Avropa Oyunları DİN, MTN və FHN üçün təhlükəsizlik sınağı olacaq

Tarix: 19.03.2015 / 01:49
Bölmə: Gündəm

Arzu Nağıyev: "Bu gün artıq belə bir plan var, düşünürəm ki, buna gücümüz yetərlidir"

Elşən Həsənov: "Bu, Azərbaycanın ev sahibliyi edəcəyi ilk böyük tədbir deyil"

Sayılı günlərdən sonra Azərbaycan böyük bir idman tədbirinə ev sahibliyi edəcək. Təbiidir ki, buna dostlarımız sevinir, düşmənlərimiz isə paxıllıq edir. İndidən Azərbaycana qarşı bu istiqamətdə antitəbliğat aparılır. Eyni zamanda, Azərbaycan bu məsuliyyəti üzərinə götürməklə oyunların təhlükəsiz şəkildə keçirilməsini təmin etməlidir. Ölkənin bir sıra strukturları oyunlar zamanı təhükəsizliyin tam təmin olunacağı ilə bağlı bəyanatlar verib.
Milli təhlükəsizlik nazirinin müavini Elçin Əliyev Azərbaycan Texniki Universitetində keçirilən konfransda bildirib ki, beynəlxalq maraqların kəsişdiyi məkanda yerləşən Azərbaycanın son illərdə dinamik inkişafı, tranzit əhəmiyyətinin artması, transkontinental neft-qaz kəmərlərinin işə düşməsi, dünyada siyasi-hərbi müstəvidə cərəyan edən hadisələr, terrorçuluğun, informasiya müharibəsinin, kibercinayətkarlığın genişlənməsi təhlükəsizlik məsələlərini daha qabarıq formada üzə çıxarır.
Nazir müavini deyib ki, bu gün Yaxın Şərqdə münaqişə ocaqlarındakı mürəkkəb vəziyyət, müxtəlif radikal meyllərin, mütəşəkkil cinayətkarlığın doğurduğu digər təhdidlərə baxmayaraq, Azərbaycanda sabitlik və inkişaf dinamikası qorunub saxlanıb: "Geniş coğrafiyanı əhatə edən bu təhlükələr ölkəmizdə keçiriləcək beynəlxalq səviyyəli mühüm tədbirə - Birinci Avropa Oyunlarına hazırlıq görüldüyü bir vaxtda hərtərəfli və daha sayıq olmağı tələb edir.
Erməni terror təşkilatlarının daim təhdid etdiyi Azərbaycanı bu gün transmilli, mütəşəkkil cinayətkar şəbəkələr kimi formalaşan beynəlxalq terrorçu təşkilatlar da öz hədəfinə çevirmək niyyətindədir. Buna görə də terrorçuluq kimi ümumi bəla ilə mübarizədə cəmiyyətin, xüsusilə gənclərin, tələbələrin birgə səyləri, sayıqlığı, məlumatlılığı olduqca mühüm amillərdir".
Qeyd edək ki, Bakıda Avropa Oyunları iyunun 12-dən 28-nə qədər keçiriləcək. DİN, MTN, FHN xüsusilə bu sahədə işlərini çox intensiv və fəal qurmuş vəziyyətlərdə görünür. Bu oyunlar həm də onlar üçün sınaq olacaq.
Avropa Oyunları zamanı Azərbaycanın təhlükəsizliyə cavabdeh olan qurumları öz vəzifəsinin öhdəsindən gələ biləcəklərmi?
Təhlükəsizlik üzrə ekspert Arzu Nağıyev qəzetimizə açıqlamasında bildirdi ki, belə irimiqyaslı tədbirlərdə təhlükəsizlik məsələlərini həyata keçirmək üçün bütün hüquq-mühafizə orqanları cəlb edilir və tərtib edilmiş xüsusi plana uyğun şəkildə iş aparılır: "Bu işlərə tək Oyunlar keçirilən yerlər deyil,nümayəndə heyətlərinin yaşayış və çıxış yerləri, şəxsi mühafizələri də aiddir.
Bununla bərabər müvafiq strukturlar əməliyyat fəaliyyətini də davam etdirir. Bütün bu fəaliyyəti tənzimləyən və həmin strukturlarla və cavabdeh nazirliklərlə razılaşdırılmış plan da təsdiq edilir və proseslər bir mərkəzdən idarə olunur.
Bu gün artıq belə bir plan var, düşünürəm ki, buna gücümüz yetərlidir. Bundan başqa, hər nümayəndə heyətinin özündə də təhlükəsizliyə cavabdeh şəxslər var və mərkəzlə əlaqəli iş aparır. Belə irimiqyaslı tədbirlərdə hətta ordu və Daxili Qoşun hissələri də tam hazır vəziyyətə gətirilir".
Azərbaycan Sosialist Partiyasının sədri Elşən Həsənov təhlükəsizlik orqanlarının sabiq işçisi kimi qəzetimizə bildirdi ki, Azərbaycanın bu sahədə böyük təcrübəsi var: "Bu, Azərbaycanın ev sahibliyi edəcəyi ilk böyük tədbir deyil. Azərbaycan indiyə kimi bu işlərin öhdəsindən gələ bilib. Təbiidir ki, belə həcmli tədbirlər böyük məsuliyyət və ayıq-sayıqlıq tələb edir. Hesab edirəm ki, Azərbaycanın əlaqədar qurumları koordinasiyalı şəkildə həyata keçirəcəkləri tədbirlərlə bu işin də öhdəsindən gəlməyi bacaracaq".

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...