TÜRKSOY - türk dünyasının UNESCO-su

Tarix: 18.03.2015 / 02:55
Bölmə: Gündəm

Türksoylu jurnalistləri mükafatlandırma tədbirləri bunu bir daha sübut edir

Azərbaycan Respublikası Prezidenti yanında Kutləvi İnformasiya Vasitələrinin inkişafına Dövlət Dəstəyi Fondundan aldığım xoş xəbər məni az qala uşaq kimi sevindirdi: TÜRKSOY-un (Uluslararası Türk Mədəniyyət Təşkilatı) baş katibi Düsen Kaseinovun imzası ilə göndərilən məktubda "TÜRKSOY-un Mətbuat Mükafatı"na layiq görülənlər sırasında mən də var idim.
Eyni zamanda məktubda o da bildirilirdi ki, "TÜRKSOY-un Mətbuat Mükafatı"na layiq görülən media nümayəndələri onlar üçün hazırlanmış bir həftəlik xüsusi proqramda iştirak üçün Türkiyəyə dəvət olunur və bütün xərclər TÜRKSOY təşkilatı tərəfindən ödənilir.
Bakıdan qarlı-boranlı bir gündə çıxsaq da, İstanbul bizi təkcə mənəvi istiliyi ilə yox, həm də çox ilıq bir ab-havası ilə qarşıladı. Bəzi yerlərdə təmizlik işlərindən sonra qalan və diqqəti cəlb edən qar yığnaqları bir-iki gün öncə televizor ekranlarında gördüyümüz qarlı-çovğunlu İstanbulu yenidən xatırlatdı. Amma qış günəşinin o qədər də isti olmayan hərarətində belə qorxan qar-boran sanki canını qurtarmaq üçün son mübarizəsini

