23/07/2019 22:23
728 x 90

Xalq artisti kütləvi təcavüzə məruz qaldığını televiziya efirində açıqlayır... - VİDEO

img

Rusiyanın Xalq artisti Alyona Yakovleva NTV kanalının “Milyonlara sirr” verilişində kütləvi təcavüzə məruz qaldığını açıqlayıb.

Aktrisanın sözlərinə görə, günlərin birində xalasına qonaq getmək üçün maşın saxladıb. Maşında iki kişi olub və onlar aktrisanı getdiyi ünvana çatdırıb, geriyə qaytarmaq üçün gözləyə biləcəklərini deyiblər. Yakovleva razılaşıb və qayıdarkən maşın onun evinin yanından ötüb. Onu düzənlikdəki bir evə gətiriblər və burada o, üçüncü bir kişinin olduğunu görüb. Ona içki təklif ediblər, özləri isə sərxoş olmayıblar. Yakovleva qalxıb getmək istəyəndə isə ona imkan verməyiblər və aktrisa başqa çıxış yolu olmadığını anlayıb – çölün ortasında qışqırıb kimisə köməyə çağırmağın heç bir mənası yox idi, müqavimət göstərsəydi, onu ya vurub şikəst edər, ya da öldürüb bir dərəyə atıb gedərdilər. O üzdən Yakovleva sadəcə “yaxşı, birinci kim olacaq” deyərək onları şoka salıb. Televiziya efirində açıqlama verən Xalq artisti deyib ki, təfərrüatlara varmayacaq, lakin bu 3 nəfər onunla istədiyi şəkildə davranıb və ardından, nə qədər qəribə də olsa, onu sağ-salamat evinə gətiriblər.

Aktrisa deyib ki, maşının nömrəsini xatırlamır və baş verənlərlə bağlı nə valideynlərinə, nə də hüquq-mühafizə orqanlarına heç bir açıqlama verməyib. Yalnız onu deyib ki, “Tanrı və qoruyucu mələyim məni hifz etdi”.

Xatırladaq ki, Moskva Akademik Satira Teatrının aparıcı aktrisası Alyona Yakovleva SSRİ Xalq artisti, “Taleyin istehzası və ya həmişə təmizlikdə”, “İvan Vasilyeviç peşəsini dəyişir” kimi məşhur filmlərdən yaxşı tanıdığımız Yuri Yakovlevin qızıdır.

Xəbərdə o da deyilir ki, 2017-ci ildə Hollivud aktrisaları prodüser Harvi Vaynşteyn tərəfindən təcavüzə məruz qaldıqlarını bildiriblər və sosial şəbəkələrdə buna etiraz olaraq #metoo adlı fləşmob təşkil ediblər. Rusiyada bu fləşmob #deməkdənçəkinmirəm həştəqi altında keçirilib. “Time” jurnalı isə #metoo hərəkatının üzvlərini ilin adamları elan edib.

SAMİRƏ

Son xəbərlər