Hamı ABŞ-ın "neft ucuzlaşması" siyasətinə zorən yenidən baxacağına ümidlidir

Tarix: 04.02.2015 / 02:17
Bölmə: Gündəm

Dünya çaşbaş qalıb
Dünya bazarlarında neftin ucuzlaşmasının ABŞ və bəzi Qərb ölkələrinin iqtisadiyyatına müsbət təsir etməsi barədə səslənən fikirlər öz təsdiqini tapmır. Vəziyyətin təhlili göstərir ki, ucuzlaşan neft təkcə hasilatçı ölkələr yox, Qərb ölkələri, o cümlədən ABŞ üçün də problemə çevrilir. "The Los Angeles Times" nəşri yazır ki, ABŞ-ın neft emalı zavodlarının işçiləri 1980-ci ildən bu yana ən böyük tətil elan ediblər.
Ölkənin poladtökmə sənayesi fəhlələrinin həmkarlar ittifaqından bildirilib ki, tətil edən işçilərin sayı 4 mindən yuxarıdır. Tətilə səbəb isə "Shell" şirkətinin fəhlələrin sığorta xərclərinin artırılması tələbini yerinə yetirməməsidir. "Shell" isə bunu aşağı düşən neft qiymətləri ilə izah edir.
Ümumiyyətlə, araşdırmalar göstərir ki, düşən neft qiymətləri dünya miqyasında hər nə qədər istehlakçılar üçün dəstək olsa da, bu, qlobal iqtisadi artıma gətirib çıxarmır. Çin, Rusiya və Braziliya kimi inkişaf edən bazarlardakı mənfi görünüş və Yunanıstanın avrodan çıxması ehtimalı kimi geosiyasi risqlər azalan enerji xərclərinin iqtisadi artıma gətirib çıxarmasına imkan vermir. Hesab edilir ki, neftin qiymətində artım olmasa, vəziyyət pisləşə bilər. Yuxarıda qeyd olunduğu kimi, elə ABŞ özü də bunun təsirlərini öz üzərində hiss etməkdədir. Son bir neçə ay ərzində yanacaq qiymətləri azaldığına görə, enerji istehsalının ən çox olduğu Texas daxil olmaqla, Amerika Birləşmiş Ştatlarının bəzi yerlərində qazma əməliyyatları zəifləyir. Xatırladaq ki, son illərdə Texasın mərkəzi cənubunda yerləşən "Eagle Ford" şist yatağındakı ehtiyatların kəşf olunması nəticəsində Texasın enerji istehsalı artıb. Lakin yanacaq qiymətlərinin azalması artıq burada ciddi narahatlıq yaradır. Çünki "Eagle Ford" şist yatağının qazılması nəticəsində buradakı şəhərlər sürətlə inkişaf edirdi. Lakin azalan yanacaq qiyməti yeni layihələrin dayanmasına səbəb olub. Amerikalı ekspert Helen Hernandez bu xüsusda qeyd edir: "Hər il sərmayədarlar il ərzində neçə neft buruğu inşa edəcəklərini proqnozlaşdırır. Bu il isə onlar buruqların sayını ikiqat azaldıb". Bəzi şirkətlər artıq işçiləri ixtisar etməyə başlayıb. Cənubi Texas Enerji qurumunun baş icraçı direktoru Ömər Qarsia qeyd edir: " Cənubi Texasda hər zaman iş olacaq. Amma hansı səviyyədə? Bunların hamısı yanacağın qiymətindən asılıdır. İlk dəfədir ki, bu region yanacaq qiymətləri dəyişikliyinin təsirlərini yaşayır. Ölkənin və Texasın digər hissələrində isə bu hal artıq yaşanıb". O bildirir ki, bu region 20 il inkişaf etməyib. Ötən il şist hasilatının sürətli inkişafından sonra 87 milyard dollar gəlir əldə olunub və 150 min yeni iş yeri yaranıb. Lakin neftin ucuzlaşması artıq vəziyyəti dəyişir. Bu fonda gözlənir ki, artıq ABŞ da neftin qiymət artımında maraqlı olsun. Qeyd edək ki, son günlərdə neft tədricən bahalaşır. "Komsomolskaya Pravda" qəzeti yazır ki, neftin qiyməti Amerikada neft sənayesindəki ixtisarlarla bağlıdır. Qəzet şist qazı istehsal edən şirkətlərin problemlərlə üz-üzə qalmasının neftin qiymətinə təsir etdiyini bildirib: "Neftin qiymətinin bahalaşması ABŞ-da neft hasilatının azalması ilə əlaqədardır. Amerika neft şirkətləri 352 qazma qurğusunun fəaliyyətini dayandırıb. ABŞ-da qazma qurğularında işləyənlərin sayı son üç ildə minimum səviyyəyə qədər ixtisar edilib. Həmçinin slans qazı istehsal edən şirkətlərin müəyyən problemlərlə qarşılaşması neftin qiymətinin yüksəlməsinə kömək edir". Bu vəziyyətdə OPEK neftin qiymət artımının davam edəcəyini istisna etməyib.
Belə vəziyyət göstərir ki, neftin qiymətinin ucuzlaşdırılması ilə Rusiya iqtisadiyyatına ziyan vurulması Qərb üçün də problem yaradıb. Düzdür, Rusiyanın maliyyə naziri Anton Siluanov neftin qiymətinin düşməsi və Qərbin sanksiyaları nəticəsində ölkə iqtisadiyyatının məruz qaldığı itkilərin 200 milyard dollar həcmində olduğunu bəyan edib. Nazir deyib ki, ən neqativ təsiri neftin qiymətinin azalması göstərib və bu faktor tənəzzülün əsas hərəkətverici qüvvəsi olub, sanksiyalar nəticəsində yaranan maliyyə defisiti isə 40-50 milyard dollar təşkil edib: "Tətbiq olunmuş sanksiyalar doğrudan da bizə mənfi təsir göstərib. Lakin Rusiya şirkətləri bu vəziyyətə uyğunlaşa bilib, ölkənin tədiyyə balansına isə korrektələr edilib. Rubl zəifləyib, ancaq gördüyünüz kimi, həyat davam edir və biz də yaşamağa davam edirik". Proseslər göstərir ki, Rusiya üzləşdiyi çətinliyə tab gətirəcək. Bu fonda Qərb özü ağır duruma düşməmək üçün neftin qiymətində artımlara getməkdə maraqlı olacaq. Belə vəziyyət isə neftin qiymətində yeni yüksəlişin olacağını göstərir.

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...