Avtomobil və mənzil bazarımıza Rusiyadan gələn təhlükə...

Tarix: 17.12.2014 / 02:25
Bölmə: İqtisadiyyat

Şimal qonşumuzun nikbin görünməyə çalışmasına baxmayaraq, Qərbin iqtisadi sanksiyaları Rusiyanı daha böyük sürətlə çökdürməkdədir. Rusiya iqtisadiyyatının batması isə ilk növbədə MDB ölkələrində özünü qabarıq surətdə hiss etdirəcək. Ekspertlər bildirir ki, baş verənlər Azərbaycanla Rusiya arasında ticarət dövriyyəsinin həcminin əhəmiyyətli dərəcədə azalması ilə müşayiət olunmaq iqtidarındadır.
Eyni sözləri Rusiyanın digər MDB ölkələri ilə ticari münasibətləri barədə də söyləmək mümkündür. Bu arada qeyd edək ki, neft qiymətlərinin bu il ərzində 40%-dən çox ucuzlaşması, Avropa ölkələrinin və ABŞ-ın Ukrayna böhranı ilə əlaqədar Rusiyaya tətbiq etdiyi iqtisadi sanksiyalar səbəbilə rubl dəyərdən düşməkdə davam edir. Rubl ilk dəfə dollar qarşısında 60 rubl səviyyəsini aşaraq tarixdə ən zəif həddə enib."Societe Generala SA" şirkətinin inkişaf edən bazarlar üzrə strateqi Bernd Berqin rublun daha çox dəyərdən düşəcəyini bildirib. Rusiya Mərkəzi Bankı isə 2015-ci il ərzində neftin barrelinin 60 dollar səviyyəsində olacağı halında Rusiya iqtisadiyyatının 4.7% geriləyəcəyini proqnozlaşdırıb. Britaniyanın "The Telegraph" qəzeti isə neftin keçmiş Sovet İttifaqını dağıtdığını yazır və qeyd edir ki, "qara qızıl"ın sürətlə aşağı düşən qiyməti Kreml üçün yenidən lənətdir: "Neftin qiymətinin kəskin düşməsi Vladimir Putin üçün iqtisadi qəza oldu. Kremlə növbəti ildə də ciddi iqtisadi gerilik barəsində xəbərdarlıq edilib. Rusiya üçün bu il çox pis başlandı. Ukraynadakı böhran nəzarətdən çıxdı və bu, Rusiyaya qarşı sərt iqtisadi sanksiyalara, həmçinin ölkədən ciddi kapital axınına gətirib çıxardı. İyun ayından başlayaraq neftin qiymətinin 45 faiz düşməsi Rusiyada xoşagəlməz hadisələrin əsas səbəbi oldu". O da vurğulanır ki, neft və qaz ixracı ümumi ixracın 67, Rusiya federal büdcəsinin gəlirlərinin isə 50 faizini təşkil edir: "Rusiya maliyyə nazirinin sözlərinə görə, Rusiya sanksiyalara görə təxminən 40, neft qiymətinin düşməsinə görə isə 100 milyarda qədər itirib. Rusiya rublunun düşməsi Rusiya istehlakçılarına cidd toxunub və inflyasiyaya gətirib çıxarıb".
Qəzet proqnozlaşdırır ki, neftin qiymətinin 60-50 dollara qədər aşağı düşməsi rublu daha da dəyərdən salacaq. "The Telegraph" hesab edir ki, ölkədən kapital axınının qarşısını almaq da olduqca çətin olacaq. Rusiya Mərkəzi Bankının hesablamalarına görə, ölkədən kapital axını bu il 128 milyard dollara çata bilər. 2015-ci ildə isə bu göstəricinin 120 milyard dollar olacağı proqnozlaşdırılır.
Bütün bunlar Rusiyanın tənəzzülünü sürətləndirir və bu hal onun, digər ölkələr kimi, Azərbaycanla da ticarətinə təsirsiz ötüşmür. Ötən ilin yekunlarına əsasən, Rusiya və Azərbaycan arasında ticarət dövriyyəsinin həcmi 2,5 milyard dollar olub. Rusiyadan Azərbaycana idxalın 90 faizdən çoxunu maşınqayırma, avtomobil, kimya sənayesi məhsulları, metal məmulatlar, meşə təsərrüfatı malları, ərzaq və kənd təsərrüfatı xammalı təşkil edir. Azərbaycandan Rusiyaya ərzaq və kənd təsərrüfatı məhsulları ixrac olunur. Rusiyanın çöküşü davam edərsə, qeyd olunan istiqamətlər üzrə böhran qaçılmaz sayılır.
Rusiya iqtisadiyyatının çökməsindən Azərbaycan başqa formada da ziyan çəkə bilər. Söhbət azərbaycanlı miqrantların göndərdiyi pulların azalmasından gedir. Rusiyadakı azərbaycanlıların əksəriyyəti öz ölkəsinə, ailəsinə hər il xeyli pul göndərir. Rəsmi məlumata görə, burada söhbət ildə 1,8 milyard dollara yaxın vəsaitdən gedir. Qeyri-rəsmi məlumata görə bu məbləğ daha çoxdur. Bu axın əsasən Azərbaycanın regionlarında sosial gərginliyin azalmasına təkan verir, insanların dolanışığı ilə yanaşı əmlak, avtomobil bazarına da ciddi təsir göstərir. Bu mənada Rusiya iqtisadiyyatının zəifləməsi, çökməsi Azərbaycana gələn gəlirlərin azalması deməkdir. Bundan əlavə, Rusiyada yaşayan iş adamları Azərbaycanda çoxsaylı xırda biznes layihələrinə sərmayə qoyur, sosial layihələri maliyyələşdirirlər. Bu mənbə hesabına hər il Azərbaycan iqtisadiyyatına böyük miqdarda vəsait yatırılır. O üzdən şimal qonşumuzda iqtisadi tənəzzül bu istiqamət üzrə də Azərbaycana mənfi təsir etmək iqtidarındadır.
Yuxarıda qeyd olunduğu kimi, Azərbaycanda mənzillərin, avtomobillərin alıcıları sırasında Rusiyada çalışan soydaşlarımızın xüsusi çəkisi var. Lakin bu ölkədə böhran həmin alıcıların sayını azaldır. Bütün bunlar Rusiya böhranının Azərbaycan üçün yaxşı heç nə vəd etmədiyini aydın göstərir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...