlı bir sıra problemlər var. Sürücülər normadan artıq işləyir ki, bu da nəticə etibarilə ağır qəzaların baş verməsinə birbaşa zəmin yaradır. Bu və digər xoşagəlməz halların qarşısının alınmasında belə vasitələrin tətbiqi müsbət effekt verə bilər".

Vidadi ORDAHALLI

DİGƏR XƏBƏRLƏR

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...