Baş vəkalətnamə ilə satılmış avtomobillər bankların "yemi" olmağa başlayır

Tarix: 19.12.2014 / 07:33
Bölmə: İqtisadiyyat

Rəsul Cahangirli: "Etibarnamə vətəndaşın istənilən əmlak üzərində hüququnu artırmağa imkan vermir"

"Ona görə də banklar bu kimi məqamları nəzərə almır"

Son dövrlərdə insanlar etibarnamə ilə alqı-satqı formasına daha çox üstünlük verir. Etibarnamə ilə tərəflərin alveri özünü əsasən avtomobil satışında göstərir. Verilən istənilən əsas etibarnamənin etibarlılığı 10 il və daha artıq müddətə olur. Tərəflər uzunmüddətli "əsas etibarnamə" almaq üçün, sadəcə, tərəflərin razılığını bildirən ərizə ilə müraciət edirlər.

Sənəddə əmlakın əsas sahibi avtomobili qarşı tərəfə hansı müddətə verəcəyini göstərir, bununla da vətəndaşa lazım olan etibarnamə verilir.

O da məlumdur ki, problemli kreditlərin həcmi artır. Krediti qaytara bilməyənlər əmlakını itirir. Bu da, nəticə etibarilə, borclu olan tərəflərin evsiz, maşınsız qalmasına gətirib çıxarır. Sözügedən məsələdə diqqətçəkən məqamlardan biri də ondan ibarətdir ki, banklar etibarnamə ilə satılan əmlakı belə müsadirə edir. Nəticədə əmlakı alan tərəf də bundan əziyyət çəkir. Məsələn, kimsə etibarnamə ilə avtomobilini digər şəxsə veribsə və həmin şəxsin borcu varsa, o zaman etibarnamə ilə verilən əmlak müsadirə olunur. Bu cür yanaşma nə dərəcədə düzgündür?

Sözügedən məsələyə aydınlıq gətirən ekspert Rəsul Cahangirli bir sıra məqamlara toxundu. Onun sözlərinə görə, etibarnamə ilə aparılan ticarət prosesi sadə və az pul sərf edilən sövdələşmə olduğu üçün bəziləri buna üstünlük verir: "Məsələ ondadır ki, tərəflər etibarnamə yolu ilə hər hansı əmlakın satışını həyata keçirirsə, o zaman onlar arasında alqı-satqı müqaviləsi olmur. Yəni etibarnamə ilə hər hansı bir əmlak, mal satıla bilməz. Sadəcə olaraq, əmlak sahibi bu sənəd vasitəsilə malın müəyyən müddətə istifadəsinə icazə verir. Gələcəkdə tərəflər arasında mübahisə yaranarsa, malı alan tərəf məhkəmə qarşısında əmlaka ödədiyi məbləğin rəsmi sənədini göstərə bilmir. Çünki belə bir sənəd mövcud deyil. Bir şeyi nəzərə almaq lazımdır ki, etibarnamə real deyil, formal alqı-satqıdır, bu isə satıcıdan daha çox alıcı üçün risqdir. Etibarnamə vətəndaşın istənilən əmlak üzərində hüququnu artırmağa imkan vermir. Etibarnamə ilə avtomobil idarə edən şəxs gələcəkdə onu sata bilməz. Çünki həmin şəxs əmlakın tamhüquqlu mülkiyyətçisi deyil. Ona görə də banklar bu kimi məqamları nəzərə almır".

Müsahibimizin fikrincə, etibarnamə yolu ilə satılan avtomobillər çox zaman alan tərəf üçün problemlər yaradır: "Məsələn, avtomobil hansısa cinayət səbəbindən axtarışdadırsa və yaxud da avtomobilin əvvəlki sahibinin bank borcu varsa, o zaman bu nəqliyyat vasitəsi müsadirə oluna bilər. Proses tam hüquqi çərçivədə aparıldığı üçün avtomobilin yeni sahibi heç bir tədbir görə bilməz. Bu yerdə yenə də etibarnamə sənədi köməyə çatmır. Bu səbəbdən də insanlar alqı-satqının, ticari sövdələşmələrin sadə, amma etibarsız yolla həllinə deyil, mürəkkəb də olsa, tam etibarlı vasitə ilə həllinə üstünlük versələr yaxşıdır. Nə malınız, nə pulunuz, nə əsəbləriniz, nə də hörmətiniz, nüfuzunuz itməsin deyə".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...