"Avrasiya konsepsiyası"na münasibətdə də Azərbaycanın Ermənistandan strateji üstünlüyü üzə çıxır

Tarix: 04.02.2015 / 02:18
Bölmə: Gündəm

"Yeni SSRİ"nin dağılma prosesi gündən-günə reallığa yaxınlaşır
Şimal qonşumuzun rəhbərliyi altında yaranan Avrasiya İqtisadi İttifaqında baş verənlər son günlərin ən çox müzakirə edilən əsas mövzularından birinə çevrilib. Məsələ burasındadır ki, Rusiyadan başqa bu ittifaqda əsas dövlətlər olaraq qəbul edilən Belarus və Qazaxıstan istənilən vaxt qurumu tərk edə biləcəklərini yüksək səviyyədə bəyan ediblər.
Belarus prezidenti Aleksandr Lukaşenko bu günlərdə bəyan edib ki, Avrasiya İqtisadi İttifaqı çərçivəsində əldə edilən razılaşmalara əməl olunmadığı halda Belarus bu təşkilatdan çıxmaq hüququnu saxlayır. Lukaşenko bildirib ki, Belarus təşkilata şərtlərlə daxil olub. Onun fikrincə, Avrasiya İqtisadi İttifaqının yaradılmasına aparan yol o qədər də asan olmayacaq: "Biz bu institutu bir neçə ildir yaradırıq və iqtisadiyyatda dərhal hər şeyin qaydasına düşməsini istəmək düzgün deyil. Bu yol o qədər də asan deyil".
Daha əvvəl isə prezident Nursultan Nazarbayev bəyan etmişdi ki, Qazaxıstanın maraqlarına toxunulacağı təqdirdə rəsmi Astana Avrasiya İqtisadi İttifaqından imtina etmək hüququnu özündə saxlayacaq. Qazaxıstanın dövlət başçısı deyib ki, müqavilədə göstərilən qayda və şərtlərə əməl olunmasa, ölkəsinin Rusiyanın patronajlığı altında yaradılan Avrasiya İttifaqından çıxmaq hüququ heç bir halda mübahisə və müzakirə predmetinə çevrilə bilməz: "Qazaxıstanın belə bir addım atmaq, birliyi tərk etmək hüququ var". N.Nazarbayevin sözlərinə görə, Qazaxıstan onun təhlükəsizliyini və müstəqilliyini təhdid edəcək heç bir birliyin tərkibində olmayacaq: "Ən qiymətli sərvətimiz müstəqilliyimizdir. Ata-babalarımız uzun müddət məhz bunun üçün mübarizə aparıblar. Biz bu müstəqilliyi heç kimə təslim etməyəcəyik, onu qorumaq üçün əlimizdən gələn hər şeyi edəcəyik".
Ekspertlər isə hesab edir ki, Qərb ölkələri son dövrlərdə Belarus və Qazaxıstanla əməkdaşlığı dərinləşdirməyə çalışır. Bu əməkdaşlıq isə sonda həmin dövlətlərin Avrasiya İqtisadi İttifaqını tərk etməsinə gətirib çıxarmaq iqtidarındadır. Digər tərəfdən, Rusiyada məlum iqtisadi böhran Avrasiya İqtisadi İttifaqının cəlbediciliyini aşağı salır. Bu da üzv dövlətlərin quruma marağını azaldır. Ən nəhayət, üzv dövlətlər müstəqilliklərini itirmək təhlükəsindən ehtiyatlanaraq yeni SSRİ də adlanan Avrasiya İqtisadi İttifaqına əvvəlki kimi maraq göstərmirlər. Almaniyanın "Die Zeit" nəşri yazır ki, Belarus prezidenti və onun qazaxıstanlı həmkarı yeni qurumda Vladimir Putinin vassalı olmaq istəmir. Belə ki, Rusiyanın Qərbin sanksiyalarına cavab olaraq tətbiq etdiyi sanksiyalara Qazaxıstan və Belarus qoşulmayıb.
Quruma üzv olan Ermənistanın isə burada heç bir rolu yoxdur. Əksinə, Ermənistan Avrasiya İqtisadi İttifaqına üzv olmaqla özünə yeni problemlər yaradıb. Ermənistanın sabiq prezidenti Robert Köçəryan bu xüsusda mətbuata çox maraqlı açıqlamalar verib: "Avrasiya İqtisadi İttifaqına daxil olmaqla Qərb şirkətləri üçün cəlbediciliyimizi itirmiş olduq". Ermənistan iqtisadiyyatının yaxın perspektivi ilə bağlı optimist olmadığını deyən R.Köçəryan ümidverici proqnoz verə bilməyəcəyini bildirib. O qeyd edib ki, iqtisadi siyasətdə hər şey indiki kimi qalsa, vəziyyətin nəyin hesabına dəyişəcəyi, iqtisadi artımın təkanverici qüvvəsi rolunda nəyin çıxış edəcəyi aydın deyil. Avrasiya İqtisadi İttifaqına üzvlük isə yaxın perspektivdə Ermənistan üçün müsbət heç nə vəd etmir. Digər tərəfdən, zəif iqtisadiyyata malik Ermənistan ümumilikdə ittifaq üzvlərinə başağrısı olacaq. Bu ölkə ilə quru əlaqəsinin olmaması da əlavə problemlər yaradır.
Belə vəziyyət, Rusiyanın istəklərinin əksinə olaraq, digər dövlətlərin Avrasiya İqtisadi İttifaqına qoşulma ehtimalını sıfıra endirir. Artıq bir sıra MDB ölkələri, o cümlədən Azərbaycan bu quruma üzv olmayacağını yüksək səviyyədə bəyan edib. Orta Asiyanın aparıcı dövlətlərindən biri olan Özbəkistan da heç vaxt quruma qoşulmayacağını bildirib. Özbəkistan prezidenti İslam Kərimovun sözlərinə görə, hazırda bəzi ölkələrdə ittifaq dövlətinin keçmiş sovet sisteminə qayıdış cəhdləri müşahidə olunur: "Bəzi xarici telekanallarda Lenin və Stalin çağlarının, SSRİ dövrünün təriflənməsi nəzərə çarpır. Biz bu cür yanaşmanı qəbul edə bilmərik. Bizim xalqın istəklərinə cavab verən öz yolumuz var. Bu cür keçmişə qayıdış olmayacaq". Qeyd edək ki, əvvəldən Moskva Avrasiya İqtisadi İttifaqının iqtisadi inkişafa nail olacağına və siyasi inteqrasiyaya gətirib çıxaracağına ümid edirdi. Lakin hər şey gözlənildiyi kimi olmadı. Xüsusilə ittifaq üzvləri arasında iqtisadi tarazlığın olmaması diqqət çəkir. Rusiyadakı böhran vəziyyəti daha da çətinləşdirir. Bu gedişlə Avrasiya İqtisadi İttifaqının dağılması belə istisna deyil.

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...