Ermənilər saxta «yüz illik» naminə hər gün bir neçə əsgərini Azərbaycanla təmas xəttində təxribat qurbanı edir

Tarix: 01.04.2015 / 02:56
Bölmə: Gündəm

Üzeyir Cəfərov: «Gərginliyi yaratmaqla onlar bir çox məqsədlərə nail olmaq istəyirlər»

Azad İsazadə: «Önümüzdəki aylarda döyüş aktivliyi, atışmalar daha da çoxalacaq»

Azərbaycan və Ermənistan qoşunlarının təmas xəttində döyüşlərdə düşmən tərəfin növbəti dəfə ciddi itki verdiyinə dair məlumatlar yayılıb. Bu haqda erməni saytlarında məlumatlar yer alıb: «Ötən sutka ərzində biz gözləyirdik ki, hökumət öz vətəndaşlarına həqiqətləri deyəcək. Lakin növbəti dəfə «DQR» və Ermənistan əhalisi çaşqınlıq vəziyyətindədir.

Belə ki, 29-30 mart tarixlərində cəbhənin bir çox istiqamətlərində toqquşmalar olub. Tavuş istiqamətində bir hərbçi daxili orqanlarını deşib keçən çoxsaylı güllə yaralarından ölüb. Yuxarı Seyid-Əhmədli istiqamətində (Ağdam-red.) bir əsgər həlak olub. Qarakənd istiqamətində dörd ölü var. Talış istiqamətində Ermənistan vətəndaşı öldürülüb».

Azərbaycan Müdafiə Nazirliyi isə martın 29-30-da ermənilərlə cəbhədə döyüşlərin olduğunu təsdiqləyib: «Lakin erməni tərəfinin itkiləri heç də erməni mediasında bildirildiyi kimi 7 nəfər yox, daha çoxdur. Sadəcə, hələ onların qeyri-rəsmi formada açıqladıqları budur. Yəqin ki, ermənilər öz itkilərini dəqiqləşdirməklə məşğuldurlar. Konkret olaraq gedən son döyüşlərdə erməni tərəfinin çoxlu itkiləri olub və bu itkilər göstərilən rəqəmlərdən qat-qat artıqdır. Yəqin ki, onlar itkilərini yavaş-yavaş, tədricən ortaya çıxaracaqlar».

Ermənilər ənənəvi olaraq yaz aylarında cəbhədə fəallaşmağa başlayır. Bir faktı da nəzərə almaq lazımdır ki, aprel ayında onlar qondarma soyqırım tarixini qeyd edir. Bəzi ekspertlər ermənilərin məhz bu ərəfələrdə azğınlaşmasını deyilən faktorla izah edir. Bu il qondarma soyqırımın 100 illiyi keçirilir. Ermənilər cəbhədəki atəşkəsi periodik şəkildə pozmaqla dünyanın diqqətini saxta soyqırıma yönəltməkdə maraqlı ola bilərlərmi?

Hərbi ekspert Üzeyir Cəfərov «Bakı-Xəbər»ə açıqlamasında bildirdi ki, ermənilərin azğınlığının bu amillə bağlantısını istisna etmir: «Bunu da ermənilərin məkrli siyasətinin tərkib hissəsinə aid etmək lazımdır. Gərginliyi yaratmaqla onlar bir çox məqsədlərə nail olmaq istəyirlər. Təəssüflər olsun ki, bəzən buna nail ola bilirlər. Çox layiqli cavablarını da alırlar. Artıq Azərbaycan Ordusu çox güclüdür. Onlar bunun fəqinə varmağa məcburdur. Statistikada mart və aprel ayları hər zaman çətin dövr kimi xarakterizə edilib. Çünki mart ayında biz Novruzu qeyd edirik. Onlar bayram əhval-ruhiyyəmizi pozmaq istəyir. Apreldə isə onlar qondarma soyqırımı qeyd edir».

Digər hərbi ekspert Azad İsazadə isə hesab edir ki, aprel və may aylarında Qarabağ cəbhəsində ciddi döyüşlərin olacağı istisna olunmur: «Seyran Ohanyanın nazirlikdə erməni generalları ilə müharibə mövzusunda keçirdiyi görüşün təfərrüatları hələlik açıqlanmayıb. Ona görə də bu haqda konkret nəsə demək çətindir. Amma əvvəlki illərin təcrübəsinə görə, adətən yaz aylarında cəbhə xəttində atəş aktivliyi artır. Önümüzdəki aylarda döyüş aktivliyi, atışmalar daha da çoxalacaq. Çünki yazda qar əriyəndən sonra tərəflər arasındakı neytral zona azalır. Ancaq qışda istər biz, istərsə də qarşı tərəf hündürlükdə olan postlardan aşağı enirlər. Çünki həmin vaxt yüksəkliklərdə kəskin soyuq olur, xidmət aparmaq çətinləşir. Qar əriyən kimi isə hər iki tərəf öz mövqelərinə qayıdır.

Belə olan halda da toqquşmaların sayında kəskin çoxalma baş verir. Aprel və may aylarında Qarabağ cəbhəsində ciddi döyüşlərin olacağını istisna etmirəm. Ancaq müharibəyə keçib-keçməyəcəyini söyləmək isə olduqca çətindir».

DİGƏR XƏBƏRLƏR

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 22.06.2026 / 20:53

Əliyev bütün dövlətin strategiyasını açdı - “...balansı mütləq dəyişdirməliyik”...

Tarix: 22.06.2026 / 19:33

Avropa Şurasının Bakı ofisinin rəhbəri XİN-ə çağırıldı...

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Dövlət qulluğu statusu-dövlətçilikdə Azərbaycan brendi...