Avropa Oyunlarına böyük marağın olduğunu sübut edən daha bir fakt...

Tarix: 24.04.2015 / 03:51
Bölmə: Gündəm

Rauf Zeyni: "Biletlərin belə sürətlə satılması və digər vacib amillər Avropa Oyunlarının uğurla keçəcəyindən xəbər verir"

"Əsasən xarici ölkələrdən elektron biletlərin alınmasına da böyük tələbat var"

Məlum olduğu kimi, bu il aprelin 3-dən "Park Bulvar" Alış-Veriş Mərkəzində "Bakı-2015" ilk Avropa Oyunların bilet satışı başlayıb. "Bakı-2015" Avropa Oyunları Əməliyyat Komitəsinin bilet satışı şöbəsinin müdiri xanım Miryam Boqotay hazırda Bakıda 8 məntəqədə bilet satışına başlandığını bildirib.
Qeyd edib ki, online bilet satışına martın 20-dən start verilib. Online bilet satışı zamanı azarkeşlər "Şanslı qalib ol" kampaniyası çərçivəsində qiymətli hədiyyələr qazana bilir. Bilet satışı ilə bağlı ətraflı məlumatı Tamaşaçı Məlumat Mərkəzinə - 2015 nömrəsinə zəng etməklə almaq olar. Mərkəzdə 20-dək operator "Bakı-2015" Avropa Oyunları, idman növləri, yarış cədvəli, obyektləri, bilet satışı (qiymətlər, biletin alınması yolları, satış məntəqələri və onların açılış saatı, "Şanslı qalib ol" kampaniyası), yarış obyektlərinə giriş, ticarət imkanları, mərasimlər və nəqliyyatla bağlı Azərbaycan və ingilis dillərində məlumat verir. Həmçinin www.baku 2015.com saytından da məlumat əldə etmək olar.
Artıq "McDonald":::s Azerbaycan"nın paytaxtdakı 3 şəbəkəsində və Tofiq Bəhramov adına Respublika stadionunda da bilet satışına start verilib.
Altı yüz min biletin satışa çıxarıldığını bildirən M.Boqotay idmansevərləri "Bakı-2015"in mərasimlərinə və idman yarışlarına bilet almaqda fəal olmağa səsləyib. Vurğulayıb ki, insanlar bilet almaq üçün sonuncu günü gözləməməlidir. Çünki açılış mərasimində Bakı Olimpiya Stadionunda bilet satılmayacaq. "Qara bazar"da bilet satışının qarşısını almaq üçün biletin üzərində bir neçə qoruma elementləri var.
Azərbaycan Milli Olimpiya Komitəsi qanunsuz bilet satışı ilə bağlı cəzaların sərtləşdirilməsi təklifini verib. Bununla bağlı artıq qanunvericiliyə əlavələr edilib. Qanunda bu kimi hallara ciddi inzibati cərimələr nəzərdə tutulur. Bildirib ki, "Bakı-2015"in açılış mərasimi üçün biletlər 20-200, bağlanış mərasimi üçün isə 10-100 manat olacaq. Heydər Əliyev adına İdman Arenasına və Milli Gimnastika Arenasına biletlərin qiyməti 2 manat təşkil edəcək. Digər idman obyektlərində təşkil olunacaq yarışların seçim mərhələsi üçün biletlər 2-3, final mərhələsi üçün isə 5 manata satılacaq. On altı yaşdan aşağı uşaqların Avropa Oyunlarını pulsuz izləyəcəyini bildirən M.Boqotay "Bakı-2015"ə biletlərin şəxsiyyət vəsiqəsi ilə satılacağını diqqətə çatdırıb.
Qeyd edək ki, hazırda biletləri "Park Bulvar" Alış-Veriş Mərkəzi ilə yanaşı, "28 Mall" Ticarət Mərkəzi, "Metropark" Ticarət və Əyləncə Mərkəzindən, Heydər Əliyev Sarayının kassalarından və paytaxtımızdakı köşklərdən əldə etmək mümkündür.
Hazırda bilət satışının sürətlə getdiyi və artıq 60 min biletin satıldığı bildirilir. Bu amil Oyunların uğurla baş tutacağına dair ilkin siqnal sayıla bilərmi?
Milli QHT Forumunun prezidenti Rauf Zeyni qəzetimizə açıqlamasında bildirdi ki, ölkəmizin ev sahibliyi edəcəyi bu böyük idman hadisəsinə həm ölkə daxilində, həm də xaricdə böyük diqqət var: "Azərbaycan vətandaşları bununla bağlı qürur və fəxr hissi keçirirlər ki, ölkəmiz belə tədbirə ev sahibliyi edir. Əsasən xarici ölkələrdən elektron biletlərin alınmasına da böyük tələbat var. Xarici ölkə vətəndaşlarının bu mövqeyi bizi çox sevindirir. Artıq Azərbaycan güclü və qüdrətli dövlət olmaqla yanaşı, həm də tolerantlıq və müasirlik mərkəzi kimi beynəlxalq arenaya təqdim olunur. Bunun da bizim dövlətin imicinə birmənalı şəkildə müsbət təsiri var. Bildiyiniz kimi, artıq media ilə QHT sektoru da bu Oyunların keçirilməsinə yardım etmək məqsədilə geniş koalisiya yaradıb. Biz bu oyunlara qarşı "qara piar" aparanlara qarşı ciddi mübarizə aparacayıq. Biletlərin belə sürətlə satılması və digər vacib amillər Oyunların uğurla keçəcəyindən xəbər verir".

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...