Daxili Qoşunlarımız: tarixi yola baxış...

Tarix: 16.03.2015 / 01:14
Bölmə: Gündəm

(Əvvəli ötən sayımızda)
Hər bir qoşun növü üçün döyüş təcrübəsi hərbi nəzəriyyələrin verdiyi biliklərdən, taktiki təlimlərlə əldə edilən praktiki bacarıqlardan daha qiymətlidir. Daxili Qoşunların şəxsi heyəti 1992-1994-cü illərdə Dağlıq Qarabağ və ətraf rayonların ərazisində düşmənlə gərgin döyüşlər apararaq, mürəkkəb vəziyyətlərdən, çətin keçilən coğrafi relyeflərdən, kəskin hava şəraitlərindən, mənəvi-psixoloji sarsıntılardan asılı olmayaraq, öz döyüş təcrübəsini qanı və canı bahasına qazanıb.
Düşmənin onlarla atəş nöqtəsinin susdurulması, ayrı-ayrı istiqamətlər üzrə ön mövqelərinin ələ keçirilməsi, neçə-neçə zirehli texnika, avtomobil, artilleriya qurğusunun və xeyli canlı qüvvəsinin məhv edilməsi ilə DQ-nin hərbi qulluqçuları bu müharibədə öz sözünü deyib. DQ-nin 9 nəfər hərbi qulluqçusu (onlardan 8-i ölümündən sonra) Azərbaycanın Milli Qəhrəmanı adına layiq görülüb, yüzlərlə zabit, gizir, çavuş və əsgər dövlətimizin ali mükafatları ilə təltif edilib.
Xüsusi vurğulanmalı bir faktdır ki, müharibə reallığında DQ- nin döyüş fəaliyyətində heç bir pərakəndəliyə, xaotikliyə, idarəetmənin pozulmasına yol verilməyib. Döyüş təchizatı və arxa cəbhə təminatı fasiləsiz olaraq təşkil olunub.
Həmçinin, müharibə reallığında şəxsi heyətin mənəvi-psixoloji hazırlığının, döyüş ruhunun yüksəldilməsi yönündə vacib addımlar atılıb. Belə ki, 1992-ci il dekabrın 16-dan başlayaraq DQ-nin mətbuat orqanı - "Əsgər" qəzeti nəşr olunub. Hərbi vətənpərvərlik ideyasının təbliğində, DQ-nin döyüş yolunun işıqlandırılmasında "Əsgər" qəzeti əvəzsiz rol oynayıb. Bu qəzet ölkəmizin ilk hərbi qəzetlərindən biridir.
1993-cü ildən fəaliyyətə başlayan DQ-nin hərbi orkestri də öz ifası ilə şəxsi heyətə o ağrı-acılı günlərdə ruh yüksəkliyi aşılayıb. DQ-nin hərbi orkestri ölkəmizdə mövcud olan iki böyük hərbi orkestrdən biridir.
1994-cü ilin mayında ön cəbhədə atəşkəs elan olunmasından sonra da DQ-nin şəxsi heyəti düşmənlə təmas xəttində torpaqlarımızın keşiyində dayanıb. Bu zaman ermənilərin atəşkəsi pozmaq cəhdlərinə layiqli cavab verilib, düşmənin diversiya-kəşfiyyat qrupları DQ-nin hərbi qulluqçularının sayıqlığı və cəsarəti ilə üzləşib.
1999-cu ildən ön mövqelərin müdafiəsi tapşırıqları DQ-nin şəxsi heyətinin üzərindən götürülüb. Bu addım atəşkəs şəraitində DQ-nin digər vəzifələrinin tam həcmdə yerinə yetirilməsinə yönəlib. Ancaq buna baxmayaraq, respublikamızın ərazisinin müdafiəsində iştirak etmək vəzifəsi 1994-cü il fevralın 8-də qəbul edilmiş "DQ-nin Statusu Haqqında" Azərbaycan Respublikasının Qanunu ilə də müəyyən olunaraq bu günədək öz qüvvəsini saxlayır. Əslində ötən illərdə DQ-nin şəxsi heyəti ərazi bütövlüyümüzün bərpası üzrə döyüş tapşırıqlarının yerinə yetirilməsinə ciddi hazırlanıb. Bu istiqamətdə təlimlər hazırda da davam etdirilir.
