Ermənilər Avropa Oyunları vaxtı atəşkəsi pozsalar...

Tarix: 26.01.2015 / 09:15
Bölmə: Gündəm

Üzeyir Cəfərov: "Səsləndirilən fikirlərə Azərbaycanın bəşəri və sülh dəyərlərinə verdiyi böyük önəmin göstəricisi kimi yanaşmaq lazımdır"

"20 ildən artıq müddətdə, nə qədər ki, torpaqlarımız işğal altında qalıb, dəfələrlə Olimpiya və Dünya çempionatları keçirilib"

Davosda keçirilən "Bakı-2015" ilk Avropa Oyunlarının təqdimat mərasimində çıxış edən Azərbaycan Prezidenti İlham Əliyev Bakıda ilk Avropa Oyunlarının keçirilməsinə beş aydan az vaxt qaldığını bildirib.
Prezident qeyd edib ki, bu oyunlar əvvəllər heç vaxt keçirilməyib: "Digər qitə oyunlarından fərqli olaraq, Avropa Oyunları heç vaxt təşkil olunmayıb. Biz bu oyunları Azərbaycanda keçirmək qərarına görə Avropa Olimpiya ailəsinə olduqca minnətdarıq. Qərar 2012-ci ilin sonlarında qəbul olunub. Bilirsiniz ki, Qış Olimpiya Oyunlarından daha böyük olan Avropa Oyunlarına hazırlıq üçün cəmi iki il yarım vaxtımız var idi. İyirmi idman növü üzrə yarışacaq 6 mindən artıq atletin gəlməsini gözləyirik. Həmin idman növlərindən 16-sı olimpiya idman növüdür. İki il yarım, təbii ki, çox məhdud vaxt çərçivəsidir. Lakin Avropa Olimpiya Komitəsinin böyük dəstəyi ilə Təşkilat Komitəsi olaraq ürəkdən çalışırıq. Biz güclü tərəfdaşlıq qurmuşuq və bu gün oyunları mümkün qədər ən yüksək səviyyədə təşkil etmək məqsədilə 40-dan artıq ölkənin nümayəndələrinin çalışdığı beynəlxalq komandamız var".
Prezident Azərbaycanın çoxlu sayda qonaq qəbul etməyə hazır olduğunu deyib: "Biz qonaqları və turistləri gözləyirik. İndi hazırlıq işinin son mərhələsindəyik. Əlbəttə ki, oyunlar bizə onsuz da həyata keçirilməli layihələri daha qısa müddət ərzində reallaşdırmaq imkanı yaratdı. Müasir idman infrastrukturunun yaradılması sahəsində çoxlu işlər aparılıb. Hazırda biz Xəzər dənizinin sahilində Bakı İdman Şəhərciyini yaradırıq. Nəqliyyat infrastrukturumuzu yeniləşdiririk. Bu, əlbəttə, regionda ən yaxşı şəbəkələrdən biri olacaq. Bakıda yeni mehmanxanalar açılır. Eyni zamanda, Xəzərin sahilində uzunluğu 16 kilometr olan yeni gəzinti zonası yaradılır. Bu, qonaqlar, idmançılar və turistlər üçün gözəl məkan olacaq".
İdmanın yer üzünün insanlarını birləşdirdiyini deyən Azərbaycan Prezidenti qeyd edib ki, Olimpiya Oyunları zamanı bütün müharibələr dayandırılmalıdır: "Bir-biri ilə müharibə şəraitində olan ölkələrin idmançıları yarışlar zamanı ədalətli şəkildə mübarizə aparır, əllərini sıxır və qalib gələni təbrik edirlər. Budur idman. Bu, Olimpiya hərəkatını və bütün dünya xalqlarını birləşdirən nadir fürsətdir. Beləliklə, ümid edirik ki, Avropa Oyunları dostluq, tərəfdaşlıq oyunları olacaq. Qələbələr hamımız tərəfindən qeyd ediləcək və mən bu fürsətdən istifadə edərək, sizin hamınızı dəvət etmək istərdim. Bakıda qonağımız olun! Ümidvaram ki, sizi iyunun əvvəlində şəhərimizdə görəcəyik və bu cür yüksək nailiyyəti bir yerdə seyr edəcəyik".
Ölkə başçısının Olimpiya fəlsəfəsinə uyğun şəkildə, belə tədbirlərin keçirildiyi zaman bütün müharibələrin dayandırılması ilə bağlı etdiyi müraciət bir ölkə olaraq bizim sülhsevərliyimizdən və bu dəyərə nə qədər önəm verməmizdən xəbər verir. Bəllidir ki, biz oyunları qəbul edən ölkə kimi müharibə şəraitində yaşayırıq. Ancaq güclü və qüdrətli orduya malik olan Azərbaycana həmin tədbirlərin keçirildiyi vaxtda Ermənistan heç bir problem yaşada bilməz. Bununla İlham Əliyev idmanın siyasətdən ayrı olmağına da işarə etmiş olub.
Hərbi ekspert Üzeyir Cəfərov "Bakı-Xəbər"ə açıqlamasında bildirdi ki, İlham Əliyev həmin fikri səsləndirməklə çox vacib məqama işarə edib: "Azərbaycan Prezidenti İlham Əliyevin ötən həftə Davosda söylədiyi bir fikir çox diqqətçəkən oldu və hesab edirəm, bunun özü də dünya dövlətlərinə bir mesaj idi ki, həqiqətən də Olimpiya oyunları zamanı bütün müharibələr dayanmalıdır. Zatən bu belə qəbul edilib, amma son vaxtlar Yer kürəsinin ayrı-ayrı nöqtələrində, elə bizə dost və qonşu olan ölkələrin ərazilərində baş verən silahlı toqquşmalar belə deməyə əsas verir ki, dövlət başçısı bu sözləri elə-belə, gəlişigözəl söz xatirinə səsləndirməyib. Onsuz da bu 20 ildən artıq müddətdə, nə qədər ki, torpaqlarımız işğal altında qalıb, dəfələrlə Olimpiya və Dünya çempionatları keçirilib. Amma bizim bədnam qonşularımız, hər zaman olduğu kimi, nə beynəlxalq hüquq və norma tanıyıblar, nə də özlərini adam kimi aparıblar. Hesab edirəm ki, Prezidentin söylədiyi bu fikirlər ermənilər üçün də bir siqnal olmalıdır. Onsuz da Silahlı Qüvvələrimiz sutkanın 24 saatını döyüşə hazırlıq vəziyyətində keçirirlər, ona görə də, biz qətiyyən arxayınlaşmamalıyıq və yəqin ki, nə qədər ki, torpaqlar düşmən tapdağından qurtulmayıb, savaş haqqımız qüvvədə qalır. Eyni zamanda, səsləndirilən fikirlərə Azərbaycanın bəşəri və sülh dəyərlərinə verdiyi böyük önəmin göstəricisi kimi yanaşmaq lazımdır".

DİGƏR XƏBƏRLƏR

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...