Milli Tеlеviziya və Radiо Şurası (MTRŞ) "Space" televiziyasını cərimələyib.
Bu barədə "Trend"-ə Milli Televiziya və Radio Şurasının (MTRŞ) Monitorinq şöbəsinin müdiri Təvəkkül Dadaşov deyib.
T.Dadaşov bildirib: "Space TV-nin "Hər səhər" verilişində efirə getmiş ədəbsiz söz ve ifadələr MTRŞ tərəfindən aparılan monitorinqlər zamanı aşkar edilib və 5 aprel 2019-cu il tarixində kanalın İnzibati Xətalar Məcəlləsinə uyğun olaraq 5-8 min manat cərimə olunması ile bağlı kanal rəhbərliyinin iştirakı ilə protokol tərtib edilib, qərar qəbul edilib. İş məhkəməyə göndərilib".
Xatırladaq ki, sözügedən verilişin qonağı olan müğənni Rüfət Axundov fonoqrama ilə oxuyarkən mahnının sözlərinin yerinə ədəbsiz ifadələr işlədib, səs rejissorunun səhlənkarlığı üzündən yaxasındakı mikrofon açıq qaldığından həmin sözləri bütün ölkə dinləməli olub.
Yayılan son məlumata görə, “Space” telekanalının rəhbəri Vaqif Mustafayev verilişin aparıcısı Anar Vaqifoğlunu və səs rejissoru Etibar adlı şəxsi işdən qovub. Rüfət Axundov və Rəşad İlyasovun efirə çağırılması isə qadağan edilib.
