Milli efir təəssübkeşləri MTRŞ-nin yeni səlahiyyətlərini dəstəklədi

Tarix: 05.03.2015 / 01:39
Bölmə: Gündəm

Bu gün telekanallarda yayımlanan sosial xarakterli verilişlərin əksəriyyəti tamaşaçılar tərəfindən qəbul olunmur. Həmin verilişlərdə milli mənəvi dəyərlərə uyğun olmayan ifadələr işlədilir. Bayağı verilişlərin bağlanması məsələsi uzun müddət idi ki, müzakirə olunurdu. Əvvəllər Milli Televiziya və Radio Şurası efirlərdə yayımlanan bayağı verilişləri bağlaya bilməzdi.
Amma qanunvericiliyə edilən son dəyişiklikdən sonra artıq MTRŞ belə bir səlahiyyətə malik oldu.
Bu günlərdə Milli Televiziya və Radio Şurasının sədri Nuşirəvan Məhərrəmli ölkə mətbuatına açıqlamasında qeyd edib ki, milli-mənəvi dəyərlərə uyğun olmayan verilişlər bağlanacaq.
N.Məhərrəmlinin sözlərinə görə, indiyə qədər MTRŞ telekanalların yaradıcılıq siyasətinə qarışmayıb: "Amma qanunvericiliyə son dəyişiklikdən sonra MTRŞ bu sahədə işlərini daha da artıracaq, telekanallarda gedən verilişlərin kontentinə ciddi fikir verəcək. Hesab edirəm ki, bu bizim üzərimizə düşən ən məsuliyyətli işlərdən biridir. Yaxın vaxtlarda MTRŞ-nin Monitorinq şöbəsinin araşdırmalarının nəticəsinə uyğun olaraq addımlar atacağıq. Hansı televiziya kanalında Azərbaycan xalqının milli-mənəvi dəyərlərinə, televiziya və radio yayımı haqqında qanunvericiliyə uyğun olmayan verilişlər olacaqsa, o verilişlərlə bağlı qərar qəbul ediləcək. Amma biz hesab etmirik ki, bu səlahiyyətləri almaqla televiziya kanalları üzərində bir "Domokl qılıncı" olmalıyıq. Sadəcə, hər kəs öz işini qanunauyğun şəkildə həyata keçirməlidir".
Milli Televiziya və Radio Şurasının Monitorinq şöbəsinin sədri Təvəkkül Dadaşov bayağı verilişlərin bağlanmasının tərəfdarıdır. T.Dadaşov sosial şəbəkədə yazaraq bildirib ki, "Adam içində" verilişi artıq "qırmızı xətt"i keçmək üzrədir: "Veriliş cəmiyyətdə harda anormal hal varsa, onu müzakirəyə çıxarır. Məsələn, 3 mart tarixində ərin arvadına xəyanəti, ona işgəncə verməsi, ərli qadının başqa kişiyə qoşulub qaçması, kişinin başqasının arvadını qaçırması ilə bağlı konkret şəxslərin timsalında müzakirələr aparıldı. 24-25 fevral tarixində isə zorlama faktı üzərində müzakirə açılmışdı. Sual oluna bilər ki, hansısa əxlaqsızın, tərbiyəsizin həyat tərzi, istəkləri cəmiyyətin nəyinə lazımdır? Ümumiyyətlə, verilişin məqsədi nədir? Əgər məqsəd belə halların aradan qaldırılmasına dəstəkdirsə, buna nail olunacağı inandırıcı deyil. Çünki belə hallar həmişə olub və olacaq. Əksinə, efir vasitəsilə ictimailəşdirmək eybəcərliklərin adiləşməsinə və bir növ təbliğinə rəvac verə bilər. Başqa sözlə, antireklam da reklamdır".
Onun sözlərinə görə, verilişdə hətta bəzən ekspertlər tərəfindən təhqirlərə də yol verilir": Məsələn, 2 fevral tarixində ekspert Kübra Əliyeva (aktrisa) problemi müzakirəyə çıxarılmış qadını belə aşağılamışdı: "Bilirsən səni niyə təhqir edirəm? Ayaq üstə dura bilmirsən, qələt eləyib uşaq doğmusan. Sən qələt eləyib evli kişi ilə yatmısan". Bu hallar "Adam içində" verilişinin əslində müsbət missiyasına xələl gətirir. Belə ki, verilişdə sosial problemləri olan insanlara dəstək istiqamətində müəyyən işlər görülür. Xüsusilə həftənin cümə günləri veriliş tamamilə vətəndaşların işlə təmin olunmasına həsr olunur. Bu, orijinal layihədir. Di gəl ki, müzakirəyə çıxarılan bir sıra neqativ mövzular bu müsbət işlərin üzərinə kölgə salmaqdadır".
Media eksperti Azər Həsrət bizimlə söhbətində qeyd etdi ki, televiziya kanallarında yayımlanan verilişlərin bəzisi milli-mənəvi dəyərlərə, əxlaqi normalara ziddir. Onun fikrincə, həmin verilişlərin efirdən yığışdırılması məqsədəuyğundur: "Bu baxımdan düşünürəm ki, Milli Televiziya və Radio Şurasının sədri və əməkdaşları məlum məsələ ilə bağlı artıq işlər görməlidirlər. Bu günə kimi MTRŞ bayağı verilişlərlə bağlı bəyanatlar verirdi, həmin proqramları qınayırdı. Artıq bəyanata ehtiyac yoxdur və sonuncu sərt addımı atmağın vaxtı çatıb. Televiziya kanalları başa düşməlidir ki, reklam dalınca düşməklə, şou yaradaraq verilişə reytinq qazanmaqla ölkənin milli-mənəvi dəyərlərini tapdalayırdılar. Həmin verilişlərə dur deyən tapılacaq. MTRŞ bayağı verilişləri bağlamaq qərarını verərsə, bu hərəkətini təqdir edərəm".

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...