Bəzən cəmiyyətdə müəyyən destruktiv qruplar tərəfindən DQ-nin yerinə yetirdiyi vəzifələrin yanlış təqdim olunmasına cəhdlər edilir. Belə cəhdlərin qərəzdən irəli gəldiyi istisna deyil. DQ-nin ötən dövrdə qanunçuluğun, vətəndaşların əminamanlığının qorunması yönündə peşəkar xidməti ictimaiyyətə yaxşı məlumdur. Bu qoşun növünün xidməti fəaliyyətində vətəndaşlarla təmaslar xüsusi yer tutur. Bu sahədə görülən tədbirlər dövlət və ictimai maraqların təmin olunmasına söykənir.
Bu gün ölkəmizdə keçirilən böyük əhali kütləsinin cəmləşdiyi tədbirlərin, mühüm dövlət obyektlərinin, kommunikasiya qurğularının, xüsusi yüklərin mühafizəsini, təbii fəlakətlərin, qəzaların və başqa fövqəladə halların nəticələrinin ləğvini, silahlı cinayətkarların zərərsizləşdirilməsi üzrə xüsusi əməliyyatları həyata keçirən DQ çevik bir güc strukturudur.
Yaxın tariximizə nəzər salsaq, respublikamızın paytaxtı və ayrı-ayrı regionlarında ictimai asayişin kütləvi şəkildə pozulması hallarının, iğtişaşların qarşısının alınmasında DQ-nin qətiyyətli fəaliyyətini görə bilərik.
1996-cı ilin dekabrında Elçin Əmiraslanovun başçılıq etdiyi silahlı dəstənin yaxalanması, habelə həmin vaxt Saray qəsəbəsinin yaxınlığında avtomobil ələ keçirmiş və vətəndaşları girov götürmüş silahlı cinayətkarların zərərsizləşdirilməsi, 1999-cu ilin yanvarında Qobustan qapalı həbsxanasında daxili rejim qaydalarının bərpası, silah ələ keçirmiş məhbusların cəzaçəkmə müəssisəsindən çıxmasına yol verilməməsi, 2002-ci ilin dekabrında Qusarda zərgərlik dükanını qarət edərək satıcını qətlə yetirmiş silahlı cinayətkarlardan birinin yaxalanması, digərinin silahlı müqavimət göstərərkən məhv edilməsi, 2010-cu ildə Sabirabad, Saatlı, İmişli, Salyan və Hacıqabul rayonları ərazisində təbii fəlakətin nəticələrinin aradan qaldırılması və xidməti fəaliyyətdə digər uğurlar ictimai təhlükəsizliyin keşiyində dayanmaq missiyasının hansı sınaqlarla üzləşdiyini göstərir.
Ötən müddətdə DQ-nin respublikamızın bütün regionlarında hərbi hissələri yaradılıb. Bu hərbi hissələr ictimai təhlükəsizlik sistemində xüsusi rol oynayır. Hərbi hissələrin maddi-texniki bazası bugünkü tələblərə, müasir dövrün təhlükəsizlik çağırışlarına cavab verir. Şəxsi heyətin istifadəsinə yeni növ texnika, silah və xüsusi vasitələr verilib. Xidməti fəaliyyətdə müasir texnologiyaların tətbiqi intensivləşib.
DQ-nin şəxsi heyətinin müxtəlif şəraitlərdə effektiv xidmət aparması üçün xidməti atlar və itlərdən istifadə olunur. Bununla yanaşı, eskadrilya bölməsinin yaradılması, xüsusi təyinatlıların paraşütlə tullanma bacarığına yiyələnməsi, peşəkar süvari, kinoloq, istehkamçıların fəaliyyəti DQ-nin ildən-ilə güclənən potensialının göstəricisidir.
Son illər DQ-nin beynəlxalq əməkdaşlıq əlaqələri də genişlənib. Bu əlaqələr çərçivəsində təcrübə mübadiləsinə xüsusi diqqət yetirilir.
2011-ci ildə DQ-nin Ali Hərbi Məktəbinin yaradılması ilə zabit kadrlarının hazırlanmasında yeni mərhələ başlayıb. Zabitlər hər bir qoşun növünün elitasıdır. Onlar şəxsi heyətlə təlim-tərbiyə prosesinin əsas təşkilatçılarıdır. Ötən il ilk kursantların test imtahanı vasitəsilə qəbul olunduğu Ali Hərbi Məktəb isə DQ üçün yeni nəsil zabitlərin formalaşmasının əsasını qoyacaq.

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...