Prezident manat islahatı ətrafında spekulyasiyalara Mingəçevirdə son qoydu

Tarix: 26.02.2015 / 02:30
Bölmə: Gündəm

İlham Əliyevin sadə el dilində ifadə olunmuş izahında iki məşhur məqam...

Nəhayət, hamının gözlətiləri oldu. Azərbaycan Prezidenti İlham Əliyev fevralın 24-də Mingəçevir Şəhər Mərkəzi Xəstəxanasının açılışı zamanı manatla bağlı dövlətin qəbul etdiyi qərara öz münasibətini bildirdi. Prezidentin sözlərinə görə, iqtisadiyyatın öz qanunları var, Azərbaycan da dünya iqtisadiyyatının bir parçasıdır:
"Azərbaycanda gedən işlər təqdirəlayiqdir və mötəbər beynəlxalq maliyyə qurumları bizim uğurlarımızı möhkəm qiymətləndirir. Amma eyni zamanda, regionda gedən proseslər bizə də təsir göstərir və son aylar ərzində, son bir il ərzində MDB məkanında bizim qonşuluğumuzda yaşanan gərginlik müəyyən dərəcədə Azərbaycan iqtisadiyyatına da öz təsirini göstərib".
Prezidentin sözlərinə görə, əsas məsələ ondan ibarət idi ki, Azərbaycan xalqı mümkün olan risqlərdən qorunsun, Azərbaycanda sabitliyi möhkəmləndirilsin və xalqımızın seçimi müdafiə olunsun: "Həm Yaxın Şərqdə, həm də Avropada, MDB məkanında baş verən xoşagəlməz hadisələr Azərbaycanda gedən işlərə mənfi təsir göstərməyib. Çünki biz artıq özümüzü müdafiə etməyə, öz seçimimizi müdafiə etməyə hazırıq. Ancaq iqtisadi sahədə bölgədə gedən xoşagəlməz proseslər, əlbəttə ki, bizə də təsir göstərmişdir. Bir neçə gün əvvəl manatın məzənnəsində dəyişiklik edilmişdir. Qeyd etməliyəm ki, biz 2006-cı ildə pul islahatları həyata keçirdik. 2005-ci ildə belə qərar verilmişdi. 2006-cı ilin əvvəlindən bizim pul islahatımız başa çatmışdır. Təbii ki, yaşlı nəsil bunu xatırlayır. O vaxta qədər 1 dollar 5000 manata bərabər idi. Biz manatı dollarla eyniləşdirdik, 1 manat 1 dollar oldu. Və 10 il ərzində manat getdikcə dollara nisbətdə güclənirdi. Əslində bu bizim iqtisadi islahatlarımızın uğurlu olmasını göstərirdi. Ancaq eyni zamanda, qonşuluqda baş verən hadisələr və bütün qonşu dövlətlərdə milli valyutaların kəskin şəkildə ucuzlaşması istər-istəməz bizə də mənfi təsir göstərməyə başlamışdır. Üstəgəl dünyada neftin qiymətinin kəskin aşağı düşməsi bizim gəlirlərimizə də mənfi təsir göstərmişdir. Eyni zamanda, manatın getdikcə məzənnəsinin artması iqtisadi inkişafımıza mənfi təsir göstərirdi. Ona görə qərar qəbul edilmişdi ki, manat bir az ucuzlaşsın"
İlham Əliyev vurğulayıb ki, heç kəs üçün bu sürpriz olmasın: "O vaxt da demişəm ki, manat həddindən artıq bahalaşıb, bu, iqtisadiyyatımıza mənfi təsir göstərir. Regionda baş verən hadisələr, dünyada neftin qiymətinin aşağı düşməsi mənfi nəticələrə gətirib çıxarır. Bu birinci bir siqnal idi. Ondan sonra Mərkəzi Bank açıqlama vermişdi ki tədricən, ilin sonunadək manatın məzənnəsi aşağı düşəcək. Bu da bir siqnal idi ki, insanlar buna hazır olsunlar. Ancaq ondan sonra biz gördük ki, müəyyən ajiotaj yarandı və bir qədər manatın məzənnəsində dəyişiklik olan kimi əhali puldəyişmə məntəqələrinə üz tutdu və kütləvi şəkildə dollar almağa başladı. Eyni zamanda, bu vəziyyətdən bəzi spekulyantlar, möhtəkirlər, natəmiz adamlar əsassız qazanc əldə etmək üçün istifadə etmişlər. Belə olan halda bizim valyuta ehtiyatlarımız, Mərkəzi Bankın valyuta ehtiyatları azalmağa başlamışdır. Sadəcə bir rəqəmi sizə deyə bilərəm. Bir neçə gün ərzində hər gün minimum 500 milyon dollar bazardan alınıb. Əgər belə getsə idi, ilin axırına qədər Mərkəzi Bankın valyuta ehtiyatları kəskin şəkildə azala bilərdi. Belə olan halda qərar qəbul edildi ki, manat ucuzlaşsın və əslində manat əvvəlki səviyyəyə enmişdir. İslahat başlayanda 1 manat 1 dollar idisə, indi də 1 manat 1 dollara bərabərdir".
Prezidentin bu çıxışında iki mühüm aspekt diqqəti daha çox çəkir. İş burasındadır ki, manatın devalvasiya edilməsi və milli valyutamızın birdən-birə dollara nisbətdə dəyərdən düşməsini ilk anda əhali qeyri-müəyyənliklə qarşıladı. Bəzi qüvvələr, özlərinə müstəqil ekspert deyənlər isə bu istiqamətdə ciddi spekulyasiyalara girişmişdi. Əhali arasında panikaya səbəb ola biləcək fikirlər paylaşılırdı. İncə bir nüansa diqqət edək. Verilən qərarın ilk 3 günündə bütün istiqamət bu addımın hakimiyyətin daxilində olan guya hansısa qrup tərəfindən razılaşdırmadan atıldığı ilə bağlı rəyin formalaşdırılmasına yönəldilmişdi. Hətta bu addımın mövcud hakimiyyətə qarşı iqtisadi sabotaj olduğu, günahkarların mütləq cəzalandırılacağı ilə bağlı rəy formalaşdırmağa cəhd edənlər də az deyildi. İlham Əliyev ətraflı izahı ilə bu dedi-qodulara son qoydu. Məlum oldu ki, bu addımın atılması dövlətin elmi əsaslı iqtisadi siyasətinin tərkib hissəsinə aiddir və sistemli xarakter daşıyır. Prezident manatın ucuzlaşmasının xalqın mənafeyinə necə uyğun olduğuna da ətraflı izah verdi. İlham Əliyevin çıxışının ikinci vacib aspekti isə xalqda inamın yaradılması və mövcud narahatlıqlara birdəfəlik son qoyması ilə bağlı oldu. Sirr deyil ki, bu gün Azərbaycan cəmiyyətinin şəxsən Prezidentə etimadı ilə bir çox məmurlara etimadı arasında böyük fərq var. Cəmiyyəti azacıq narahatlığa salan amil də son pul islahatının guya hansısa məmurların təşəbbüsü ilə atılması barədə rəy idi. Ancaq Prezident özü şəxsən bu məsələyə izah verməklə xalqın arasındakı bütün qeyri-müəyyənlikləri aradan qaldırdı.

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...