Prezidentin son sərəncamları dövlət idarəçiliyində struktur islahatları kimi dəyərləndirilir

Tarix: 13.02.2015 / 02:17
Bölmə: Gündəm

Zahid Oruc: «Digər qurumların ləğvi dövlətin idarəetmə sisteminin effektivliyini artırmağa hesablanıb»

«İdarəçilik təkmilləşdirildikcə neft amilindən nisbətən xilas ola biləcəyik»

Məlum olduğu kimi, Prezident mühüm dövlət qurumlarını əhatə edən struktur yeniliklərlə bağlı bir neçə sərəncam imzalayıb. Bir sıra dövlət qurumlarının təmərküzləşməsi prosesi həyata keçirilib. Prosesin davamlı xarakter daşıyacağı və bəzi nazirliklərin, komitələrin də eyni aqibəti yaşayacağı barədə mülahizələr irəli sürülür.

İlkin olaraq, Prezident İlham Əliyev Qərib Məmmədovun rəhbərlik etdiyi Dövlət Torpaq və Xəritəçəkmə Komitəsinin ləğv edilməsi haqqında fərman imzaladı. Fərmana əsasən, ləğv edilmiş komitənin dövlət torpaq kadastrı, yer quruluşu, geodeziya, torpaq bazarının təşkili, dövlət torpaq reyestrini aparmaq, bələdiyyələrin elektron daşıyıcıda və kağız üzərində xəritəni, habelə rübdə bir dəfə bələdiyyələrin hüdudları daxilində dövlət, bələdiyyə və xüsusi mülkiyyətdə olan torpaq sahələrində baş vermiş dəyişikliklər barədə arayışı Prezident Administrasiyasına təqdim etmək sahəsindəki funksiyaları Əmlak Məsələləri Dövlət Komitəsinə verilir.

Ləğv edilmiş komitənin torpaqların monitorinqi, onların münbitliyinin bərpası və artırılması, geodeziya, topoqrafiya, xəritəçəkmə, qravimetriya, ərazi vahidlərinin sərhədlərinin müəyyən edilməsi, dövlət əhəmiyyətli coğrafi məlumat sistemlərinin yaradılması, ümumcoğrafi, torpaq, geobotaniki, siyasi-inzibati, elmi məlumat və digər sahələrarası mövzu xəritələrinin, atlaslarının, kartoqrafik tədris vasitələrinin layihələşdirilməsini, tətbiqini və nəşrini təmin etmək, dəqiqliyinə və məzmununa görə ümumdövlət, müdafiə, elmi-tədqiqat və digər məsələlərin həllini təmin edən dövlət topoqrafik xəritələrin, habelə qrafiki, rəqəmi, fotoqrafik və başqa formalı planların yaradılması, yeniləşdirilməsi, nəşri və geodeziya, qravimetriya, topoqrafiya və kartoqrafiya işlərinin həyata keçirilməsində, materialların istifadəsində dövlətin müdafiəsini və təhlükəsizliyini təmin etmək, vahid dövlət koordinat, yüksəklik, qravimetrik ölçmə sistemlərinin, topoqrafik xəritə və planların miqyas sıralarını təyin etmək və geodeziya, topoqrafiya və kartoqrafiya materiallarının və məlumatlarının metroloji təminatını həyata keçirmək sahəsindəki funksiyaları isə Ekologiya və Təbii Sərvətlər Nazirliyinə verilir.

Fərmana əsasən, komitənin Azərbaycan Respublikasının dövlət sərhədlərinin, o cümlədən sərhəd sularının və Xəzər dənizinin (gölünün) Azərbaycana mənsub olan bölməsinin delimitasiyası və demarkasiyası işlərini Ekologiya və Təbii Sərvətlər Nazirliyi Dövlət Sərhəd Xidməti ilə birlikdə həyata keçirir.

Bu, faktiki olaraq, böyük bir qurumun səlahiyyətlərinin uyğun təsisatlar arasında bölüşdürülməsi anlamına gəlir.

Digər struktur islahatı isə Prezident İlham Əliyevin «Azərişıq» Açıq Səhmdar Cəmiyyətinin yaradılması ilə bağlı sərəncam imzalaması oldu. Dövlət başçısının sərəncamı ilə Balababa Hüseynağa oğlu Rzayev «Azərişıq» Açıq Səhmdar Cəmiyyətinin sədri təyin edilib.

Prezidentin sərəncamına əsasən, «Azərişıq» Açıq Səhmdar Cəmiyyəti Azərbaycan Respublikasının ərazisində elektrik enerjisini satın almaqla istehlakçıların etibarlı, təhlükəsiz və səmərəli şəkildə elektrik enerjisi ilə təchizatını həyata keçirəcək. Bu sahədə yeni texnologiyaların tətbiqini, maddi-texniki bazanın müasirləşdirilməsini və ondan səmərəli istifadəni, habelə bu sahənin inkişafı ilə bağlı digər işləri yerinə yetirəcək.

