Prezident dedi, ekspertlər təhlil edir

Tarix: 19.12.2014 / 07:37
Bölmə: İqtisadiyyat

Aydın Hüseynov: "Bizim valyuta ehtiyatlarımız, Mərkəzi Bankın rezervləri və qızıl ehtiyatlarımız belə risqləri tənzimləməyə tam imkan verir"

"Bütün bunların müqabilində Azərbaycan manatı öz stabilliyini qoruyub saxlayacaq"

Dünya bazarında neftin qiymətinin kəskin ucuzlaşması və bunun xüsusilə qonşu Rusiyaya təsiri bizim ölkə əhalisi arasında da narahatlıq yaradıb. Hamını bir sual düşündürür: iqtisadiyyatı neftlə sıx bağlı olan Azərbaycanda böhran yaşana bilərmi?

Ölkə başçısı İlham Əliyev bu sualı cavablandırıb. Bu barədə dekabrın 16-da Sabirabadda, Heydər Əliyev Mərkəzində ASAN Könüllülərinin I Ümumrespublika Forumunun açılış mərasimində çıxışı zamanı Azərbaycan Prezidenti bildirib:

"İndi neftin qiyməti çox aşağı düşüb. Azərbaycanda bir adam bunu hiss edibmi? Xeyr, hiss etməyəcək. Çünki bizim çox güclü iqtisadi dayaqlarımız var".

Dövlət başçısı qeyd edib ki, manatın məzənnəsi sabitdir və bu onu deməyə əsas verir ki, dövlətin həm iqtisadi gücü, düşünülmüş siyasəti, eyni zamanda, sosial siyasəti var: "İndi manatın məzənnəsinin sabit olması bəlkə də bizim ixrac potensialımız üçün o qədər də müsbət hal deyil. Ancaq bu, sosial məsələdir. Belə də olmalıdır".

Prezident İlham Əliyev qeyd edib ki, Azərbaycan doğrudan da nadir inkişaf modelini ortaya qoyur və öz təcrübəsini bölüşməyə hazırdır: "Ona görə hər bir gənc haqlı olaraq fəxr edir və fəxr etməlidir ki, Azərbaycan vətəndaşıdır. Hər bir gənc çalışmalıdır ki, ölkəmiz daha da möhkəmlənsin, daha da güclü olsun, bizim təsir imkanlarımız artsın. Hər bir gənc milli köklərə, milli ənənələrə, bizim adət-ənənələrə bağlı olmalıdır. Xarici təsirdən azad olmalıdır. Biz dünyanın müsbət təcrübəsini onsuz da Azərbaycanda tətbiq edirik, nə lazımdırsa onu edirik. Mən çox istəyirəm və əminəm ki, belə də olacaq, çünki bugünkü reallıq da belədir".

Dövlət başçısı Azərbaycanın öz yolu, müstəqillik yolu ilə getdiyini qeyd edib: "Biz əsrlər boyu başqa ölkələrin, imperiyaların tərkibində olmuşuq. Azad, müstəqil olmamışıq. Nə üçün bizim xalqımız azad, müstəqil yaşaya bilməz? Biz 23 ildir ki, müstəqilik. Bu böyük xoşbəxtlikdir. Bu ən böyük sərvətimizdir. Ancaq bu müstəqillik, eyni zamanda, siyasi müstəqilliklə də tamamlanmalıdır və bu gün bu, Azərbaycanda var. Biz müstəqil siyasət aparırıq. Heç bir kənar qüvvə bizim iradəmizə təsir edə bilməz. Biz heç kimin diktəsi ilə oturub durmuruq və oturub durmayacağıq. Öz sözümüzü daim açıq deyəcəyik və prinsipial mövqeyimizi nümayiş etdirəcəyik. Həmişə də belə olmalıdır. Siz də bu ruhda böyüməlisiniz, tərbiyə almalısınız ki, heç bir kənar qüvvə bizim iradəmizə təsir edə bilməsin və Azərbaycan inkişaf, azadlıq, müstəqillik yolu ilə getsin".

İqtisadçı Aydın Hüseynov "Bakı-Xəbər"ə açıqlamasında bildirdi ki, Prezidentin Azərbaycanda böhranın hiss edilməyəcəyilə bağlı dedikləri tam əsaslıdır və iqtisadi dəlillərə söykənir: "Bizim valyuta ehtiyatlarımız, Mərkəzi Bankın rezervləri və qızıl ehtiyatlarımız belə risqləri tənzimləməyə tam imkan verir. Son beş ildə bizim apardığımız iqtisadi siyasət qeyri-neft sektorunun geniş inkişaf etməsilə nəticələndi. Bizim ölkənin ümumdaxili məhsulunun tərkibində qeyri-neft sektoru 60 faizi keçib. Bizim xarici borclarımız da çox aşağı səviyyədədir. Bu da ÜDM-nin 7 faizi qədərdir. Bütün bunlar bizim böhrandan sığortalana bilməyimiz üçün əsaslı faktor sayılır. Gələn il üçün 21 milyard 100 milyonluq büdcənin xərclənməsi üçün rezervlərimiz tam kifayət edəcək. Fikir verirsinizsə, neftin qiymətinin düşməsi bizim böyük qonşularımız Rusiyaya və Türkiyəyə ciddi təsir edib. Artıq rus valyutasının dollara olan nisbəti 3 dəfə ucuzlaşıb. Türk lirəsinin özündə də aşağı düşmə meylləri mövcuddur. Bütün bunların müqabilində Azərbaycan manatı öz stabilliyini qoruyub saxlayacaq.

Ölkədə aparılan iqtisadi siyasətin mükəmməl olması, rezervlərimizin varlığı, valyuta ehtiyatlarımızın balanslaşmış şəkildə rezervlərdə yerləşdirilməsi narahatlıq üçün əsas vermir".

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...