aparmaqda idi. Ankarada isə hələ soyuq sazaqlar əsməkdə idi. Bütün hallarda bu soyüqlar da Bakıda hərdən bir gördüyümüz, amma bu dəfə bizi Heydər Əliyev adına Beynəlxalq Hava limanından az qala doğmalarımız qədər isti, amma "qarla yola salan" havadan sonra heç eynimizə deyildi. Ankaranın "İlci" otelində bizi qonaqpərvərliklə qarşılayan insanlarla ilk tanışlıqlarımız başladı: qarşılanma mərasiminə TÜRKSOY-un Azərbaycan nümayəndəsi Elçin Qafarlı xanımı ilə gəlmişdi. Turkiyə Cumhuriyyəti Baş nazirlik Mətbuat, Nəşr və İnformasiya İdarəsi rəisinin məsul əməkdaşı Mahmut Buğra Doğan və TÜRKSOY-un ictimaiyyətlə əlaqələr şöbəsinin rəhbəri Səlim bəy də jurnalist heyətini qarşılayanlar sırasında idilər. Elə ilk tanışlıqdanca onların yaratdığı səmimiyyət, diqqət və qayğı hər kəsdə səmimi bir fikir yaratdı: sanki bu adamları illərdir tanıyırsan, illərlə tanıdığımız doğmalardan biridir onlar... Nə yaxşı ki, tədbirlərin sonuna kimi bu qənaət bizi tərk etmədi, əksinə, bir az da möhkəmləndi və artdı.
Bu sıraya dağıstanlı həmkarımız, "Yoldaş" kumuk milli qəzetinin redaktoru Kamil Əliyevin, Başqırt Dövlət Televiziyasının və "Başinform" Xəbər Agentliyinin əməkdaşları Gülnaz Yaqubovanın və Leyla Ismuratovanın, Kipr Türk Cumhuriyyətindən qəzetci dostlarımız Məhəmməd Moreket və Əhməd Tolgayın, Türkiyədən "360 TV"-nin yayım rəhbəri Çingiz Özdemirin, Trabzonun "Taka" bölgə qəzetinin baş redaktor müavini Yusuf Turqutun, Qırğızıstan televiziyasının redaktoru Aynura Aldaşevanın, Tatarıstandan "TATMEDIA" Dövlət Xəbər və "Tatar-Inform" Agentliklərinin əməkdaşları Rimzil Valeyevin, Liutciia Kamalovanın, Hakasyadan (RF) "Şəms" qəzetinin köşə yazarı Olqa Zernakovanın və başqalarının adları da əlavə olundu. Beləliklə, 10 türkdilli ölkədən seçilmış 18 media mənsubunu böyük Türkiyə qayğı və məhəbbətlə bağrına basdı. Proqram çərçivəsində Azərbaycan, Qazaxıstan, Qırğızıstan, Şimali Kipr Türk Respublikası, Türkmənistan, Makedoniya, Başqırdistan, Dağıstan, Hakasya və Tatarıstandan gələn mətbuat mənsubları 22-28 Fevral 2015 tarixləri arasında Ankara, İstanbul və Kapadokyanı ziyarət etdilər.
Jurnalist heyəti ilk olaraq Ankarada görüşlərə qatıldı. Ankara proqramı çərçivəsində TÜRKSOY-da, T.C. Baş Nazirliyi Mətbuat, Nəşr və İnformasiya Müdirliyi, Baş nazirlik Yurtdışı Türklər və Qohum Topluluklar Nazirliyi, Baş Nazirlik Türk Əməkdaşlıq və Koordinasiya Agentliyi Nazirliyi (TİKA), Türkiyə Radio və Televiziya Təşkilatı (TRT), Baş Nazirlik Afet və Təcili Yardım Rəhbərliyi Başçılığı və Xarici İşlər Nazirliyində keçirilən görüşlər təkcə informasiyalılıq baxımından deyil, həm də böyük türk dünyasını daha yaxından tanımaq üçün hər birimizə böyük bir şans vermiş oldu. Jurnalist heyətinin üzvlərinin görüşlər çərçivəsində səlahiyyətlilərlə qazandıqları təmaslar bir daha sübut etdi ki, Türkiyənin bölgə ilə bağlı daxili və xarici siyasəti və bu yönümdəki layihələri türk dünyasının böyük gələcəyinə möhkəm təməldir. Heç şübhəsiz ki, böyük tarixi keçmişin üzərində bərqərar olan bu təməl gələcəyə baxanda da hər bir türk övladında böyük ümidlər yaradır.
Ankaradakı üçüncü, həm də sonuncu günümüz daha əlamətdar oldu. Ankara Opera Teatrının tarixi binasında jurnalist heyətimiz türk yazıçı və dramaturqu Haldun Tanerin şərəfinə TÜRKSOY-un "Haldun Taner ili"nin açılış mərasiminə və "TÜRKSOY-un Mətbuat Mükafatı"nin təqdimat mərasiminə qatılmağımız həm də səfərimizin zirvəsi idi. Türkiyənin Mədəniyyət naziri Ömər Çelik, Azərbaycanın millət vəkillərinin, bir sıra dövlət və ictimaiyyət nümayəndələrinin, TÜRKSOY rəhbərliyinin qatıldığı mərasim böyük bir qələbəliklə yekunlaşdı. Mərasimdə Türk mədəniyyətinin tanıdılması və zənginləşdirilməsində fəaliyyətinə və töhfələrinə görə Azərbaycan, Qazaxıstan, Qırğızıstan, Şimali Kipr Türk Respublikası, Türkmənistan, Makedoniya, Başqırdıstan, Dağıstan, Hakasya və Tatarıstandan gəlmiş 18 jurnalistlə birlikdə, qardaş Türkiyədən də 5 jurnalistə mükafatlar təntənə ilə təqdim edildi.
