Mətbuat Şurası əməkdar jurnalist Yusif Kərimovun "İşğal vadisi" tarixi romanının təqdimatını keçirdi

Tarix: 20.02.2015 / 02:53
Bölmə: Gündəm

Dünən Beynəlxalq Mətbuat Mərkəzində Azərbaycan Mətbuat Şurasının təşəbbüsü ilə yazıçı-publisist, respublikanın əməkdar jurnalisti Yusif Kərimovun "İşğal vadisi" tarixi romanının təqdimatı keçirilib.
Tədbiri giriş sözü ilə MŞ sədri Əflatun Amaşov açaraq bildirib ki, Azərbaycan Respublikası Prezident Administrasiyasının rəhbəri, akademik Ramiz Mehdiyevin təsdiqlədiyi "Xocalı soyqırımının iyirmi üçüncü ildönümünün keçirilməsinə dair tədbirlər Planı"na əsasən ölkəmizin müxtəlif bölgələrində silsilə toplantılar reallaşdırılmaqdadır. "Xocalı soyqırımı tarix boyu üzləşdiyimiz faciələrdən biridir. Bu faciələr, eyni zamanda, üzləşdiyimiz işğal faktları tariximizin tərkib hissəsidir. Yaşantılarımızın bütün təfərrüatları ilə cəmiyyətə çatdırılması isə qarşımızda duran mühüm vəzifələrdəndir. Buna görə də Mətbuat Şurası "İşğal vadisi" romanının təqdimatını məhz Xocalı faciəsinin ildönümü ilə bağlı tədbirlər planı çərçivəsində gerçəkləşdirir", - deyə o vurğulayıb. Ə.Amaşov, həmçinin, "İşğal vadisi" romanını tariximizə maraq yaradan bədii-publisistik yaradıcılıq nümunəsi olaraq dəyərləndirib.
MŞ-nin Ahıl Жurnalistlər Məclisinin üzvü Məzahir Süleymanzadə çıxışında geniş bədii diapazona malik Yusif Kərimov yaradıcılığındakı xarakterik cizgilərin təsvirini verib, müəllifi ustad jurnalist kimi dəyərləndirib. O bildirib ki, təqdimatı keçirilən nəşri oxuyarkən Y.Kərimovun öz obrazını da görmək mümkündür. "Tarixi prosesləri canlandırdıqda dəqiqlik mühüm şərtdir. Hesab edirəm ki, müəllif bunu bacarıb. Kitabın bölmələrinin hər biri də, zənnimcə, ayrılıqda bir əsərdir", - deyən M.Süleymanzadə "İşğal vadisi"ndə yer adlarının və digər etnoqrafik çalarların təhlilinin əksini tapmasını yüksək qiymətləndirib, romanı gələcək nəslin mənəvi tərbiyəsi baxımından xarakterizə edib.
MŞ sədrinin müavini, Beynəlxalq Avrasiya Mətbuat Fondunun rəhbəri Umud Rəhimoğlu bildirib ki, Y.Kərimov özünü ədəbi-bədii mühitdə təsdiqləmiş qələm sahibidir. Ancaq onun yaradıcılığında jurnalistlik fəaliyyəti xüsusi halqanı təşkil edib. "Ola bilər, Yusif müəllim birbaşa bədii yaradıcılığa köklənsəydi, biz bu gün onu məhz bədii-tarixi janrlı əsərlərin müəllifi kimi daha yaxından tanıyardıq. Bu mənada Azərbaycan jurnalistikası daha çox qazanıb", - deyən U.Rəhimoğlu Y.Kərimovun MŞ-nin Ahıl Жurnalistlər Məclisinin rəhbəri kimi səmərəli ictimai fəaliyyətindən də söz açıb.
MŞ İdarə Heyətinin üzvü, "Paralel" qəzetinin baş redaktoru Tapdıq Abbas "İşğal vadisi" tarixi romanını xalqımızın qan yaddaşının cilalanması nöqteyi-nəzərindən mükəmməl yaradıcılıq nümunəsi olaraq dəyərləndirib. Filologiya üzrə fəlsəfə doktoru Şəfəq Nasir təqdimatı keçirilən nəşri işğal tariximizi bədii yaradıcılıqla çulğalaşdıran əsər kimi xarakterizə edib.
O bildirib ki, kitabda müəllif ziyalı və vətəndaş mövqeyini ortaya qoymaqla əsərini, bir növ, gələcək üçün kompasa çevirib.
"Xalq cəbhəsi" qəzetinin baş redaktoru Elçin Mirzəbəylinin çıxışında diqqət çəkdiyi məqam Azərbaycanın parçalanmasının poeziyamızda geniş əksini tapması olub. Baş redaktor eyni genişliyin nəsr nümunələri üçün səciyyəvi olmadığını vurğulayıb. O bu baxımdan "İşğal vadisi"nin motivinin müstəsna mərama xidmət etdiyini vurğulayıb.
MŞ sədrinin müavini, Jurnalistlərin Həmkarlar İttifaqının sədri Müşfiq Ələsgərli nəşrin dil və üslub xüsusiyyətlərindən danışaraq bildirib ki, müəllifin romanında yaratdığı tarixin öyrənilməsi eyni zamanda mənəvi anlamda da vacibdir. Çünki orada təkcə faciələrimiz deyil, onların fonunda qürur duya biləcəyimiz epizodlar var.
"Assa irada" İnformasiya Agentliyinin baş direktoru Fazil Abbas çıxışında "İşğal vadisi"nin tarixi roman mahiyyəti ilə yanaşı, elmi məxəz kimi müstəsna rol oynadığını qabardıb. Vetaran jurnalist Şakir Yaqubov bildirib ki, Y.Kərimovun yaradıcılığı üçün xaraterik cəhətlərdən biri də onun mövzulara cəsarətli yanaşma tərzidir.
"Xalq qəzeti"nin baş redaktor müavini Tahir Aydınoğlu Arazbasar bədii obrazının yaradılmasını roman üçün səciyyəvi xüsusiyyət kimi önə çəkib. O həmçinin bildirib ki, əsərin mövzusu geniş həcmli tarixi-bədii serialın çəkilməsinə imkan verir və bu məsələyə həssas yanaşılmasına ehtiyac var.
Çıxış edənlərdən "Addım" qəzetinin baş redaktoru Anar Vəziroğlu, tanınmış veteran jurnalist Şəddat Cəfərov və başqaları "İşğal vadisi"nin motivini təşkil edən proseslərin ümumən Azərbaycan tarixinin önəmli mərhələsi olduğunu əsaslandırıblar.
Sonda çıxış edən Yusif Kərimov toplantı iştirakçılarına təşəkkürünü bildirib. O, həmçinin, müəllifi olduğu əsərdəki bir sıra spesifik məqamlara aydınlıq gətirib.

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...