"Xəzər-aylənd"ə gəldim, gördüm, sevdim və fəxr etdim"...

Tarix: 14.04.2015 / 02:59
Bölmə: Gündəm

Jurnalist həmkarlarımla birgə ötən həftə Bakıdakı məşhur "Xəzər-aylənd" deyilən möcüzəli adalar şəhərciyinin tikintisində olduq. Gəzdik, tikintini aparan "Avesta" şirkətinin prezidenti doktor Hacı İbrahimlə iki saatdan çox söhbət etdik, adalar şəhərinin indiyə qədər tikilmiş hissəsi barədə, habelə tikiləcək hissə barəsində xeyli maraqlı şeylər eşitdik.
Hacı İbrahim müəllifi olduğu bu möcüzəli adalar barədə təsəvvürə gəlməz dərəcədə inamla danışırdı. Bəlkə də o vaxta qədər ürəyimdə hardasa bu böyüklükdə tikintinin uğurla aparıla biləcəyinə azacıq şübhə edirdim, ancaq Hacı İbrahimin necə möhkəm inamla danışdığını gördükcə içimdəki şübhələr çəkilir, inanırdım ki, özünə, layihənin gələcəyinə bu qədər inanan insanı heç nə durdura bilməz.
Möcüzəli adalar şəhərinin texniki-estetik tərəfləri barədə rəqəmlərin dili ilə danışmaq istəmirəm. Rəqəmləri çoxları bilir, çoxdan eşidiblər. Təkcə bir rəqəmi deyib təəssüratlarımdan danışacam. Hacı İbrahim dedi ki, hazırda 2 milyard dollar vəsait qoyulsa, yaxın illərdə 10 milyard dollara yaxın gəlir götürmək olar. Elə ilk təəssüratım da bu rəqəmlərdən formalaşdı. "Nədən 2 milyard qoyub şəhərdən 10 milyard qazanmayaq?!" Təsəvvürümə gətirdim ki, hazırda xeyli iş görülmüş "Xəzər-aylənd"in tam layihə görkəmində reallaşdığı gündür, bu gözəl və möcüzəli adalar şəhəri Azərbaycan üçün nə demək olacaq?
Təsəvvür edin ki, Xəzər dənizinin ortasında müasirdən-müasir, bütün infrastrukturları olan bir şəhər, toz yox, yollar kəsişmir, saysız gözəl körpü və bulvarlar, çimərliklər, bütün yaşayış binalarının yeraltı qarajı, yaşıllıqlar, aeroport, qolf meydanı, bağçalar, məktəblər, şəhər içində üzən qayıqlar, bütün kanalizasiya tullantılarının təmizlənərək gübrə kimi yenidən yaşıllıqlara verilməsi - daha nələr, nələr... Bu şəhər həqiqətən möcüzə olmaqla, həm də bu gün sürətlə inkişaf edən Azərbaycanın iqtisadi qüvvətinin göstəricisidir. Doğrudan da Azərbaycan inkişaf etməsə, onun içində belə gözəl və bahalı şəhər necə salına bilər? Bu şəhərə ayaq basan hər bir əcnəbinin ağlına gələn ilk fikir yəqin bu olacaq: "Bu ölkə nə qədər qüdrətli ölkədir ki, belə bir süni şəhər salınıb?!".
"Xəzər-aylənd" əcnəbilərin gözündə Azərbaycanda hər növ biznesin inkişafı üçün yaradılmış şəraitin nümayişi baxımından da az əhəmiyyət kəsb etmir. Öyrəndik ki, bu şəhərə qoyulan investisiyaların demək olar hamısı xaricdən gəlir. Hər halda, əcnəbi kapital Azərbaycanda biznes üçün təhlükəsiz, sərbəst şərait görməsə bu ölkəyə axıb gəlməz. Bu mühiti yaradan isə mövcud siyasi hakimiyyətin iradəsidir. "Xəzər-aylənd"də hər daş üst-üstə qoyulduqca bu tikintiyə yeni xarici investisiya ayaq açır, yəqin ki, bu proses tikinti davam etdikcə dayanmayacaq, "Xəzər-aylənd"ə əcnəbi kapital axını kəsilməyəcək.
Xəzər adaları iri iş adamlarına hakimiyyətdən təhlükə gəldiyi barədə xaricdəki bəzi təxribatçı mərkəzlərin uydurduğu qara-qura təsəvvürlərin alt-üst edilməsində də əhəmiyyətli təsirə malik ola bilər. Qara-qura fikirlərə düşənlər düşünməyəcək ki, Azərbaycanda bu sayaq təhlükələr varsa, Hacı İbrahim nədən bu günə qədər ayaq üstədir və tikintini necə lazımdır aparır?
"Xəzər-aylənd" Bakıya gözəllik gətirən daha bir obyekt, ünvan kimi də bənzərsizdir. Son on ildə Bakı da, rayonlar da insafən çox gözəlləşib,insanı valeh edən nə qədər möhtəşəm tikintilər aparılıb. Kristal saray, Heydər Əliyev Mərkəzi, Gimnastika arenası, Olimpiya stadionu, Tennis arenası, Alov qüllələri və sair bu qəbildən olan Bakını tanıtma simvollarıdır. Bir vaxtlar partladılmış Qoşa qüllə binalar Nyu-Yorkun simvolu idi, mübağiləsiz desək, dünyanın hər yerindən baxanlar bu qüllə-binaları "görə bilirdi". Çünki o binaların şöhrəti bütün dünyanı tutmuşdu. Allah bizim Bakıdakı Alov qüllələrini Bakının əbədi, təkrarsız simvollarından biri kimi qorusun...Nədən Bakının belə tanıtma simvollarından biri kimi "Xəzər-aylənd"i görməyək? Öz gözəlliyi, möhtəşəmliyi, təmizliyi, ekoloji cəlbedici sağlam xüsusiyyətləri ilə o buna iddialıdır və yəqin ki, olacaq da...
Nəhayət, Bakının görməli, gəzməli, gözəl məkanlarından biri kimi "Xəzər-aylənd" müstəsna cəlbedici xüsusiyyətlərə malikdir. Boş vaxtını keçirmək istəyənlər, gözəl restoranlarda ləziz yemək istəyənlər, qayıqla gəzmək istəyənlər, çimərlik istəyənlər heç tərəddüd etmədən "Xəzər-aylənd"ə axışacaq. Bakıdan cəmi 5-6 kilometrlik məsafədə, 15-20 dəqiqəlik yol...
Möcüzəli "Xəzər-aylənd" şəhərinə minlərlə əcnəbi turistin gələcəyə bu gündən bəllidir. Dubayın məşhur "Bürc-Xəlifə"sindən hündür olacaq "Xəzər-aylənd"in möhtəşəm qülləsini dünyada kimlər görmək istəməyəcək? Layihədəki qüllənin təsvirinə, şəhərin füsunkar dərəcədə gözəl maketinə baxmaq kifayətdir ki, bu şəhərə xaricdən yüz minlərlə turistin gələcəyini bu başdan inamla deyək. Yüz minlərlə turist isə Azərbaycan üçün milyonlarla pul-gəlir deməkdir.
Uğurlar olsun, "Xəzər-aylənd"ə də, onun daimi sakinlərinə və gəzmək istəyən turistlərə də, onu tikənlərə də həmçinin...
Namiq QULİYEV

xezer-islands3333

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...