Nizami rayonunun sosial-iqtisadi inkişafı: real vəziyyət və perspektivlər

Tarix: 15.12.2014 / 02:22
Bölmə: İqtisadiyyat

2015-ci ilə barmaqla sayılacaq günlər qalıb. Üzümüzə gələn ili hamımız həyəcanla gözləyirik. Bakının Nizami rayonu isə 2015-ci ildə qapılarını bütün dünyanın üzünə açacaq. Rayon ağır imtahana hazırlaşırmış kimi bütün diqqətini bu yarışa hazırlığa cəmləyib. Qarşıdan gələn ilin yayında Azərbaycanın səsi bütün dünyaya yayılacaq. Xəzərin qoynundan dünyaya yayılan səs dövlətimizi dünyada daha da məşhur edəcək.

Məlumdur ki, Nizami rayonunda Olimpiya kəndi salınır. Böyük olimpiya şəhərciyinə sahib olan Nizami rayonunun yaxın gələcəkdə idman rayonu kimi ad çıxaracağına şübhəmiz yoxdur. Ümumiyyətlə, Nizami rayonunda əvvəldən idmana, bu sahənin inkişafına və təbliğinə böyük önəm verilir. Nizami rayonunun keçmiş sakini kimi qeyd edə bilərəm ki, həyətlərin çoxunda uşaq və yeniyetmələrin məşğuliyyətinin təmin edilməsi, onlarda idmana maraq oyatmaq məqsədilə kiçik stadionlar, idman meydançaları istifadəyə verilib. Bu rayon ərazisində son illər tikinti-quruculuq işləri daha da sürətləndirilib. Təbii ki, bunun bir səbəbi də 2015-ci ildə paytaxtımızda keçiriləcək Avropa Yay Olimpiya Oyunlarıdır. Hər yarış, hər beynəlxalq tədbir ölkənin imici üçün çox əhəmiyyətlidir və bu, ölkəyə çoxlu sayda qonağın, turistin gəlişini təmin edir. Dünyada ilk dəfə keçirilən Avropa Yay Olimpiya Oyunlarına Bakı ev sahibliyi edəcək-bütün dünyada paytaxtımızın adı böyük sevgi və həsədlə çəkiləcək, dövlətimizin əzəməti bir daha təsdiq olunacaq.

Nizami rayonunun simasında ciddi dəyişikliklər baş verir və artıq, demək olar ki, küçələrin, meydanların, tikililərin, ticarət mərkəzlərinin siması dəyişdirilir. Bütün binaların üzərinə daş üzlüklər çəkilir, yəqin ki, 2015-ci ilin əvvəlində bu işlər başa çatdırılacaq. Bu da faktdır ki, rayonda aparılan abadlıq işləri sakinlərin ürəyincədir. Həyətlərin yaşıllaşdırılması, abadlaşdırılması diqqəti cəlb edir. Bir məqamı vurğulayaq ki, Nizami rayonunda yerləşən 17 saylı uşaq poliklinikası əsaslı şəkildə təmir edilərək əhalinin ixtiyarına verilib. Uşaqların müalicə və müayinəsi üçün burada hər şərait yaradılıb. Sözsüz ki, bu, dövlətin həyata keçirdiyi uğurlu səhiyyə islahatının nəticələridir. Sözsüz ki, görülən işlərdən əhali fayda görür. Ümumiyyətlə, Nizami rayonunda sakinlərin rahatlığı üçün çox işlər görülür. «8-ci kilometr» bazarının ətrafı qarışıq və bir qədər natəmiz olsa da, ətraf yerlərdə bu hal az müşahidə edilir. Bazar ətrafında yeni tikintilər var, tör-töküntü də əsasən bundan yaranır. Bazar ətrafında maşınların normal qaydada park edilməməsi, taksilərlə sərnişin avtobuslarının bir-birinin hərəkətinə maneə törətməsi narahatlıq doğurur. Amma ümid edirik ki, bunlar tədricən aradan qaldırılacaq. Ərazidə yerləşən Heydər Əliyev Parkının əsaslı şəkildə təmir və bərpa edilməsi, burada yaşıllıq miqyasının artırılması, yeni tikililərin istifadəyə verilməsi müsbət haldır. Parkda istənilən yaş qrupundan olan insanın normal istirahəti üçün hər cür şərait yaradılıb.

Bakının Nizami rayonu hazırda paytaxtın inkişaf edən sosial-iqtisadi, biznes, təhsil, inzibati mərkəzlərə və müxtəlif təyinatlı infrastruktura malik ərazi vahidlərindən biri kimi diqqətimizi çəkməyə bilmir.

