Azərbaycan Dövlət Pedaqoji Univetsitetində (ADPU) filologiya elmləri doktoru, professor, Əməkdar elm xadimi, “Qızıl qələm” mükafatı laureatı, professor Nizami Xudiyevin 70 illik yubileyinə həsr olunmuş tədbir keçirilir.
60-dan çox kitabın, 300-dən çox məqalənin müəllifi olan N.Xudiyev Azərbaycan Yazıçılar Birliyinin və Jurnalistlər İttifaqının, habelə Lütfizadə adına Beynəlxalq Müasir Elmlər Akademiyasının və Nyu-York Elmlər Akademiyasının həqiqi üzvüdür.
Professor Nizami Nizami Xudiyevin 70 illik yubileyinə həsr olunmuş tədbiri giriş sözü ilə ADPU-nun rektoru Cəfəf Cəfərov açaraq əvvəlcə Prezident İlham Əliyevin Nizami Xudiyevi Prezidentin fərdi təqaüdünə layiq görüldüyü barədə fərmanını oxudu. Sonra isə C. Cəfərov Nizami Xudiyevin həyat və geniş elmi-pedoqaji, ictimai-siyasi fəaliyyəti barədə tədbir iştirakçılarına geniş məlumat verdi. Sonra isə ADPU-nun kafedra müdiri, professor Buludxan Xəlilov çıxış edərək çağdaş Azərbaycan dilçilik məktəbinin tanınmış simalarından biri olan N.Xudiyevin elmi-pedoqaji fəaliyyətindən, dilçilik elminə verdiyi töhfələrdən bəhs etdi.
Tədbir hazırda respublikanın görkəmli elm, təhsil və ictimai xadimlərinin çıxışları ilə davam edir.
Qeyd edək ki, N.Xudiyev 1994-1996-cı illərdə Azərbaycan Dövlət Pedaqoji Universitetinin rektoru olub. 1996-cı ildən Azərbaycan Dövlət Televiziya və Radio Verilişləri Şirkətinin sədri, 2005–2006-cı illərdə Azərbaycan Dövlət Televiziya və Radio Verilişləri Qapalı Səhmdar Cəmiyyətinin sədri vəzifələrində çalışıb, Yeni Azərbaycan Partiyası Siyasi Şurasının və İdarə Heyətinin üzvüdür. Birinci və ikinci çağırış Azərbaycan Respublikası Milli Məclisinin deputatı olub.
Xəbər Xidməti
