ABŞ-da 8 noyabrda keçirilən və Respublikaçı namizəd Donald Trampun qələbəsilə nəticələnən prezident seçkisinin ardından FETÖ lideri Fətullah Gülənlə Demokrat Partiyanın namizədi Hillari Klinton arasındakı "əlaqənin" detalları üzə çıxmağa başlayıb.
Baki-xeber.com xəbər verir ki, fərqli adamların vasitəsilə göndərildiyi üçün FETÖ-nün seçkidə Klintona nə qədər maliyyə dəstəyi verdiyi dəqiq bilinməsə də, Demokrat Partiyaya yaxın bir mənbə, rəqəmin təxminən 2 milyon dollar olduğunu iddia edir.
ABŞ-da siyasi əlaqələr qurmaq və bunları davam etdirmək baxımından ciddi əhəmiyyət daşıyan yardımlar, FETÖ-nün tez-tez istifadə etdiyi üsullardan biridir. Ancaq ABŞ-da prezident seçkisində hər bir adamın edə biləcəyi yardımın miqdarı məhdud olduğu üçün bu prosesi təşkil edən şəxslər daha çox diqqət mərkəzinə gəlir.
Qeyd edək ki, FETÖ-nün ABŞ-dakı ən önəmli təşkilatlarından Türkiyə Mədəniyyə Mərkəzinin (Turkish Cultural Center - TCC) qurucuları arasında yer alan və eyni zamanda Türkiyə-Amerika arasında biznesin inkişafına dair Şuranın (TABİD) sədri olan Gökhan Özkök, Klinton ailəsilə FETÖ arasındakı əlaqənin ən qurulmasında əsas adamlardan biridir. Özkökün adı Klintonun ictimaiyyətə açıqlanan e-mail-lərində də çəkilir.
Eyni şəkildə Nyu York mərkəzli Türkiyə Mədəniyyə Mərkəzinin sədri Rəcəb Özkanın da FETÖ-Klinton əlaqələrində xüsusi rolu olduğu deyilir. Özkanın 2015-ci ildə Klintona 1 milyon dollar yardım etdiyi ortaya çıxmışdı. Bu, qanuni olaraq verilə biləcək ən yüksək yardımdır. Özkan eyni zamanda Klintonu dəstəkləmək üçün qurulan bir vəqfin maliyyə işlərinə də nəzarət edib.
FETÖ-nün xüsusilə paytaxt Vaşinqtondakı lobbi işlərində rolu olan Türkiyə-Amerika Birliyinin (Turkic-American Alliance - TAA) rəhbəri Faruk Tabanın da təşkilatın ABŞ-dakı siyasi və bürokratik əlaqə şəbəkəsində önəmli rol oynadığı bildirilir.
Onlar kimi FETÖ-nün digər adamlarının da ABŞ-dakı siyasi lobbi və yardım kampaniyalarında iştirak etdikləri və prezident seçkilərində hər birinin fərqli rollar oynadıqları iddia edilir.
Qeyd edək ki, H.Klinton seçki ərəfəsində ümumilikdə 600 milyon dollar ianə toplayıb.
