Bakıda təhlükəsizlik tədbirlərinin gücləndirilməsini zəruri edən iki mühüm amil...

Tarix: 27.01.2015 / 01:04
Bölmə: Gündəm

Arzu Nağıyev: «Bütün bunların hamısı, əlbəttə ki, istər Avropa Oyunları qabağı, istərsə də dövlətçilik baxımından təhlükəsizlik tədbirlərinin artırılmasının vacibliyindən xəbər verir»

«Təhdidlər var və bunun qarşısı vaxtında alınmalıdır, məhz buna görə də qabaqlayıcı məlumatlar alınaraq vaxtında tədbir görülməlidir»

Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyasının iclası keçirilib. İclası giriş sözü ilə Dövlət Komissiyasının sədri Eldar Mahmudov açaraq, Azərbaycan Respublikası Prezidentinin 2013-cü il 24 iyun və 2014-cü il 22 dekabr tarixli sərəncamlarına əsasən, Dövlət Komissiyasının tərkibində olunmuş dəyişiklikləri elan edib.

Dövlət Komissiyasının sədri Azərbaycan Respublikasının Prezidenti İlham Əliyevin qurumun üzvlərinə göstərdiyi etimadı bundan sonra da doğruldacaqlarına, ölkə rəhbəri tərəfindən Dövlət Komissiyanın qarşısına qoyulmuş vəzifələrin icrası və müəyyən edilmiş strateji məsələlərin həlli üçün daha intensiv çalışacaqlarına əmin olduğunu bildirib.

Ermənistanın Azərbaycana hərbi təcavüzü nəticəsində yaranmış humanitar problemin həlli və itkinlərin taleyinin aydınlaşdırılması üçün hələ çox işləmək lazım olduğunu bildirən Eldar Mahmudov, mövcud status-kvo dəyişmədikcə, humanitar fəlakətin tam aradan qaldırılmasının mümkün olmadığını diqqətə çatdırıb. Bildirib ki, 2014-cü il ərzində qoşunların təmas xəttində Ermənistan hərbçiləri tərəfindən törədilmiş təxribat-diversiya əməlləri bunu bir daha təsdiq edir.

E.Mahmudovun sözlərinə görə, Ermənistanın destruktiv hərəkətləri göstərdi ki, bütün aidiyyəti dövlət strukturları kimi, Dövlət Komissiyası da səlahiyyətləri çərçivəsində cəbhədə baş verə biləcək hadisələrə operativ reaksiya verməyə hazır olmalıdır: «Məlumdur ki, Ermənistanın təxribatı yalnız qoşunların təmas xəttində atəşkəs rejimini pozmaqla bitmir. Terrorçuluğu və təcavüzkar separatçılığı dövlət siyasətinin əsas xəttinə çevirmiş Ermənistan, eyni zamanda, dinc insanlara qarşı da təxribat siyasəti yeritməkdə davam edir.

2014-cü ilin iyulunda yaxın qohumlarının məzarlarını ziyarət etmək məqsədilə Azərbaycan Respublikasının Ermənistan silahlı birləşmələri tərəfindən işğal olunmuş Kəlbəcər rayonunun ərazisinə getmiş Dilqəm Əsgərov və Şahbaz Quliyev işğalçı dövlətin hərbçiləri tərəfindən girov götürülüb, Həsən Həsənov isə qətlə yetirilib. Hadisənin baş verdiyi andan Ermənistan bu məsələyə qeyri-humanitar mövqedən yanaşıb və tamamilə aidiyyəti olmayan müxtəlif uydurma məlumatlar yayıb. Ölkə rəhbərinin daim diqqətində olan girovlarla bağlı məsələ üzrə Azərbaycan Respublikası müvafiq beynəlxalq təşkilatlar qarşısında vaxtında və əsaslandırılmış tələblər qaldırıb. Lakin bütün səylərə baxmayaraq, qarşı tərəfin tutduğu qeyri-konstruktiv mövqeyə görə girovların azad edilməsi mümkün olmayıb. Həsən Həsənovun meyitinin qaytarılması prosesi isə üç ay uzanıb. İşğal olunmuş Dağlıq Qarabağdakı qondarma rejim vasitəsilə məhkəmə şousu təşkil edilib. Təbii ki, heç bir dövlət və beynəlxalq qurum tərəfindən tanınmamış və beynəlxalq hüququn subyekti olmayan qəsbkar rejimin nə özünün, nə də məhkəməsinin verdiyi hər hansı qərarın hüquqi əsası yoxdur və bu hərəkət qəbuledilməzdir. Bu, Ermənistanın müharibə qurbanlarını siyasi təzyiq vasitəsinə çevirmək cəhdinin növbəti nümunəsidir».

E.Mahmudov qeyd edib ki, buna görə, təcavüz nəticəsində yaranmış humanitar problemin həlli və itkinlərin taleyinin aydınlaşdırılması üçün hələ çox işlər görülməlidir: «Müharibə qurbanı kateqoriyasına aid edilən əsir-girov və itkin düşmüş şəxslərin məsələləri ilə məşğul olan Komissiya hər bir vəziyyətə hazır olmalıdır. İşimizi Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin müəyyənləşdirdiyi strateji xəttə uyğun qurmalıyıq».

Terrorçu dövlətin ölkəmizə qarşı hər cür təxribat törədə biləcəyi gözləniləndi. Qarşıdan Azərbaycanın ev sahibliyi edəcəyi İlk Avropa Olimpiya Oyunları gəlir. Həmin tədbirin də təhlükəsizlik şəraitində keçirilməsi bizim qarşımızda duran vacib məsəllərdəndir.Son günlər Azərbaycanın bəzi yerlərində təhlükəsizlik tədbirlərinin gücləndirildiyi ilə bağlı informasiyaların yayıldığını görürük.

Bu narahatlıqlar sırf Olimpiya Oyunlarının təhlükəsizliyilə bağlıdır, yoxsa başqa təhlükə var?

Milli Təhlükəsizlik Nazirliyinin sabiq əməkdaşı Arzu Nağıyev qəzetimizə açıqlamsında bildirdi ki, dünyada elə bir dövlət yoxdur onun təhlükəsizliyinə təhdid olmasın:

«Bu, sadəcə olaraq, forma və məzmunundan asılı olaraq çox və ya az ola bilər. Əlbəttə ki, Avropa Oyunları kimi çox mötəbər və genişmiqyaslı bir tədbir ərəfəsində olan ölkədə təhdidlərə qarşı tədbirlər görülməlidir. Unutmaq lazım deyil ki, Ermənistan və onun havadarları hər bir üsula əl ataraq regionda, o cümlədən Azərbaycanda qeyri-stabil vəziyyət olduğunu bəyan edir və bununla tədbirin keçirilməsinə əngəllər törətməyə çalışırlar. Bundan başqa, sərhədlərimizdən çox da uzaq olmayan ərazilərdə, o cümlədən İraqda, Suriyada, Ukraynada müharibə gedir, Abxaziya, Cənubi Osetiya, Dnestryanı bölgə və s. hərb ocaqlarının alovları tam sönməyib.

Dağlıq Qarabağda, demək olar ki,hər gün atəşkəs pozulur. Bütün bunların hamısı, əlbəttə ki, istər Avropa oyunları qabağı, istərsə də dövlətçilik baxımından təhlükəsizlik tədbirlərinin atrtırılmasının vacibliyindən xəbər verir. Yəni təhdidlər var və bunun qarşısı vaxtında alınmalıdır, məhz buna görə də qabaqlayıcı məlumatlar alınaraq vaxtında tədbir görülməlidir».

DİGƏR XƏBƏRLƏR

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...