İlham Əliyevin Ərəbistana səfərinin tolerantlıq mahiyyətləri...

Tarix: 08.04.2015 / 03:33
Bölmə: Gündəm

Seyid Camal Əzimbəyli: "Bütün bunlar Azərbaycanın din sahəsində də məzhəbçilikdən uzaq bir siyasət yürütməsinə sübutdur"
"Biz bunu istər Azərbaycanın daxili, istərsə də xarici siyasət kursunda aydın görürük"
Prezident İlham Əliyevin Səudiyyə Ərəbistanına etdiyi rəsmi səfərlə bağlı müxtəlif təhlillər verilir. Rəsmi səfərin görünən və görünməyən aspektləri ətraflı şərh olunur. Daha çox beynəlxalq medianın diqqətini çəkən məqam islam ölkəsi olan Azərbaycanın din sahəsində də balanslı siyasətə üstünlük verməsidir. Azərbaycan modern ölkə olsa da, daha çox şiə dövləti kimi tanınır.
Əhalinin böyük əksəriyyəti islamın şiə məzhəbinə aiddir. Məlum olduğu kimi, Səudiyyə Ərəbistanı şəriət qanunları ilə idarə olunur və sünni təriqətinə etiqad edir. Prezident İlham Əliyevin Səudiyyə Ərəbistanında keçirdiyi görüşlərdə və etdiyi çıxışlarda islam dininin tarixinə böyük önəm verməsilə bağlı dedikləri Azərbaycanın din sahəsində də məzhəbçilikdən uzaq, tolerant siyasət yürütməsinin bariz nümunəsidir. "İslamı dünyaya təhlükə kimi təqdim etmək istəyənlərə imkan verməmək üçün biz daha çox çalışmalıyıq, səylərimizi birləşdirməliyik".
Bu barədə Azərbaycan Prezidenti İlham Əliyev Ciddədə, İslam Əməkdaşlıq Təşkilatının baş katibi İyad bin Amin Mədəni tərəfindən Azərbaycan dövlət başçısının şərəfinə verdiyi naharda deyib.
Azərbaycan Prezidenti qeyd edib ki, Azərbaycan İslam Əməkdaşlıq Təşkilatının üzvü kimi olduqca fəal rol oynamağa və dünyada islam həmrəyliyi işinə töhfə verməyə çalışır: "Birləşmiş Millətlər Təşkilatının Təhlükəsizlik Şurasında qeyri-daimi üzv olduğumuz zaman biz BMT ilə İƏT arasında əməkdaşlıq məsələlərinə xüsusi diqqət yetirirdik və beləliklə, təşkilatımızın fəaliyyətinə daha çox diqqətin cəlb edilməsinə nail olduq. Fürsətdən istifadə edərək, ölkəmizin BMT-nin Təhlükəsizlik Şurasına qeyri-daimi üzvlük üçün Azərbaycanın namizədliyinə verdiyi güclü dəstəyə görə İslam Əməkdaşlıq Təşkilatına təşəkkürümü bildirmək istəyirəm. Həmin vaxt mən çox aydın şəkildə bəyan etdim ki, əgər seçilərsə, Azərbaycan nəinki özünü, eləcə də bütün müsəlman aləminin ölkələrini təmsil və müdafiə edəcək".
Dövlət başçısı bildirib ki, Azərbaycan islam həmrəyliyinin gücləndirilməsi üçün daha çox çalışacaq: "Azərbaycan 2017-ci ildə İslam Həmrəyliyi Oyunlarını qəbul edəcək. Bu, həmçinin birliyimizə verilən töhfədir. Çünki Oyunlar təkcə idman yarışı olmayacaq, eyni zamanda, birliyimizin, müsəlman aləmində gənc nəsillərimizin həmrəyliyinin günləri olacaq. Biz qardaşlıq ənənələrimizi bizi əvəzləyəcək gənc nəsillərə ötürməliyik. Nəzərə almaq lazımdır ki, bu gün media, qloballaşma və gündəlik həyatımızın digər elementləri müxtəlif aspektlər baxımından öz rolunu oynayır. Əfsuslar ki, onlar bəzən köklərimizi, ənənələrimizi sual altında qoyaraq, mənfi rol da oynayır. Qloballaşma özlüyündə yaxşı bir prosesdir. Lakin o bəzən kökləri, ənənələri, dini, bayramları və dəyələri yaddan çıxarmaq mənasını daşıyırsa, onda biz bu cür qloballaşmanı dəstəkləmirik. Bu səbəbdən, müsəlman aləminin gənc nəsilləri milli, ənənəvi dəyərlərimizə əsaslanaraq tərbiyələndirilməlidirlər".
Prezident İlham Əliyev bildirib ki, müsəlman aləminin mədəniyyətini nümayiş etdirmək, islamı sülh, qardaşlıq və tolerantlıq dini kimi təqdim etmək məqsədilə Azərbaycan dünyanın müxtəlif yerlərində bir çox konfranslar, sərgilər və digər mədəni tədbirlər təşkil edib: "İslamı dünyaya təhlükə kimi təqdim etmək istəyənlərə imkan verməmək üçün biz daha çox çalışmalıyıq, səylərimizi birləşdirməliyik. İslam sülh və qardaşlıq dinidir. Biz bunu bilirik. Hər kəs bunu bilməlidir. Dəyərlərimizi təşviq etmək və keçmişimizi, bu günümüzü və gələcəklə bağlı planlarımızı düzgün şəkildə çatdırmaq üçün daha fəal olmalıyıq. Hesab edirəm ki, hazırda aparıcı beynəlxalq təşkilatlardan birinə çevrilmiş İslam Əməkdaşlıq Təşkilatı ilə öz məqsədlərimizə nail olacağıq". Şərqşünas Seyid Camal Əzimbəyli qəzetimizə açıqlamasında İlham Əliyevin səfərini yüksək qiymətləndirdiyini dedi: "Azərbaycanda dini və milli tolerantlığın olması yalnız sözlə ifadə olunmur. Biz bunu istər Azərbaycanın daxili, istərsə də xarici siyasət kursunda aydın görürük. İlham Əliyevin Səudiyyəyə etdiyi səfər və həmin ölkədə keçirdiyi görüşlərdə islam dini ilə bağlı açıqladığı fikirlər bir dövlət olaraq dinimizə olan münasibəti üzə çıxardı. Eyni zamanda, bu səfərdə Prezident və onun ailəsinin islam ayinlərinə böyük rəğbəti bir daha aydın göründü. Bütün bunlar Azərbaycanın din sahəsində də məzhəbçilikdən uzaq bir siyasət yürütməsinə sübutdur".

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...