Bakıya "Qəhrəman şəhər" statusu gerçəkləşə bilər

Tarix: 27.02.2015 / 02:44
Bölmə: Gündəm

Rasim Ağayev: "Azərbaycan üçün "Qəhrəman şəhər" statusu əhəmiyyətlidir və böyük fərəhdir"

"Bakının qələbəyə xidməti və rolu çox böyük olub"

Rusiya parlamentinə Bakıya qəhrəman şəhər statusunun verilməsi haqda növbəti təklif göndərilib. Bununla bağlı Azərbaycan parlamenti müraciət göndərib. O da məlum olub ki, bu məsələ Gennadi Seleznyovun Dövlət Dumasının sədrliyi dövrlərində parlamentdə dəfələrlə qaldırılıb.

O üzdən, Milli Məclis üzvləri məsələ ilə bağlı ədalətli qərar qəbul olunacağına ümid edir. Parlament SSRİ-nin qanuni varisi olan Rusiyadan tarixi ədalət gözləyir.

Dünən Azərbaycanın Rusiyadakı səfiri Polad Bülbüloğlu da sözügedən ölkənin mətbuatına verdiyi müsahibədə bu məsələyə toxunub. Onun sözlərinə görə, Bakı şəhəri müharibənin qələbə ilə başa çatması üçün çox şeylər edib: "Bakıya qəhrəman şəhər statusunun verilməsinə müsbət yanaşıram və bu təşəbbüsü tam dəstəkləyirəm. Belə bir ifadə var ki, bu, mühərrik müharibəsi olub. Məlumdur ki, mühərriklər yanacaqsız işləmir. Bakı şəhəri qələbə üçün sutkada 24 saat çalışıb. Bundan başqa, Azərbaycandan müharibəyə 660 minə yaxın insan çağırılıb. Həmin vaxt Azərbaycanda əhalinin sayı 5 milyon olub. Ölkədə qalan qadınlar, uşaqlar istirahət bilmədən cəbhə üçün işləyiblər. Mühəndisləri neft hasil etmək lazım olduğundan saxlamışdılar, lakin bütün bunlara baxmayaraq, onlar da cəbhəyə yollanmağa çalışırdılar. Həmin bu çətin müharibə illərində yeni nəsil təyyarələri yüksək oktanlı yanacaqla təmin etmək lazım idi, kimyaçı-alim Yusif Məmmədəliyev benzinin oktan ədədini artıran xüsusi maddə icad etdi. Müharibəni təkcə ruslar deyil, Sovet İttifaqının bütün vətəndaşları udub. Ona görə də, fikrimcə, Bakıya qəhrəman şəhər statusunun verilməsi vacib ictimai-siyasi akt olardı".

Görünən odur ki, Bakıya qəhrəman şəhər statusu verilsə, bu həm də tarixi ədalətin bərpası olar.

Sözügedən məsələni dəyərləndirən politoloq Rasim Ağayev bu məsələnin yenidən qaldırılmasını təqdirələyiq hal hesab edir. Onun fikrincə, əvvəllər də bu məsələ qaldırılıb: "Heydər Əliyev Azərbaycanda birinci katib işləyən dövrlərdə bu məsələ sovet rəhbərliyi qarşısında gündəliyə çıxarılmışdı. Ancaq Azərbaycanın səsini eşitmədilər. Halbuki, bəşəriyyətin ən böyük müharibəsində Bakının rolu az olmayıb. İlk dəfə olaraq sovet ordusunu hərəkətə gətirən ləvazimatın 80 faizini paytaxtımız təmin edirdi. Camaat gecə-gündüz işləyirdi. Stalinin əmri ilə Bakı neftçilərinin cəbhəyə getməsinə qadağa qoyulmuşdu. Bu müharibə təkcə silah, qol gücü müharibəsi deyildi. Orada istifadə olunan texnika - təyyarələr, tanklar, maşınlar işləməli idi. Qərbin nefti vardı. Ancaq faşist Almaniyasının imkanları tükənirdi. Bu mənada Bakının qələbəyə xidməti və rolu çox böyük olub. Bakının o vaxtkı qəhrəmanlığı Leninqradın qəhrəmanlığına bənzəyirdi. İnsanlarımızın cəbhədəki zəhmətini dəyərləndirmək vacibdir. Bu, tarixi məsələ kimi yaddaşımızda qalmalıdır. Bəzən tarixi saxtalaşdırırlar və bunu insanların beyninə yeridirlər. Fakt budur ki, Azərbaycan müqavimət göstərməsəydi, ölkəmizin durumu ürəkaçan olmazdı. Ona görə də Azərbaycan üçün qəhrəman şəhər statusu əhəmiyyətlidir və böyük fərəhdir".

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...