Başqa rayonlarla müqayisədə ərazisi elə də böyük olmayan Nizami rayonunda əhalinin sıxlığı kifayət qədər yüksəkdir. Əhalinin bu rayonda sıxlığı səbəblərindən biri bu ərazidə xeyli iş yerinin olması ilə bağlıdır. Rayonda bir neçə istehsal müəssisəsi, ticarət mərkəzləri, restoran və şadlıq evləri, özəl şirkətlər var ki, burada onlarla insan çalışır. Bəllidir ki, rayonun iqtisadiyyatının formalaşmasında istehsal sahələri və xidmət sektorunun əhəmiyyətli rolu var. Bilirik ki, burada «Bakı Yağ Qida» fabriki, dəmir-beton məmulatları istehsal edən «Azərtunelmetrotikinti» SC-nin DBK zavodu, «Körpü Tunel» ATSC, neft məhsulları istehsal edən Heydər Əliyev adına Bakı Neft Emalı Zavodu, müxtəlif növ şokolad məmulatları istehsal edən «Ulduz» şokolad fabriki və s. istehsal müəssisələri fəaliyyət göstərir. Məlumata görə, istehsal gücü saatda 3,2 tondan çox olan «Ulduz» şokolad fabriki ildə 28 min ton şokolad və karamel istehsal etmək potensialına malikdir. Müqayisə üçün qeyd edək ki, bu rəqəm Azərbaycanın 1977-cü ildə istehsal etdiyi bütün qənnadı növünün 45 faizi deməkdir. Müəssisə 2014-ci ildən daha iki yeni xəttin işə salınması ilə əlaqədar fəaliyyət sahəsini daha da genişləndirib. 600 nəfərin işlədiyi «Ulduz» şokolad fabriki məhsullarını xarici ölkələrə uğurla ixrac edir. Burada işçilər üçün hər cür şərait yaradılıb. İşçilər iş vaxtı çay və yeməklə, işə gəlib-getmək üçün nəqliyyatla, xüsusi iş geyimləri ilə təmin edilib. Fabrikdə işçilərin və müştərilərin təhlükəsizliyini təmin etmək məqsədilə onlar mütəmadi tibbi müayinədən keçirilir. Müşahidələr göstərir ki, Bakı şəhəri və rayonların hərtərəfli inkişaf etdirilməsi üzrə dövlət proqramlarını uğurla həyata keçirən Nizami Rayon İcra Hakimiyyətinin fəaliyyəti əsasən sosialyönlüdür. İcra Hakimiyyətinin davam etdirdiyi xətt Azərbaycan dövlətinin yoluna sadiqliyinin göstəricisidir. Müşahidəçilər bildirir ki, müstəqil Azərbaycan dövlətinin əsas prioriteti xalqa xidmət etmək - ölkə vətəndaşlarının rifah halını yaxşılaşdırmaq, aztəminatlı əhalinin sosial müdafiəsini yüksəltmək, yeni iş yerləri açmaq, vətəndaşların sağlamlığının keşiyində dayanmaq, elm, maarif və təhsilin keyfiyyətini yüksəltmək, quruculuq-abadlıq işləri aparmaq və yaşıllıqlar salmaq, minimum əməkhaqqı məbləğini artırmaq və s. tədbirləri davamlı həyata keçirməkdir. Fəaliyyətini bu istiqamətdə quran Nizami RİH, keçən illərdə olduğu kimi, bu ilin 9 ayı ərzində də yeni uğurlara imza atıb. Rəsmi xəbərlərə görə, cari ilin yanvar - sentyabr aylarında rayonda fəaliyyət göstərən müəssisələr tərəfindən 347,4 milyon manat dəyərində, yəni ötən ilin müvafiq dövrünə nisbətən 13,6 faiz çox məhsul istehsal edilib, istehlakçılara 353,3 milyon manatlıq məhsul göndərilib. 2014-cü ilin son 9 ayı ərzində 295,6 milyon manat həcmində podrat işlər yerinə yetirilib, bütün maliyyə mənbələri hesabına əsas kapitala 183,4 milyon manat həcmində investisiya yatırılıb. Rayonda cari ilin 3 rübündə 1003 yeni iş yeri açılıb.

2014-cü ilin 9 ayı ərzində rayonun təhsil, səhiyyə və mədəniyyət ocaqlarında əsaslı təmir, yenidənqurma işləri, eləcə də həmin obyektlərin maddi-texniki bazasının möhkəmləndirilməsi istiqamətində mühüm addımlar atılıb.

