Bakını bürüyən birgünlük dollar ajiotajının ön və arxa görüntüləri...

Tarix: 18.12.2014 / 02:46
Bölmə: İqtisadiyyat

Rəşad Həsənov: "Növbəti ildə sadaladığımız amillərin manata mənfi təsiri 20%-in üzərində ola bilər ki, bu da böyük həcmdə idxaldan asılı olan daxili istehsalın tənəzzülünə və inflyasiyaya səbəb ola bilər"

Samir Əliyev: "Gələn ilin ortalarına qədər elə də ciddi bir problem gözlənilmir"

İki gündür bir sıra valyutadəyişmə məntəqələrində ajiotaj yaranıb. Sosial mediada satışda dolların yığışdırılması haqqında məlumatların yer alması vəziyyətin gərginliyindən xəbər verir. Sözügedən məntəqələrdə dollar qıtlığının yaranması haqqında söz-söhbətlər isə onun dəyərinin bahalaşdırılmasına səbəb olub.

Dünən bir sıra valyutadəyişmə məntəqələrində 1 dolların satışı 79 qəpiyə təklif edilib. Alıcılara bunun səbəbini ABŞ valyutasının çatışmazlığı ilə izah ediblər.

Azərbaycan Mərkəzi Bankı rəsmi məzənnənin dəyişmədiyini bəyan edir. Banklar isə dollar qıtlığının yaranması haqqında iddianın yersiz olduğunu göstərirlər. Belə olan halda, manatın ucuzlaşması ətrafında spekulyasiyada kimin maraqlı olması sual doğurur.

Ekspertlərin ehtimallarına görə, qıtlığın yaranmasının əsas səbəblərindən biri Rusiya maliyyə bazarında baş verən hadisələrlə əlaqədar Azərbaycanda dollar alışının yüksəlməsidir. Bunun ölkəyə nə kimi təsiri ola bilər və yaşanan panikanın manatın kursuna nə dərəcədə təsiri var?

İqtisadçı Rəşad Həsənov "Bakı-Xəbər"ə açıqlamasında bildirdi ki, başqa bir təhlükə yığım vəsaitlərində manatın həcmindən qaynaqlana bilər: "Bidiyimiz kimi, son illər manatın möhkəmlənməsi insanların inamını artırıb və ölkədə yığım vəsaitlərin təxminən 60-70%-i manatla saxlanır. Lakin, hətta ən kiçik ucuzlaşma belə insanlarda panika yaradacaq ki, nəticədə bu vəsaitlərin konvertasiya cəhdləri dolların kəskin bahalaşmasına yol açacaq.

Son günlər Rusiyada yaşananlar da, öz növbəsində, manat üçün təhlükə mənbəyinə çevrildi. Artıq bu ölkədə yaşayan soydaşlarımız buradakı əlaqələrini işə salaraq Rusiyada edə bilmədikləri konvertasiyanı Azərbaycanda etmək üçün aktiv fəaliyyətə başlayıb. Nəticədə son 2 gündə dollar az da olsa bahalaşıb. Doğrudur, bu istiqamətdə uzunmüddətli təsirlərdən söhbət getmir, lakin, istənilən halda, ən kiçik təsirlərdə belə manatın dəyəri ucuzlaşırsa, demək ki, vəziyyət indiki halda həqiqətən də "ruscadır".

Son olaraq bildirmək istəyərdim ki, növbəti ildə sadaladığımız amillərin manata mənfi təsiri 20%-in üzərində ola bilər ki, bu da böyük həcmdə idxaldan asılı olan daxili istehsalın tənəzzülünə və inflyasiyaya səbəb ola bilər".

Digər iqtisadçı Samir Əliyev isə yaranan ajiotajı əhalinin panik duruma düşməsilə izah etdi. Onun sözlərinə görə, manatın dollara nisbətən kursunun yumşaldılmasına heç bir əsas yoxdur: "Mərkəzi Bank müxtəlif vasitələrlə bunun qarşısını alır. Bunun üçün resursları da kifayət qədərdir. Ayrı-ayrı valyutadəyişmə məntəqələrində dolların bahalaşması Rusiyada baş verən hadisələrin psixoloji təsiridir. Adi vətəndaşlar düşünür ki, rubl ucuzlaşırsa, manatı da eyni aqibət gözləyə bilər. Neft ixrac edən ölkələrdə, məsələn, Rusiya və Qazaxıstanda milli valyutaların ucuzlaşması müşahidə edilir. Ona görə də bir ajiotaj yaranıb ki, neft ölkələrində bu baş verirsə, deməli, Azərbaycanda da ola bilər. Mərkəzi Bank bunun qarşısını maksimum dərəcədə almağa çalışacaq. Bu ilin sonuna kimi manatın bahalaşması müşahidə edilməyəcək. Gələn ilin ortalarına qədər elə də ciddi bir problem gözlənilmir".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...