“Bu gün Ermənistanda “Zəngəzur” adlı xamanın istehsal edilərək satışa çıxarılması növbəti erməni saxtakarlığından xəbər verir”
“Onlar hazırda “Qarabağ”, “Gəncə”, “Ağdam” adlı çaxır da istehsal edirlər”
Ermənilər Azərbaycana qarşı təxribatlarını dayandırmaq fikrindən çox uzaqdır. Ermənistanın işğal etdikləri Azərbaycan ərazilərində saxtalaşadırma kampaniyası həyata keçirdiyi məlumdur. Onlar bizim bütün şəhər və rayonlarımızın adlarını dəyişərək erməni adları ilə əvəzləyiblər. Ermənilər Zəngəzurun da adını dəyişiblər. Bu qədim tarixi türk torpağının adı saxtalaşdırmaya məruz qalsa da, Ermənistanda hazırda “Zəngəzur” adlı xama istehsal edilir.
Azərbaycan Milli Elmlər Akademiyasının A.Bakıxanov adına Tarix İnstitutunun “Əhali tarixi və tarixi demoqrafiya” şöbəsinin aparıcı elmi işçisi, tarix üzrə fəlsəfə doktoru, tanınmış tarixçi Vaqif Abışov baki-xeber.com-a bildirdi ki, ermənilər tarixi yurdlarımızın adlarını dəyişdirməklə böyük saxtakarlığığa imza atıblar, Azərbaycanın tarixi ərazisinin adı altında məhsul istehsal etməklə isə öz əməllərini bir daha ifşa etmiş olurlar. Bu gün Ermənistanda nəinki “Zəngəzur” adı ilə hətta “Ağdam”, “Gəncə”, eləcə də digər adlar altında məhsullar istehsal edilir.
“ Ermənistanda Azərbaycan adları daşıyan məhsulların istehsal edilməsi halı birinci dəfə deyil. Onlar dəfələrlə belə addımlar atıblar. Ümumiyyətlə, ermənilər indiki Ermənistanda 1935-ci ildən başlayaraq azərbaycanlılara aid tarixi yer-yurd adlarını dəyişdiriblər. Sovet dövründə bu proses keçən əsrin 70-ci illərinin sonlarına qədər davam edib. Xəritəyə baxsaq görərik ki, onlar bu gün də işğal altında saxladıqları Dağlıq Qarabağda, hətta Aran Qarabağda da Azərbaycana məxsus olan yer-yurd, yaşayış yerlərinin adlarını erməni dilində adlandırıblar. Onlar nə qədər saxtalaşdırma aparsalar da, o yerlərin tarixi adları arxivlərdə qalır. Bu, Zəngəzura da aiddir. Ermənilər o qədər həyasız toplumdur ki, bizim mətbəximizə də sahiblənmək istəyirlər. Bu gün lavaş, küftə-bozbaş kimi adları mənimsəyib onlardan istifadə edirlər. Bu gün Ermənistanda “Zəngəzur” adlı xamanın istehsal edilərək satışa çıxarılması növbəti erməni saxtakarlığından xəbər verir. Onlar hazırda “Qarabağ”, “Gəncə”, “Ağdam” adlı çaxır da istehsal edirlər. Bir tərəfdən işğal altında saxladıqları şəhərlərimizin, mahallarımızın, rayonlarımızın adlarını saxtalaşdırırlar, digər tərəfdən də həmin yerlərin tarixi adları ilə məhsullar istehsal edirlər, bununla da öz saxtakar əməllərini ifşa etmiş olurlar. Əslində, istehal etdikləri bu məhsulları Azərbaycan adları ilə adlandırmaları birbaşa onların bizə qarşı təxribatıdır. Onların bu əməllərini bütün dünya görür. Ermənistan bu məhsulları bizim adlarla hətta ölkədən kənara da çıxarıb satır. Hesab edirəm ki, bu böyük saxkatarlıqdır”-deyə V.Abışov bildirdi.
V.Abışov həmçinin onu da qeyd etdi ki, Ermənistan böyük dövlətlərin dəstəyi, havadarlığı ilə Azərbaycan torpaqlarını işlal edib. Alim hesab edir ki, dövlət və xalq olaraq hər birimiz torpaqlarımızın erməni işlağından azad edilməsi üçün bütün gücümüzü səfərbər etməliyik.
İradə SARIYEVA