Rayonda fəaliyyət göstərən Uşaq-Gənclər Yaradıcılıq Mərkəzi uşaq və gənclərin dünyagörüşünün formalaşdırılması, asudə vaxtın səmərəli və maraqlı təşkili, onların istedad və qabiliyyətlərinin üzə çıxarılması istiqamətində mühüm işlər görür. Yaradıcılıq Mərkəzi Heydər Əliyev Fondu, Ailə, Qadın və Uşaq Problemləri üzrə Dövlət Komitəsi, Ombudsman Aparatı və müxtəlif hökumət və qeyri-hökumət təşkilatları ilə sıx əlaqə qurub. Rayonda fəaliyyət göstərən Məşğulluq Mərkəzi və Əmək Yarmarkası sakinlərin işlə təmin olunmasında müəyyən uğurlar qazanıb. Nizami Rayon Əhalinin Sosial Müdafiəsi Mərkəzinin sosial məişət xidməti sektorunda tənha və kimsəsiz qocalara, əlillərə evlərində mütəmadi sosial və məişət xidməti göstərilir. Təqdirəlayiq haldır ki, bu xeyirxah işdə yerli bələdiyyələr də fəal iştirak edir. Bunu həmin qurumların dəstəyi ilə Q.Qarayev 66 ünvanında yerləşən xeyir-şər evində hər il imkansız ahıllara xüsusi diqqət göstərilməsi və yemək verilməsi də sübut edir. Hər il 1 oktyabr tarixində isə bilavasitə rayon İH-nin təşkilatçılığı ilə Heydər bağı park-bulvarda Beynəlxalq Ahıllar Günü münasibətilə ahıllar arasında stolüstü oyunlar keçirilir, iştirakçıların hamısı mükafatlandırılır. Bu il rayonun tədris müəssisələrində beynəlxalq əlaqələrin inkişaf etdirilməsi, müəllim-şagird heyətinə optimal şəraitin yaradılması, təhsilin keyfiyyətinin artırılmasında da uğurlar qazanılıb. 220 saylı məktəb-lisey Avropa Şurasının ölkələrarası əməkdaşlıq layihəsinə qoşulub. Bu il rayonun bir sıra təhsil işçiləri Prezident İlham Əliyevin sərəncamı ilə Azərbaycan təhsilinin inkişafındakı xidmətlərinə görə «Əməkdar müəllim» fəxri adına və «Tərəqqi» medalına layiq görülüb. Həmin xidmətkarlar Rayon İcra Hakimiyyəti tərəfindən mükafatlandırılıb.

Rayon ərazisində yerləşən tibb müəssisələri davamlı olaraq əhaliyə tibbi xidmət göstərir ki, bu da bir sıra infeksion xəstəliklərin sayını kəskin surətdə azaldıb. Keçən ilin noyabr ayında Heydər Əliyev Fondunun prezidenti Mehriban Əliyevanın iştirakı ilə Fond tərəfindən E.Süleymanov küçəsi 120 a ünvanında inşa edilən Daun Sindromlu Şəxslərin Reabilitasiya Mərkəzinin açılması isə rayonun ictimai həyatında mühüm hadisələrdən biri kimi yadda qalıb.

Rayonda su, qaz, kanalizasiya, işıq və istilik təsərrüfatlarının işi yaxşılaşdırılıb.

Ordu sıralarına çağırışın vəziyyəti və gənclərin hərbi vətənpərvərlik ruhunda tərbiyəsi ilə bağlı görülən işlər, hər il olduğu kimi, bu il də rayon İH-nin daim nəzarəti və diqqət mərkəzindədir. Belə ki, hesabat dövründə çağırışla əlaqədar Səfərbərlik və Hərbi Xidmətə Çağırış üzrə Dövlət Xidmətinin Bakı şəhəri Nizami rayonu idarəsinə verilən plan-tapşırıq müvəffəqiyyətlə yerinə yetirilib.

Vətəndaşların İcra Hakimiyyətinə operativ müraciət etməsi üçün «qaynar xətt» - 422-10-01 nömrəli telefondan istifadə olunur. RİH-nin elektron saytı bu əlaqələrin daha da genişləndirilməsinə şərait yaradıb. Bununla yanaşı, İH sakinlərin qəbuluna da xüsusi diqqət ayırır. Mövcud problemlərin, sakinlərin sosial əhəmiyyətli sifarişlərinin, tələb və təkliflərinin öyrənilməsi məqsədilə ayda iki dəfədən az olmayaraq yerlərdə RİH başçısının sakinlərlə səyyar görüşləri keçirilir.

Nizami RİH ölkə KİV-i ilə sıx əməkdaşlıq edən azsaylı yerli icra orqanlarından biridir. Bunu İH-nin «Yerli icra hakimiyyəti orqanları ilə kütləvi informasiya vasitələri arasında əməkdaşlığın inkişaf etdirilməsi» mövzusunda keçirilən konfransları da sübut edir.

Nizami rayonu inkişafa doğru irəliləyir, burada görülən işlərin miqyası çox genişdir. Bununla belə, həllini gözləyən probemlər də yox deyil.

Bunların ən üzdə olanı həyətlərin işıqlandırılması ilə bağlı problemdir. Digər bir problem isə «Qara Qarayev» metrostansiyası ətrafında yaşayan sakinlərin narahatlığına səbəb olan «Təbriz» kinoteatrının yerləşdiyi parkdır. Bu parkın hələ də təmir edilməməsi sakinləri narahat edir. Onlar hesab edir ki, parkda hər bir şərait yaradılsa, uşaqlar rahat şəkildə əylənə, istirahət edə və oynaya bilər.

Düşünürük ki, bu məsələlərə də diqqət yetiriləcək. Nizami rayonunun qarşıdan gələn yeni ilə yeni layihələr və yeni proqramlarla çıxacağına inanırıq.

İradə SARIYEVA

Yazı Nizami Rayon İcra Hakimiyyəti və Azərbaycan Respublikasının Prezidenti Yanında Kütləvi İnformasiya Vasitələrinin İnkişafına Dövlət Dəstəyi Fondunun keçirdiyi müsabiqəyə təqdim edilir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...