20/11/2019 08:16
728 x 90

Paşinyan dövlət strukturunda əndrabadi qurum yaratdı - Dövlət Mənafelərini Müdafiə Fondu QSC...

img

Ermənistan hakimiyyəti xalqa verilən vədləri yerinə yetirə bilməməsi səbəbindən hamının təəccübünə səbəb olan addımlar atır. Miqrasiya və diaspor sahəsini tənzimləmək adı ilə tələffüzü və mənasının dərki belə qəliz olan qurumların yaradılmasının ardınca, Paşinyan Dövlət Manafelərini Müdafiə Fondu adlı bir Qapalı Səhmdar Cəmiyyətin yaradılmasına dair fərman verib. Fondun adı hamıda təəccüb doğurub. Hətta Ermənistanın daxilində belə buna ironik yanaşaraq qeyd edirlər ki, bəyəm başqa dövlət qurumları dövlət mənafeyini qorumağa borclu deyillər ki, bu adda qurum təsis edilir? Ermənistan hakimiyyətinin belə müəmmalı və gülməli addımlar atması nə ilə bağlıdır?

Azərbaycan Sosialist Partiyasının sədri Elşən Həsənov “Bakı-Xəbər”ə açıqlamasında bildirdi ki, Paşinyan bu addımları ilə diqqəti əsl məsələdən yayındırmağa çalışır: “Ermənistan baş naziri Nikol Paşinyan hakimiyyətə gələndən sonra erməni xalqına bir çox vəd verib və cəmiyyəti inandırmağa çalışıb ki, bir sıra məsələlər yaxın gələcəkdə öz həllini tapacaq. Paşinyan sosial-iqtisadi problemlər, qonşularla münasibətlərin düzəlməsi, Dağlıq Qarabağla bağlı yeni ideyalar, təşəbbüslər və s. barədə yağlı vədləri sıralamışdı. Lakin cəmiyyət görür ki, ötən müddət ərzində heç bir irəliləyiş, dəyişiklik yoxdur. Qarabağ klanı da bu vəziyyətdən səmərəli şəkildə istifadə edir və özünə tərəfdar toplamaq üçün Paşinyan hökumətini yıxıb-sürüyür. Xeyli zaman keçsə də, Paşinyan hökumətin siyasi prioritetlərini cıza bilməyib. Yeni hökumətin əlində heç bir proqramı yoxdur. Hökumət nədən başlayacağını, hansı yollarla gedəcəyini, xarici siyasətdə hansı addımlar atacağını bilmir. Ona görə də belə yeni qurumlar yaratmaqla güya xalqı inandırmağa çalışır ki, islahat aparır. Paşinyan konkret istiqamət götürməzsə, problemlərin həllini tapmazsa, onun vəziyyəti daha da mürəkkəb və acınacaqlı olacaq. Məsələ ondadır ki, nəsə iş görmək üçün baş nazirin əlində resurs yoxdur. Xəzinə boşdur, ölkəyə sərmayə gəlmir, erməni lobbiçiləri də kisənin ağzını bağlayıblar. İstənilən halda, Ermənistanın inkişafı və iqtisadi dirçəlişi Azərbaycanın yaratdığı blokadanın aradan götürülməsindən, Türkiyə ilə sərhədlərin açılmasından keçir. Bu yöndə addımlar atmağa da cəsarət edə bilmədiyi səbəbindən Paşinyan təkcə xarici siyasətdə deyil, həm də daxili siyasətdə, o cümlədən, sosial məsələlərdə uğursuz gedişlər edir. Onun bu "islahatları" nəticəsində, təbii ki, Ermənistanda işsizlərin sayı daha da artacaq, ölkəni tərk edənlər isə çoxalacaq. Paşinyan erməni xalqının ümidlərini doğrultmadı, onu daha da məyus etdi. Baş nazir, yəqin ki, qarşıdakı aylarda öz xalqını daha da məyus etməkdə davam edəcək və onun istefasını təkcə respublikaçılar deyil, geniş dairələr tələb edəcək”.

Məhəmmədəli QƏRİBLİ

Son xəbərlər