Səhəri gün jurnalist heyəti Kapadokya ziyarətinə yollandı. Bu tarixi yerin ziyarəti, gördüklərimizdən yaranan təəccüb və heyranlıq hər birimizin qəlbinə hakim kəsilmişdi. Nevşehir ziyarətinin ardından isə yenidən İstanbula gəldik. Türk Dili Danışan Ölkələr Əməkdaşlıq Şurası (Türk Keneşi), Türkiyə Dövlət Arxivləri Müdirliyi Osmanlı Arxivi Dairə Başkanlığı və Türk Dünyası Bələdiyyələr Birliyində keçirilən görüşlər hər birimiz üçün maraqlı olduğu qədər həm də məlumat almaq və bilgilərimizi artırmaq baxımından həyata keçirilən işlərin miqyaslılığının nə qədər sanballı bir təəssürat yaratdığı hər birimizin diqqətində idi. Şübhəsiz ki, bu görüşlərin hər biri ayrı-ayrılıqda daha genış danışıla biləcək və olduqca böyük təəssüratlar yarada bilən mövzulardır.
İstanbulun tarixi və mədəni məkanlarına etdiyimiz səfərlərlə proqramımıza nöqtə qoyuldu. Amma böyük əminlik hissləri ilə deməliyəm ki, hələ uzun illər bu xoş təəsüratlar hər birimizin xatirində əbədi yer tutacaq və yaddan çıxmayan çox dəyərli bir ərmağan kimi bizi heç zaman tərk etməyəcək. Bütün bunlara görə isə "Çox sağ ol!" deyəcəyimiz məsul qurumlar, onların başında və sırasında duran duyğusal insanlar var. Amma mən onlardan birinin adını böyük ürək və məhəbbətlə dilə gətirmək istərdim: türk dünyasının YUNESKO-su adlandırılan TÜRKSOY və onun baş katibi Düsen Kaseinov! İkinci dəfə də TÜRKSOY rəhbəri seçilən, uzun müddət Qazaxıstan Respublikasında çox məsul vəzifələrdə çalışan, bu respublikanın mədəniyyət naziri olmuş Düsen Kaseinovun səmərəli və işgüzar fəaliyyəti TÜRKSOY-un həyatında önəmli bir hadisə kimi diqqətəlayiqdir.
Mən də olduqca yığcam olan təəsüratlarımı ölkəmizin həyatının bütün sahələrində inkişaf siyasətinin əsas strateji hədəflərini özündə ehtiva edən və onun həyata keçirilməsini məqsədli dövlət proqramları vasitəsi ilə gerçəkləşdirən "Azərbaycan 2020: gələcəyə baxış" İnkişaf Konsepsiyasında göstərilən "Azərbaycan xalqının zəngin adət və ənənələrinin təbliği, milli bayram və mərasimlərin qorunub saxlanması, tarixi rəmz və abidələrin bərpası, milli musiqi və rəqslərin təşviqi, şifahi xalq yaradıcılığının qorunması, xalq oyun və tamaşalarının bərpası, təsviri, dekorativ və miniatür sənətinin zəngin ənənələrinin inkişaf etdirilməsi, dünyanın nüfuzlu muzeylərində saxlanılan Azərbaycan incəsənəti nümunələrinin öyrənilməsi və onların Azərbaycana aid olmasının təsdiqlənməsi, UNESCO, ISESCO, TÜRKSOY və digər beynəlxalq təşkilatlarda təsviri sənətimizin təbliği və tanıdılması istiqamətində zəruri işlər görüləcəkdir" fikri ilə tamamlayıram. Göründüyü kimi, möhtərəm Prezidentimiz cənab İlham Əliyevin, o cümlədən TÜRKSOY təşkilatına verdiyi yüksək qiymət hələ üzun illər də dəyərini və aktuallığını saxlayacaqdır.
Namiq Əhmədov,
TÜRKSOY-un
Media Mükafatçısı
Redaksiyadan: Azərbaycandan AzTv "Turan" proqramının müəllifi Zərnişan Turan, "Xalq qəzeti"nin əməkdaşı Namiq Əhmədov və "Mədəniyyət" qəzetinin müxbiri Mehparə Sultanova mükafata layiq görülənlər arasındadır. Həmkarlarımızı ürəkdən təbrik edirik.

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...