Bu günlərdə, UEFA Avropa Liqasının 29 mayda Bakıda keçiriləcək final oyunu ərəfəsində Böyük Britaniya Xarici İşlər Nazirliyi təhlükəsizlik və sabitliyin tam şəkildə təmin olunduğu ölkəmizə aid anlaşılmayan və təəccüblü səyahət tövsiyələri paylaşdı.
Böyük Britaniya XİN-i öz vətəndaşlarına çoxsaylı mötəbər beynəlxalq tədbirlərə, beynəlxalq miqyaslı idman yarışlarına ev sahibliyi edən , Birinci Avropa oyunları, Dördüncü İslam Həmrəylik Oyunları keçirən, ard-arda bir neçə ildir Formula 1 Bakı Qran Prisi keçirən və UEFA Çempionlar Liqası çərçivəsində 2017-ci ildə “Qarabağ” – “Çelsi” futbol oyununa ev sahibliyi etmiş Azərbaycan haqqında narahatedici çalarlarda tövsiyyələr edib.
Burda onu xatırladım ki , Böyük Britaniya XİN-in öz futbol komandalarının İngiltərədən kənarda keçirilən istənilən maçtda çılğın ingilis azarkeşlırinin iştirakına görə narahatlığı və bu narahatlığın üzərindən öz dəlisov ingilis azarkeşlərini sakitləşdirmək məqsədılə narahatedici tonlarda tövsiyyələr vermək ənənəsi var.
Uzaga getməyək, 2016-ci ildə Böyük Britaniya XİN-i UEFA- 2016 liqası çərçivəsində Rusiya - İngiltərə matçı öncəsi öz vətəndaşlarına etdiyi xəbərdarlıqda onlara Avropanın ən sakit şəhərlərindən biri Marseldə ehtiyatlı olmaq və terror hücumlarından qorunmağ haqqında tövsiyə edib.
Marsel şəhərindəki “Velodrom” stadionunda keçirilən İngiltərə və Rusiya komandalarınin qarşılaşmasından sonra aydın oldu ki, oyunda İngilis azarkeşləri deyil, diğər azarkeşlər və Marsel şəhəri bütövlükdə ingilis azarkeşlərinin hücumuna məruz qaldı. Oyundan sonra heç-heçə hesabından mütəəssir olan ingilis azarkeşləri rəqib komandanın azarkeşlərinə və şəhər sakinlərinə hücum etdi, nəticədə bir neçə saat davam edən və kütləvi iğtişaş səviyyəsinə çatan hadisələrdə asayişin təmin olunmasına fransiz polisinin antiterror qrupları cəlb olundu. Gecənin yarısına qədər davam edən bu iştişaşı Marsel polisi port Marsel adlanan küçədə müqavimət göstərən sərxoş ingilis azarkeşlərini və onların təhriki ilə iştirakçı olan rus azarkeşlərini tək-tək həbs etməklə sakitləşdirdi. Nəticədə, 200-ə yaxın rus, minə yaxın isə ingilis azarkeşi saxlandı.
Azərbaycanda isə 2017-ci ildə UEFA Çempionlar Liqası çərçivəsində “Qarabağ” – “Çelsi” futbol oyununa ev sahibliyi edən Bakıda matçı izləmək məqsədilə ölkəmizə gələn ingilis turustləri özləri və çoxsaylı digər əcnəbi ölkə vətəndaşları ictimai asayişin necə təmin olunması, sabitlik və təhlükəsizlik mühitinin mövcudluğuna şahidlik etdilər və belə böyük miqyaslı idman tədbirlərinin təşkilatçılığından məmnunluq ifadə etdilər. Odur ki, Böyük Britaniya XİN də daxil olmaqla, diğərlərinin də idmana aidiyyəti olmayan, qərəzli və reallıqdan uzaq bu tip mülahizələrini beynəlxalq ictimaiyyətdə bu mühüm idman tədbirinin Azərbaycanda keçirilməsinin məqsədəuyğun olmadığı barədə rəy formalaşdırmasını qeyri-ciddi qəbul etmək lazımdır.
Lakin onu da qeyd etmək yerinə düşər ki, Böyük Britaniya XİN-in bu bəyanatı Qərbdəki ənənəvi anti-Azərbaycan dairələrin ölkəmizə qarşı növbəti çirkin kampaniya aparmasına rəvac verir və bu, matç baş tutana qədər davam edəcək.
Yeganə HACIYEVA
Beynəlxalq hüquq və münasibətlər üzrə ekspert
