14/12/2019 12:21
728 x 90

ABŞ-ın 11 sentyabr hücumlarından sonra başlatdığı müharibələrə 6 trilyon dollar xərclədiyi ortaya çıxdı

Əfqanıstan, Pakistan, İraq, Suriya, Yəmən və…

img

ABŞ-ın 11 sentyabr terror hücumlarından sonra başlatdığı müharibələrdə indiyə qədər 6,4 trilyon dollar xərclədiyi ortaya çıxıb. Bu müharibələrdə 800 mindən çox insanın həyatını itirdiyi təxmin edilir.

Baki-xeber.com xəbər verir ki, ABŞ-ın qabaqcıl təhsil müəssisələrindən biri olan Braun Universitetinin Vatson İnstitutu tərəfindən 2011-ci ildən başladılan aşadırmalar nəticəsində müharibənin həm ABŞ-a, həm də əlaqəli ölkələrə təsiri və xərclərini əhatə edən geniş hesabat hazırlanıb.

Hesabat müharibələrin dəhşətli miqyasını bir daha ortaya qoyur. Tədqiqat, 11 sentyabr terror hücumlarından sonra ABŞ-ın başlatdığı müharibə və müdaxilələrə, təxminən 6,4 trilyon dollar xərcləndiyini göstərir. Bu xərclərin təqribən 1 trilyon dolları hökumətin müharibələrdə iştirak edən əsgərlər qarşısında maliyyə öhdəliyidir. 11 sentyabrdan sonra xərclənən 6.4 trilyon dollar yalnız müharibələrə ödənən xərclər deyil. Buraya xaricdəki əməliyyatlar və əsgərlərin sağlamlıq xərcləri kimi əməliyyatlar da daxildir. ABŞ Prezidenti Donald Tramp ölkəsinin xarici əməliyyatlara külli miqdarda pul xərclədiyini dəfələrlə dilə gətirib.

Hesabata görə, müharibələrdə mülki şəxslər, müharibənin yaşandığı ölkənin təhlükəsizlik qüvvələri, yaraqlılar, ABŞ hərbçiləri də daxil olmaqla son 18 ildə 800 mindən çox insan həyatını itirib. Hesabata Əfqanıstan, Pakistan, İraq, Suriya, Yəmən və başqa savaşlar əlavə edilib. Hesabata aralarında Türkiyənin də olduğu bir çox ölkədəki əməliyyatlarda zamanı itkilər də daxil edilib. Məlumata görə, ən çox ABŞ əsgəri İraq müharibəsində həyatını itirib, İraqın işğalı zamanı isə 184-207 min arası mülki vətəndaş həlak olub. 11 sentyabrdan sonra ABŞ-ın da iştirak etdiyi bütün müharibələrdə mülki itkilərin 312-335 min arasında olduğuna diqqət çəkilir.

Hesabatda müharibələr davam etdiyi üçün bu rəqəmlərin sürətlə artdığı qeyd edilir.

“Müharibələrdə az əsgər ölsə və ABŞ get- gedə daha az pul xərcləsə də, müharibə maliyyə təsiri 10 il əvvəlkindən daha da pisdir. 22-ci əsrdə də bu müharibələrin xərclərini ödəməkdə davam edəcəyik” – hesabatı hazırlayanlardan biri, Braun Universitetinin professoru Katerina Luts deyib.

Hesabat ABŞ-da, müharibələr olmasaydı, bu qədər böyük miqdarda pulun çox daha faydalı səbəblərə görə xərclənə biləcəyinə dair mübahisələrə yol açıb.

Son xəbərlər