"Bakı-Xəbər" qəzetinin Baş redaktoru, politoloq Aydın Quliyev öz Facebook səhifəsində Ermənistanın baş naziri Nikol Paşinyanın son açıqlamaları barədə maraqlı paylaşım edib. A. Quliyev yazır:
"Baş nazir konstitusiyanın dəyişdirilməsi, ATƏT- in Minsk Qrupundan imtina,silahlanmanın dayandırılması ilə bağlı onun qarşısında qoyulan tələblərə və ya şərtlərə konkret cavab verdi.
1.Dedi ki, Azərbaycanın da konstitusiyasında bizə qarşı ərazi iddiası var və Ermənistandan 45 min kv.kilometr ərazi tələb edir. Onun dözlərindən belə çıxdı ki, Azərbaycan kinstitusiyasını dəyişsin, biz də dəyişək. Sonra, dedi ki, saziş layihəsində belə bir maddə var ki, heç bir rəsmi sənəd bu sazişin ucra edilməməsi üçün əsas ola bilməz.Yəni sazişdə bu maddə varsa, konstitusiyanı dəyişmək lazım deyil. Demək Paşinyan tələb olunan məzmunda Konstitusiya islahatı keçirmək fikrində deyil.
2.Minsk Qrupunun buraxılması şərti ilə bağlı dedi ki, sazişin imzalanması yekun kimi reallaşarsa Minsk Qrupunun buraxılması məsələsinə baxmaq olar. Azərbaycanın bu tələbi qarşısında əslində onu dedi ki, Qarabağ münaqişəsi hələ həll edilməyib. Deməli, Minsk Qrupu hələ buraxıla bilməz.
3.Paşinyan dedi ki, Azərbaycan İtaliyadan silah ala bilər , biz Fransadan ala bilmərik? Azərbaycan Pakistandan silah ala bilər, biz Hindistandan ala bilmərik? Azərbaycan Serbiyadan, Slovakiyadan, Bolqarıstandan silah ala bilər, biz silahlana bilmərik? Dedi ki ,Azərbaycan ÜDM- nin 15 faizini silahlanmaya xərcləyir. Təbii ki, hamısını yalan dedi.Azərbaycan İtaliyadan silah almır. Dediyi 15 faiz rəqəmi əslində cəmi 4 faizdir və sair. Demək, Paşinyan sülh sazişinə qədər silahlanmanı davam etdirmək niyyətindədir.
Bütün bunlar Paşinyanın ifasında o deməkdir ki, sülh sazişi olmayacaq və Ermənistan sürətlə müharibəyə hazırlaşır.
Çıxış yolu Ermənistana qarşı bu dəfə "sülhə məcburetmə "tədbirlərinə ( siyasi, diplomatik, iqtisadi və hərbi müstəvidə) başlamaqdır. Ancaq bu tədbirləri Azərbaycan təklikdə yox, ən azı Rusiya və Türkiyə ilə birlikdə həyata keçirməlidir."
Mətləb
