Azərbaycanın antiterror mübarizə təcrübəsi Pakistan praktikasında...

Tarix: 16.03.2015 / 02:17
Bölmə: Gündəm

Zahid Oruc: "Şübhəsiz ki, məxfi əməliyyatların önlənməsi istiqamətində bizim də dünya ictimaiyyətinə verə biləcəyimiz resurslar az deyil"
"Azərbaycanla Pakistan arasında terrorizm sahəsindəki əməkdaşlığın yalnız faydası ola bilər"

Azərbaycanın Pakistandakı səfiri Daşqın Şikarov maraqlı açıqlama ilə çıxış edib. Səfir bildirib ki, Pakistan Azərbaycanın terrorizm və cinayətkarlığa qarşı mübarizə sahəsində təcrübəsindən bəhrələnmək istəyir.
D.Şikarovun sözlərinə görə, Pakistan dünyada terrorizmdən ən çox əziyyət çəkən ölkələrdən biridir: "Azərbaycanda sonuncu dəfə 17 il əvvəl Ermənistan xüsusi xidmət orqanları bir terror hadisəsi törədib. Çox şükür ki, o vaxtdan heç bir terror hadisəsi baş vermir.
Bu da Azərbaycanda hüquq-mühafizə orqanlarının işinin peşəkar səviyyədə və düzgün təşkil etməsindən irəli gəlir. Biz Pakistan tərəfinə Azərbaycanın hüquq-mühafizə orqanları ilə əməkdaşlıq etməyi, təcrübəsindən faydalanmağı təklif etmişik.
Bununla bağlı Pakistan Daxili İşlər Nazirliyinin nümayəndə heyətinin Azərbaycana səfəri gözlənir. Bu səfər yaxın 4 ay ərzində baş tutacaq. Pakistanda, ümumiyyətlə, Azərbaycan hüquq-mühafizə orqanlarının işinə heyranlıqlarını gizlətmirlər".
D.Şikarov qeyd edib ki, Azərbaycanda törədilən cinayətlərin, demək olar ki, 98 faizi açılır: "Amma təəssüf ki, Pakistanda bu göstərici yarıbayarıdır. Pakistanda Azərbaycan hüquq-mühafizə orqanları ilə əməkdaşlıq edərək ölkələrində terrorizmin aradan qaldırılması sahəsində birgə mübarizə aparmaq istəyirlər. Bununla bağlı yaxın gələcəkdə iki ölkənin hüquq-mühafizə orqanları arasında bir protokol da imzalanacaq".
Etiraf etmək lazımdır ki, Azərbaycanın səfirin qeyd etdiyi sahə üzrə böyük təcrübəsi var. Doğrudan da Azərbaycan terrorizmlə mübarizə sahəsində böyük uğurlara imza atıb.
Belə təcrübə mübadiləsi hansı şəkildə aparıla bilər?
Milli Məclisin Təhlükəsizlik və Müdafiə Komitəsinin üzvü, millət vəkili Zahid Oruc qəzetimizə açıqlamasında bildirdi ki, Azərbaycanı Pakistanda təmsil edən səfir olduqca fəal bir insandır: "Həmin ölkədə Azərbaycanın maraqlarının qorunması üçün olduqca mühüm işlər həyata keçirilib. Eyni zamanda, Pakistan prezidentinin ölkəmizə reallaşan səfəri də iki ölkənin münasibətləri baxımından olduqca mühüm əhəmiyyət kəsb etdi. Əlbəttə, razılaşmalıyıq ki, Azərbaycan çox ağır təhlükəsizlik şəraitinə malik və terror risqi böyük olan bir regionda yerləşir. Biz terrorun qarşısını almaq üçün fəal şəkildə mübarizə aparmışıq. Bununla bərabər etiraf etməliyik ki, bir sıra Qərb ölkələrinin və İsrailin təcrübəsini öndə tuturlar. Amma Azərbaycanın da özünəməxsus bir təcrübəsi mövcuddur. Şübhəsiz ki, məxfi əməliyyatların önlənməsi istiqamətində bizim də dünya ictimaiyyətinə verə biləcəyimiz resurslar az deyil.
Pakistan üçün bunlar əhəmiyyətli sayılırsa, təbii ki, biz buna şad olarıq. Etiraf etmək lazımdır ki, bu ölkə 10 illərdir terrorla üz-üzədir. Xanım Klinton dövlət katibi olanda verdiyi müsahibələrin birində demişdi ki, biz SSRİ-nin çöküşü üçün istənilən vasitələrə əl atdıq: "Hətta Pakistan ərazisində terroristləri hazırlayıb, onları Əfqanıstana da atdıq.
Sonda həmin dövlətin süqutuna sevindik. İndi isə həmin terroristlər bizə problem yaradır". İndinin özündə də Pakistanda ən müxtəlif terror qrupları üçün üzvlər hazırlanır. Bu baxımdan da Azərbaycanla Pakistan arasında terrorizm sahəsindəki əməkdaşlığın yalnız faydası ola bilər".

DİGƏR XƏBƏRLƏR

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 22.06.2026 / 20:53

Əliyev bütün dövlətin strategiyasını açdı - “...balansı mütləq dəyişdirməliyik”...

Tarix: 22.06.2026 / 19:33

Avropa Şurasının Bakı ofisinin rəhbəri XİN-ə çağırıldı...

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Dövlət qulluğu statusu-dövlətçilikdə Azərbaycan brendi...