"Bakı-2015" oyunlarında milli səhər yeməyinə əli çatmayan bəzi Qərb dairələri qıcıqlanıblar

Tarix: 20.04.2015 / 02:52
Bölmə: Gündəm

Qabil Hüseynli: "Biz ən yaxşı yeməyimizi hər zaman qonağa vermişik"

"Soros narahat olmasın, təbii Azərbaycan balı ilə camış qaymağını onun özü də yemiş olsa, dadı damağından getməz"

"Narıncı inqilab"ların sponsoru kimi tanınan, milyarder Corc Sorosun maliyyələşdirdiyi Amerika portalı Azərbaycanın Mədəniyyət və Turizm Nazirliyinin Avropa Oyunları ərəfəsində otellərdə səhər yeməyinə dair qərarını tənqid edib.
Nyu-Yorkda mənzillənən və Açıq Cəmiyyət İnstitutunun Avrasiya Proqramları tərəfindən idarə olunan EurasiaNet.org saytında nazirliyin otellərdə ancaq Azərbaycan səhər yeməyi verilməli olduğuna dair qərarını "qastronomik azadlıqların məhdudlaşdırılması" kimi qiymətləndirib.
Saytın bu cür dəyərləndirməsinin səbəbi bu günlərdə mədəniyyət və turizm naziri Əbülfəs Qarayevin jurnalistlərə verdiyi açıqlama olub. Nazir bildirib ki, Azərbaycanda fəaliyyət göstərən bütün otellər müştərilərə ancaq Azərbaycanın milli səhər yeməyini təklif etməlidir.
Ə.Qarayev bu yeməyin "Azerbaijan Breakfast" adı altında patentləşdiriləcəyini, Avropa Oyunları ərəfəsində bir neçə otelin bu səhər yeməyinə keçdiyini, gələcəkdə qaydanın bütün otellər üçün məcburi olacağını deyib. Nazir bunu belə əsaslandırıb ki, qonaqlar Azərbaycanın ənənəvi səhər yeməyini yemək üçün otelləri tərk etməli olurlar.
Otellər isə müştəriləri əldən buraxmamaq üçün bundan sonra öz menyülərinə "Azerbaijan Breakfast"ı daxil edəcək.
Sorosun saytı yazır ki, bu qərarın Bakıda keçiriləcək Avropa Oyunlarında minlərlə idmançını və tamaşaçını yedirtmək üçün verildiyi aydındır. Bu tədbirə qatılacaq qonaqların bütün xərclərini Azərbaycan maliyyələşdirəcək.
"Mətbəx əlbəttə ki, Azərbaycan mədəniyyətini beynəlxalq səviyyədə tanıtmağa hesablanmış bu missiyanın bir hissəsidir. Və səhər yeməyi gün ərzində qida qəbulunun ən mühüm olanıdır. Ancaq "Azerbaijan Breakfast"ın tərkibinə nə daxildir? İdeyanın cəlbedici olmasına baxmayaraq, Mədəniyyət və Turizm Nazirliyi hələ bunu müəyyənləşdirməyib. Dövlət Patent Komitəsi də heç nə bilmir. İddia etmək çətindir ki, "Azerbaijan Breakfast" patentləşdirilməyə layiq olacaq dərəcədə qeyri-adidir. Bir qayda olaraq, bu yeməyə qoyun pendiri, bal, yoqurt, meyvələr, pomidor-yumurta, çörək və çay daxildir. Məzmun regionun digər ölkələrindən fərqlənmir" - deyə sayt yazır.
Sorosun rəhbərlik etdiyi qurumun Azərbaycanın təşkil etdiyi tədbirin yemək menyusu ilə bağlı məsələyə bu cür kölgə salmasında hansı məqsəd güdülə bilər?
Politoloq Qabil Hüseynli qəzetimizə bildirdi ki, bu, ölkənin daxili işinə kobud müdaxilədir: "Biz Sorosun nə istədiyini gözəl bilirik. Onun təşkilatını idmançıların səhər nə yeyəcəyi o qədər də dərindən narahat edə bilməz. Onlar yalnız neqativlikləri görməyə can atırlar. Bizə yönəlik bu siyasət uzun illərdir davam edir. Niyə Sorosun əlaltıları demir ki, dünyada analoqu olmayan bir hadisə Azərbaycanda baş verib?! Bura gələn bütün idmançıların xərcini Azərbaycan hökuməti öz üzərinə götürüb. Qaldı səhər yeməyinə, hər halda Azərbaycan qonaqpərvər bir ölkədir. Biz ən yaxşı yeməyimizi hər zaman qonağa vermişik. Soros narahat olmasın, təbii Azərbaycan balı ilə camış qaymağını onun özü də yemiş olsa, dadı damağından getməz".

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...