Nazirlər Kabinetinə tapşırılıb ki, iki ay müddətində:

Respublika ərazisində «Azərenerji» Açıq Səhmdar Cəmiyyəti tərəfindən həyata keçirilən elektrik enerjisi ilə istehlakçıların təmin olunması fəaliyyətinin «Azərişıq» Açıq Səhmdar Cəmiyyətinə ötürülməsi, o cümlədən istehlakçıların elektrik enerjisi ilə təchizatı üçün zəruri olan və «Azərenerji» Açıq Səhmdar Cəmiyyətinin balansındakı əmlak və digər avadanlıqların «Azərişıq» Açıq Səhmdar Cəmiyyətinin balansına verilməsi üçün tədbirlər görsün;

«Azərenerji» Açıq Səhmdar Cəmiyyətinin və «Azərişıq» Açıq Səhmdar Cəmiyyətinin ümumi yığıncağının səlahiyyətlərini həyata keçirən dövlət orqanları barədə təkliflərini hazırlayıb Azərbaycan Prezidentinə təqdim etsin;

«Azərenerji» Açıq Səhmdar Cəmiyyətinin və «Azərişıq» Açıq Səhmdar Cəmiyyətinin yeni nizamnamələrinin və strukturlarının layihələrini hazırlayıb Azərbaycan Prezidentinə təqdim etsin;

Naxçıvan Muxtar Respublikası ərazisində isə elektrik enerjisini satın almaqla istehlakçıların etibarlı, təhlükəsiz və səmərəli şəkildə elektrik enerjisi ilə təchizatının həyata keçirilməsi, bu sahədə yeni texnologiyaların tətbiqini, maddi-texniki bazanın müasirləşdirilməsini və ondan səmərəli istifadəni, habelə bu sahənin inkişafı ilə bağlı digər işlərin yerinə yetirilməsi Naxçıvan Muxtar Respublikasının Dövlət Energetika Agentliyinə həvalə olunub.

Bəzi iddialara görə, struktur islahatı nəticəsində bir neçə nazirlik və dövlət komitəsi ləğv edilə bilər. Səhiyyə Nazirliyinin Əmək və Əhalinin Sosial Müdafiəsi Nazirliyi ilə birləşdirilməsi, Standartlaşdırma, Metrologiya və Patent üzrə Dövlət Komitəsinin ləğvi, funksiyalarının İqtisadiyyat və Sənaye Nazirliyinə verilməsi, Qiymətli Kağızlar üzrə Dövlət Komitəsinin ləğvi, səlahiyyətlərinin Maliyyə Nazirliyinə verilməsinin də nəzərdən keçirildiyi bildirilir.

Hakimiyyəti belə islahatların aparılmasına vadar edən nədir və bunun dövlət üçün nə kimi faydası ola bilər?

Millət vəkili Zahid Orucun sözlərinə görə, Dövlət Torpaq və Xəritəçəkmə Komitəsinin və digər qurumların ləğvi dövlətin idarəetmə sisteminin effektivliyini artırmağa hesablanıb: «Dövlət qurumlarının vahid mərkəzdən idarə edilməsi prosesi başlayıb və yəqin ki, bu proses davam etdiriləcək. Torpaq Komitəsinin ləğvini neftin qiymətinin düşməsi fonunda məcburi ixtisarlar aparmaq kimi qələmə vermək yanlış olardı. Çünki 27 milyardlıq büdcə xərclərindən Torpaq Komitəsinə düşən vəsait cəmi 5 milyon dollara yaxın idi. Dövlət Torpaq və Xəritəçəkmə Komitəsinin və digər qurumların ləğvi dövlətin idarəetmə sisteminin effektivliyini artırmağa hesablanıb. Nəzərə almalıyıq ki, daha çox qurumların mövcudluğu bir sıra hallarda təkrarlığa səbəb olur.

Həmçinin ayrı-ayrı funksiyaların müxtəlif qurumlar tərəfindən yerinə yetirilməsi vahid dövlət siyasətini çətinləşdirir. Bu strukturların vahid mərkəzdə birləşməsi vətəndaşların işlərini asanlaşdıracaq. Artıq bu proses başlayıb və davam edir. Standartlaşdırma, Metrologiya və Patent üzrə Dövlət Komitəsi İqtisadiyyat və Sənaye Nazirliyinin bir strukturuna çevrilə bilər. Bir sözlə, idarəçilik təkmilləşdirildikcə neft amilindən nisbətən xilas ola biləcəyik».

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...