19/08/2019 06:20
728 x 90

Erməni nazirdən İsrailə ultimatum tonunda “genosid” xəbərdarlığı...ya tanıyın, ya da...

“Ermənistanın xarici işlər nazirinin ultimatum xarakterli bəyanatının İsrailə heç bir təsir imkanı yoxdur”

img

“İnanmıram ki, İsrail höküməti ermənilərin təxribatına uysun...”

Ermənilərin qondarma erməni soyqırımı oyunları bitib-tükənmək bilmir. Ermənistan rəsmiləri hansı ölkəyə ayaq basırlarsa, mütləq orada ilk olaraq qondarma erməni soyqırımını tanıtmaq istəyirlər. Onlar iddia edirlər ki, “erməni soyqırımını” bütün dövlətlər tanımalıdır. İndi də İsrailin qondarma erməni soyqırımını rəsmən tanımasına nail olmaq istəyirlər. Belə ki, Ermənistanın xarici işlər naziri Zöhrab Mnatsakanyan İsrailin dövlət telekanalı KAN NEWS-a müsahibə verib. Müsahibə zamanı İsrailin qondarma erməni soyqırımını tanımaması ilə bağlı sualı da cavablandırıb. “Biz qalibik. Bizi yer üzündən silmək istəyirdilər, amma biz inamlı xalqıq. Güclü icmalar şəklində bütün dünya üzrə yayılmışıq. Çiçəklənən və güclü xalqıq və dünya sivilizasiyasına öz töhfələrimizi vermişik (?)”-deyə Ermənistanın xarici işlər naziri bildirib.

İsrailin qondarma erməni soyqırımını tanımamasına gəlincə, o bildirib ki, bu artıq ermənilərin yox, bəşəriyyətin məsələsidir (?). “İsrail artıq bir qərara gəlməlidir ki, “erməni soyqırımı”nı tanımaq istəyir, yoxsa yox. Bu Ermənistanın deyil, İsrailin işidir”- deyə Z. Mnatsakanyan qeyd edib.

Qeyd edək ki, ermənilər dəfələrlə İsrail hökümətinin qondarma erməni soyqırımını tanımasına nail olmaq istəyiblər, lakin onların bu cəhdləri hər dəfə uğursuzluqla nəticələnib.

Z. Mnatsakanyan “İsrail artıq bir qərara gəlməlidir ki, “erməni soyqırımı”nı tanımaq istəyir, yoxsa yox” fikrini vurğulamaqla, sanki İsrailə bir ultimatum verir, ondan tarixdə baş verməyən bir olayla bağlı rəsmi qərar verməsini dolayısı ilə tələb edir.

Mövzunu şərh edən Qarabağ Azadlıq Təşkilatının (QAT) sədri, politoloq Akif Nağı baki-xeber.com-a bildirdi ki, Ermənistan rəsmiləri hər zaman belə cəhdlərdə bulunur və nüfuzlu dövlətləri “erməni soyqırımı”nı tanımağa təhrik edir. A.Nağı hesab edir ki, Z. Mnatsakanyanın İsrail hökumətinə ünvanladığı ultimatum elə havada qalacaq və İsrail onların niyyətinin kerçəkləşməsinə imkan verməyəcək. “Ermənistan bütün dünyada öz mövqeyini qəbul etdirməyə çalışır. Ermənilər bu gün İsrailin dəstəyini qazanmağa çalışırlar. Bir neçə dəfə də bəzi partiyaların nümayəndələri İsrail parlamentində qondarma erməni soyqırımı ilə bağlı məsələ qaldırıb. Bu il də 24 aprel ərəfəsində belə bir hadisə baş verdi. Yəni ermənilər İsrailin qondarma erməni soyqırımını tanımasına böyük önəm verirlər. Dünya yəhudilərə qarşı soyqırımı tanıyır. Ermənilər də özlərini İsraillə müqayisə etmək istəyirlər və İsrailin onlara dəstək verməsinə nail olmaq istəyirlər. İsrailin özünün dövlət siyasəti var. Onlar ağıllı siyasət yürüdürlər və inanmıram ki, İsrail höküməti ermənilərin təxribatına uysun. Ermənistanın xarici işlər nazirinin ultimatum xarakterli bəyanatının İsrailə heç bir təsir imkanı yoxdur. Düşünürəm ki, İsrail ermənilərin marağına uyğun addım atmayacaq”. A.Nağı həmçinin vurğuladı ki, bu gün Azərbaycan - İsrail əlaqələri çox yüksək səviyyədə inkişaf edir. Bu amilə görə də İsrail dövlətinin erməni soyqırımını tanımayacağını deyən A.Nağı qeyd etdi ki, İsrail ermənilərə qarşı soyqırım aktının baş vermədiyini yaxşı bilir:”Təbii ki, hazırda İsraillə Azərbaycanın münasibətləri yüksək səviyyədədir. Hər iki dövlət arasında ən müxtəlif istiqamətlərdə əməkdaşlıq əlaqələri var. Ermənilər İsrail - Azərbaycan münasibətlərini korlamaq məqsədi güdürlər və onlar İsrailin qondarma erməni soyqırımını tanımasına nail olmaq istəyirlər. İsrail Azərbaycan əleyhinə addım atmayacaq. Ona görə də ermənilər nə qədər çalışsalar da, İsraillə Azərbaycanın münasibətlərinə xələl gətirə bilməyəcəklər”.   

İradə SARIYEVA   

 

 

Son xəbərlər