Azərbaycanda da rublun dəhşətli çöküşü başladı

Tarix: 19.12.2014 / 07:18
Bölmə: İqtisadiyyat

Rusiya rublu ətrafında baş verən son proseslər şimal qonşumuzun iqtisadi sahədə böyük çətinliklərlə üzləşdiyini göstərir. Rublun nə zaman sabitləşəcəyi isə hələ dəqiq bəlli deyil. Bu şəraitdə Rusiyadan MDB ölkələrinə, o cümlədən Azərbaycana göndərilən vəsaitlərin həcmində kəskin azalmalar qeydə alınır. Bu prosesin yaxın aylarda daha da dərinləşməsi gözlənir.

Çünki Kreml özü də rublla bağlı çarəsiz vəziyyətdə olduğunu gizlətmir. Rusiyanın iqtisadi inkişaf naziri Aleksey Ulyukayev "Vedomosti" qəzetinə müsahibəsində hökumətin bu böhrandan çıxmaq üçün heç bir strateji plana malik olmadığını, ümumiyyətlə, hansısa plan hazırlamağın qeyri-mümkünlüyünü etiraf edib. Onun bildirdiyinə görə, Rusiyada üst-üstə düşən üç böhran eyni vaxtda baş verib. Bu, Rusiya iqtisadiyyatında islahatların aparılmaması, makroiqtisadi göstəricilərin pisləşməsi və sanksiyalarla bağlıdır: "Bu bizim özümüzün hazırladığımız ideal qasırğadır. Struktur böhranı baxımından islahatların yarımçıq buraxıldığı iqtisadiyyat və bizim indiyədək etməli olduqlarımızın, ancaq etmədiklərimizin nəticəsidir. İkinci böhran tələbatın məhdudlaşmasından irəli gələn işgüzar geriləmə, nəhayət, üçüncüsü sanksiyalar və antisanksiyalar mexanizmi ilə bağlı olan geosiyasi böhrandır. Biz şahmat taxtasında vəziyyəti dəyişməliyik, əks halda fiqurların əvvəl necə dayandığını təkrarlaya-təkrarlaya ancaq spiralvari aşağı hərəkət etməli olacağıq". Ulyukayev deyib ki, vəziyyəti dəyişə bilən ciddi plan indiyədək olmayıb: "Hərçənd, bizim ixracın strukturunun dəyişməsinə, prioritet layihələrə dair çox planlarımız olub. Bütün bunlar yaxşı işdir. Lakin bu taktikadır, reaksiyadır. Strateji plan lazımdır. Situasiya isə o qədər mürəkkəb və ağlasığmazdır ki, biz gələcəkdə onu dəyişməyə hazır ola bilmərik". Ulyukayev biznesin hakimiyyətə inamının itdiyini də etiraf edib: "Çünki biznes görür ki, biz ona ilişmək üçün hansısa qarmaqlar axtarırıq. Prezident deyib ki, vergilər və vergi şərtləri dəyişməməlidir. Ancaq biznes fikirləşir ki, hakimiyyət hər halda nəsə yeni bir şey fikirləşib tapacaq". Bütün bunlar bir daha Rusiyada iqtisadi durumun həqiqətən ağır olduğunu aydın formada nümayiş etdirir. Belə vəziyyətdə rublun dəyərdən düşməsi isə, qeyd olunduğu kimi, miqrantlar tərəfindən göndərilən pulların həcminin azalması ilə müşayiət olunur. Qarşıdakı müddətdə miqrant pullarının daha da azalacağı istisna edilmir. Bu hal ölkənin bank sektoruna da ciddi təsir edəcək. Çünki banklar pul köçürmələrindən xeyli qazanc əldə edirdi. Lakin indi vəziyyət dəyişir. Azərbaycan Beynəlxalq Bankının baş direktoru Elmir Həbibullayev də bildirib ki, Rusiya böhranı Azərbaycan banklarını pul köçürmələrindən əldə etdiyi gəlirlərdən məhrum edə bilər:

"Hələlik, sanksiyaların və neftin qiymətinin aşağı düşməsinin fəsadlarını rublun qiymətində görürük. Gələcəkdə bu böhran iqtisadiyyatın ciddi zəifləməsinə və iş yerlərinin itirilməsinə səbəb olarsa, pul köçürmələrində azalma ola bilər". Elmir Həbibullayev bildirib ki, Azərbaycan Beynəlxalq Bankının İdarə Heyətinin son yığıncağında neftin qiymətinin dəyişməsinin əməliyyatlarda, layihələrdə nəzərə alınması, alternativ tədbirlərin görülməsi tapşırılıb. Onun sözlərinə görə, yaxın zamanlarda rublun dəyərdən düşməsi ilə bağlı olaraq "ABB Moskva Bankı"nın ciddi problemlərlə üzləşəcəyi gözlənilmir: "Aktivlərin rublda olması zamanı sadəcə aktivlərin dəyərinin artıb-azalmasından söhbət gedə bilər. Birbaşa problemlərlə üzləşməsi gözlənilmir. Yəqin ki, Moskva Bankı bununla bağlı bir hazırlıq görəcək".

Bu arada maraqlı bir məqamı da qeyd edək ki, Bakı Fond Birjasında (BFB) dollar-rubl cütlüyü ilə əməliyyatlar məhdudlaşdırılıb. Beynəlxalq bazarlarda ABŞ dolları - Rusiya rublu valyuta cütlüyünün aşağı likvidlik səbəbilə bu törəmə valyuta aləti ilə marja ticarətini təşkil edən birjanın ticarət sistemində alış sifarişlərinin açılması məhdudlaşdırılıb. Sözügedən valyuta cütlüyündə öncədən alış sifarişləri olan müştərilər bu əməliyyatları istənilən vaxt bağlaya bilər. Azərbaycanda Forex fəaliyyəti ilə məşğul olan şirkətlər də Rusiya rublu ilə əməliyyatları dayandırıb. Məsələ ilə bağlı "İnvest-Az" şirkətindən "fins" portalına bildirilib ki, şirkət dekabrın 16-dan etibarən rublla əməliyyatlara xitam verib. Forex xidməti göstərən digər maliyyə təşkilatı "Muğanbank" isə rublla əməliyyatları dünəndən dayandırıb. Bankda bunu dünya valyuta birjalarında rublla bağlı yaranmış vəziyyətlə izah edirlər. Belə ki, rublla əməliyyatlar dünya Forex bazarında da məhdudlaşdırılıb. Hər iki təşkilatdan bildirilib ki, rublla əməliyyatların nə vaxt bərpa olunacağı dünya bazarındakı vəziyyətdən asılı olacaq.

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...