Problemli mikrokreditlər 12 milyondan 51 milyon dollara necə yüksəldi?

Tarix: 01.09.2015 / 02:16
Bölmə: İqtisadiyyat

Ruslan Atakişiyev: "Müştərinin seçimi zamanı onun ödəmə qabiliyyətinin olub-olmaması o qədər də ciddi yoxlanılmır"

"Bir sıra buna bənzər hallar səbəbindən problemli mikrokreditlərin həcmi artır"

Azərbaycanda problemli mikrokreditlərin həcmi kəskin artıb. Belə ki, 2015-ci ilin ilk yarısının yekunlarına görə, ölkədəki mikrokredit təşkilatlarının kredit portfelində problemli kreditlərin həcmi 4 dəfədən çox yüksəlib.

Beləliklə, 2014-cü ilin ilk yarısının nəticələrinə görə, problemli mikrokreditlərin həcmi 12 milyon 507 min 810 dollar idisə, 2015-ci ilin ilk yarısının nəticələrinə görə, bu rəqəm 4,1 dəfə artaraq 51 milyon 774 min 32 dollar olub. Mikrokredit portfelində problemli kreditlərin həcmi 1,5%-dən 7,6%-ə qalxıb. Ayrı-ayrı təşkilatlarda isə problemli kreditlərin həcmində daha böyük, hətta 10 dəfələrlə artım baş verib. Problemli kreditlərin artımı mikrokreditləşmə ilə məşğul olan, demək olar ki, bütün təşkilatlarda baş verib. Yalnız bir neçə təşkilatda problemli kreditlər ya artmayıb, ya da əvvəlki ildəki kimi qalıb. Amma ayrı-ayrı təşkilatlarda artım səviyyəsi fərqlidir.

Azərbaycanda hazırda mikrokreditləşmə ilə 8 bank məşğul olur. Ötən ilin ilk yarısı ilə müqayisədə onların hamısında problemli mikrokreditlərin artımı baş verib. Amma bəzi banklarda bu, ağlabatan həddə olsa da, digərlərində artım kəskin olub. Belə ki, "Bank of Baku"nun mikrokredit portfelində problemli kreditlərin payı təqribən 6 dəfə artaraq 2%-dən 11,6%-ə qalxıb. Məbləğ ifadəsində isə bu bankın problemli mikrokreditləri 3 milyon dollardan 12 milyon dollara yaxınlaşıb.

Amma ən böyük artım "Bank Respublika"da baş verib. Əgər ötən il bankın mikrokredit portfelinin cəmi 0,1%-i problemi sayılırdısa, indi bu rəqəm 31%-i keçib. Problemli kreditlərin kəskin artımı bəzi mikrokredit təşkilatlarında da hiss olunur. Bazarın əsas oyunçularından sayılan "Finka-Azərbaycan" şirkətində problemli kreditlərin payı 10 dəfə artaraq 0,6%-dən 6,1%-ə qalxıb. Məbləğ ifadəsində isə təşkilatın problemli kreditləri ötən ilin ilk yarısındakı 300 min dollardan bu il 2 milyon dollara çatıb.

Ümumən neçə vaxtdır problemli kreditlərin həcmi artır. Ancaq maraqlıdır, bir il ərzində problemli mikrokreditlərin 4 dəfə artmasının səbəbi nə ilə bağlı ola bilər?

Məsələyə münasibət bildirən İqtisadi Resursların Öyrənilməsi Mərkəzinin sədri Ruslan Atakişiyev bunu bir sıra amillərlə əlaqələndirdi: "Hesab edirəm ki, bu məsələdə bir sıra amillər bu və ya digər dərəcədə bir-biri ilə əlaqəlidir. Məsələ ondadır ki, mikromaliyyələşmə institutları, bank olmayan kredit təşkilatları, kredit ittifaqları tərəfindən sahibkarlara, müxtəlif fərdi sahibkarlıq fəaliyyəti ilə məşğul olanlara mikrokreditlər verilir. Bu sahədə də mütəmadi olaraq problemlər yaşanır və bunun da bir sıra səbəbləri var. Çünki mikrokreditləşmənin bir hissəsi regionlarda həyata keçirilir. Yaranan problemlərin səbəbləri həm təqdim olunan biznes-planlardan, həm də qiymətləndirmələrdən qaynaqlanır. Müştərinin seçimi zamanı onun ödəmə qabiliyyətinin olub-olmaması o qədər də ciddi yoxlanılmır. Bir növ bunlar düzgün qiymətləndirilmir. Həmçinin, müştərinin üzərinə düşdüyü öhdəlikləri yerinə yetirməkdən boyun qaçırması amili də problemin yaranmasına təsir edir. Bir sıra buna bənzər hallar səbəbindən problemli mikrokreditlərin həcmi artır. Hesab edirəm ki, bu sahənin tənzimlənməsinə yenidən baxılmalıdır".

Vidadi ORDAHALLI

DİGƏR XƏBƏRLƏR

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...