Rusiyadakı soydaşlarımızın Bakıda aldıqları əmlakla bağlı yeni vəziyyət yaranır

Tarix: 22.12.2014 / 07:33
Bölmə: İqtisadiyyat

Vüqar Bayramov: «Gələn ilin əvvəlində mənzil bazarında təxminən 10 faizlik ucuzlaşma proqnozlaşdırırıq»

«Həmyerlilərimizin biznesinin zəifləməsi onların Bakıdakı mənzillərini satışa çıxarmasına və təklifin artmasına səbəb olub»

Rusiyada rublun dəyərdən düşməsi fonunda bu ölkədə iqtisadi vəziyyət pisləşməkdə davam edir. Məsələ ondadır ki, son günlər Rusiyada yaşayan azərbaycanlıların bir çoxu bu bazarlarda əldə edə bilmədiyi valyutanı Azərbaycan bazarlarında axtarmağa başlayıb.

Belə ki, Rusiyada yaşayan soydaşlarımız ölkəyə külli miqdarda rubl göndərərək onu dollara çevirmək barədə qərar verib. Bununla yanaşı, soydaşlarımız öz itkilərini kompensasiya etmək məqsədilə vaxtilə Bakıda müxtəlif ünvanlarda aldıqları daşınmaz əmlakları satışa çıxarmağa başlayıb. Artıq bununla bağlı məlumatlar artır. Soydaşlarımızın mənzillərini satışa çıxarması, istər-istəməz, əmlak bazarında təklifin artmasına gətirib çıxaracaq. Düzdür, Bakıda mənzilə ehtiyacı olanların sayı çoxdur. Ancaq nəzərə alsaq ki, qiymətlər həddən artıq yüksəkdir, o zaman satışa çıxarılan mənzillər qiymətlərin ucuzlaşmasına nə dərəcədə təsir göstərəcək?

Məsələyə münasibət bildirən iqtisadçı-ekspert Vüqar Bayramovun fikrincə, mənzillərin ucuzlaşması qaçılmazdır: «Əslində biz iki ay bundan əvvəl bəyan etmişdik ki, dünya bazarında son dəyişikliklər Bakının mənzil bazarına təsirsiz ötüşməyəcək. Çünki əmlak bazarında son 2 ildəki qiymət artımları heç də iqtisadi səbəblərlə əlaqələndirilmirdi. Əksinə, ötənilki qiymət artımlarında iqtisadi faktorlardan daha çox süni və eləcə də psixoloji amillər rol oynayırdı. Artıq əmlak bazarındakı «köpüklər» partlamaq ərəfəsindədir. Bu isə mənzil bazarında yenidən qiymət azalmalarında özünü ehtiva edə bilər. Rusiya iqtisadiyyatında müşahidə edilən durğunluq şimal qonşumuzda yaşayan azərbaycanlıların da maliyyə vəziyyətinə mənfi təsir göstərir. Ümumilikdə, Rusiyada yaşayan azərbaycanlıların ölkəmizə göndərdikləri pulların məbləğinin ən azı 30 faizə yaxın azalacağı gözlənir. Monitorinq və empirik sorğular göstərir ki, mənzil bazarına tələbatın təxminən üçdə biri MDB-də, xüsusən də Rusiyada yaşayan azərbaycanlıların payına düşür. Biznesi zəifləyən həmyerlilərimiz artıq paytaxtın mənzil bazarında ciddi tələb formalaşdıra bilmir. Başqa tərəfdən, Rusiyada yaşayan və bizneslə məşğul olan azərbaycanlıların böyük əksəriyyətinin Bakıda mənzili var. Hətta Rusiyada yaşayan həmyerlilərimizin bir qismi Bakıda bir deyil, daha çox mənzilə sahibdir. Təbii ki, həmyerlilərimizin biznesinin zəifləməsi onların Bakıdakı mənzillərini satışa çıxarmasına və təklifin artmasına səbəb olub».

Müsahibimizin fikrincə, Bakının mənzil bazarındakı qiymətlər artıq tavana dirəndiyindən, yeni qiymət yüksəlişləri üçün real zəmin yoxdur: «Paytaxtda infrastrukturun genişləndirilməsi ilə bağlı aparılan söküntülər mənzil bazarına böyük həcmdə vəsaitin daxil olmasına gətirib çıxarmır. Kompensasiyaların böyük qismi Bakıətrafı qəsəbələrdə evlərin və ya torpaqların alınmasına yönəldilir. Digər tərəfdən, bu pullar daha çox təkrar mənzil bazarında tələbə təsir göstərir. Noyabrda daşınmaz əmlak bazarında 3 faiz ucuzlaşma müşahidə etmişdiksə, dekabrın sonuna kimi bu rəqəm bir qədər də artacaq. Gələn ilin əvvəlində mənzil bazarında təxminən 10 faizlik ucuzlaşma proqnozlaşdırırıq».

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...